Biblia Todo Logo
Bib sou entènèt

- Piblisite -




Sulat Pol Ebè Yó Kem Tau Hemtahu Bè Rom 4:9 - Udél Dwata: Gna Kesfasad ne Lomi Kesfasad

9 Bè yóm kehyu nawa tulón Dabid yó, són ebè yó kem Ju deng tnulì kô gónón e gbak yóm udél yó? Là kô yó du. Bud gbak ebè yó kem tau là tnulì le snéen. Yó gónó tekuy temngón du nim ni, lemwót bè yóm Sulat Dwata deng tulónu kuy yó koni, yóm monen, “Tódô hentahu Abraham yóm fasad Dwata du, ne yó gónón baling tedeng kton Dwata du.”

Gade chapit la Kopi




Sulat Pol Ebè Yó Kem Tau Hemtahu Bè Rom 4:9
14 Referans Kwoze  

Yó gónó Krays msok tekuy gu lem hatay mò gónón dohò yóm tehe fasad Dwata ke Abraham bè yóm khomong któbóngen yóm kdéen tau là Ju le. Yó gónóm mon, lemwót bè yóm kehtahu tekuy bè Krays gónó Dwata bemlay du tekuy yóm kun Tulus, yóm tehe fasaden tekuy.


Yó nefeten nim lomi klowil ni, laen dù bud gónón stólóng ne yóm tau Ju ne yóm tau là Juhen, yóm tau tnulì ne yóm tau là tnulien, yóm tau tólóng udélen, ne yóm tau laen dù tngónen, yóm tau klifen ne yóm tau là klifenen, abay se Krays yóm alì bong muhen bè kdéen, ne du se tendo nô bélê tekuy.


Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.


Wen monen bè sulat Dwata gbak ebè Abraham, yó monen, “Tódô hentahu Abraham yóm fasad Dwata du, ne yó se gónón baling tedeng kton Dwata du.”


Du henged layag mò hegfan yóm kóm kóyô bè yó kem dumu tau là Ju le, ne bud du se gónón lemwót yóm angat kdóyón le kum mi kem tau Israél.”


Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”


Tódô hentahu Abram yóm mon Dwata mò du yó. Ne lemwót bè yóm kehtahuhen du yóm udél Dwata, yó gónón tedeng kton Dwata du.


Kilón de kmò Dwata du bè Abraham nim ni? Yó kmoen du, là deng blayen du he yóm hlau bè kehtulì yó. Deng sana tedeng ne kton Dwata ke Abraham.


Swiv nou:

Piblisite


Piblisite