Sulat Pol Ebè Yó Kem Tau Hemtahu Bè Rom 5:10 - Udél Dwata: Gna Kesfasad ne Lomi Kesfasad

¹⁰ Tey tehe kesfohon tekuy ke Dwata, okóm kun, niten tekuy sefyu hlanen bè yóm le katay yóm Ngaen. Duhen ni, bè yóm deng kesefyu tekuy ke Dwata, milud he bud któbóngen tekuy hlanen bè yóm deng bud kehlowilen ke Krays.

Sulat Pol Ebè Yó Kem Tau Hemtahu Bè Rom 5:10 Referans Kwoze

Sulat Pol Ebè Yó Kem Tau Hemtahu Bè Rom 8:32

Ke là nalihen du yóm hol tek sotu Ngaen, tódô hamaen klowilen bélê tekuy, sélét mom yó ne là blayen du tekuy yóm kdê deng tehe fasaden tekuy.

Ifisus 2:16

Bè yóm tehe le katay Krays bè kros, yó se gónón gesón yóm tehe kesfohon tekuy. Ne lemwót bè yóm katayen yó, deng gotu sensotuhen tekuy, balù yóm kestólóng kbut ktau tekuy, ne gotu niten tekuy mulék ebè Dwata.

Deng Hegfan 1:18

Ou se yóm laen dù tul katayen. Denge tehe matay, okóm ni denge bud mowil, laen dù bud sónen ne yóm dou klowil. Ou se yóm wen kfasangen mogot hatay, dalang se yóm benwu gónó le nô yó kem tau deng matay, ou se yóm mogot du.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Sulat Pol Ebè Yó Kem Tau Hemtahu Bè Rom 8:34

Ne laen se dù tau gembek bud tmuled kul. Tek són Krays Jisas, okóm deng mom du yóm fen matay bélê tekuy ne deng bud hlowil Dwata, hyónen bè kwananen. Ne du mò fen blóng tekuy ebéléen nim kmoen ni.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Sulat Pol Ebè Yó Kem Tau Hemtahu Bè Rom 8:7

Yóm tau són ktesen kun knóyô, hnohonen Dwata, abay se là kô nimónen du yóm kun hlau Dwata. Bè ktahuhen, là kô gbeken mimón du.

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Sulat Pol Ebè Yó Kem Tau Hemtahu Bè Rom 11:28

Ni kmoen ni, tey wen kem tau Ju hmohon ke Dwata lan le kembê yóm Tulón Hyu lemwót gu béléen. Okóm yóm là kehtahu le yó, tey wen gónón hyu bélê ye kuy yu kem tau là Ju le. Okóm ke Dwata kun, sana kween kul lemwót bè yóm tehe kéléken yó kem tehe fù le.

Sulat Pol Ebè Yó Kem Tau Hemtahu Bè Rom 5:11

Okóm là sónen du yó gónó tekuy hligal. Hligal tekuy bè yóm deng nmò Dwata hlanen bè yóm gónó tekuy mogot Jisas Krays, duhen yóm deng kesefyuhen tekuy ne Dwata.

Kun Snulat Jan 14:19

Móyón là bud ton le do ne kul yó kem tau là hemtahuhen,” mon Jisas, “okóm angat bud ton ye o yó dum kuy. Lemwót bè yóm bud klowilu, yó se gónó ye angat gmuta yóm klowil laen dù sónen.

Kun Snulat Jan 6:57

Yóm Mà hógów do, laen dù tul katayen, ne béléen gónón lemwót yóm dou klowil. Senged snéen yóm tau mken du yóm dou lówó, lemwót béléu yóm kun klowil.

Kun Snulat Jan 6:40

Yó hol kóyô Mà ke benlayen klowil laen dù sónen yó kem tau dmilô yóm kun Ngà ne hemtahu béléen. Ne yó angat nmou bélê le, gotu hlowilu lu sok kól yóm hol són kdaw.”

Kun Snulat Jan 5:26

Bè Mà se hol gónón tembul klowil tau. Ne senged snéen bè yóm Ngaen, deng nmò Maen mò gónón tembul klowil tau.

2 Tutul Israél 29:24

Hnatay yó kem tau gel blóng ebè Dwata yó kem kambing mò hkó salà le, ne yóm litô le hetsik le ta yóm gónó gel demsù ebè Dwata mò hkó salà yóm kdéen tau Israél.

Sulat Pol Ebè Yó Kem Tau Hemtahu Bè Rom 5:6

Yóm tolo knô tekuy lem salà, là kô gbek tekuy lemwà knô tekuy. Okóm bè yóm kehto yóm buteng Dwata du, fen tódô matay bélê tekuy Krays.

2 Kurin 5:20

Ne duhen yó, mi se gel hógów Krays mò mit yóm kun tulón. Hol lómón ke Dwata fen mudél ebélê ye, okóm hlanen bélê me. Yó udél hwit Krays kum, monen, “Géhél ye mit sefyu ebè Dwata ne.”

Ifisus 2:3

Bè ktahuhen, lómón yó se tehe kut kmò ekni yóm kdê tekuy. Tódô nmung tekuy yóm knóyô tekuy. Balù kihu knóyô lówó tekuy ne kenbeyen nawa tekuy, tódô nmò tekuy. Yó se gónó tekuy gomong bè yóm kdéen tau deng golu elem tafak Dwata.

1 Jan 2:1

Yó gónóhu smulat ebélê ye ni kem ngà, anì bê ye bud mò salà. Okóm ke wen bélê ye gemsalà, deng wen ne fen blóng tekuy ebè Dwata, yóm Mà tekuy, duhen Jisas Krays, yóm hol tedeng kmoen.

1 Jan 4:10

Nim kbong nawa monu ni koni, sundu yóm kbong nawa tekuy ke Dwata, okóm tódô kun kbong nawa tekuy Dwata, hlanen bè yóm tehe khógówen yóm Ngaen mò lanen hmifót du yó kem salà tekuy.