Sulat Pol Ebè Yó Kem Tau Hemtahu Bè Rom 4:6 - Udél Dwata: Gna Kesfasad ne Lomi Kesfasad

⁶ Ni se yóm tehe tulón Dabid ekni. Tulónen yóm tey kehyu nawa yóm tau là snaligen du yóm kun nmò mò gónón tedeng kton Dwata du, okóm tódô snaligen yóm deng nmò Dwata béléen.

Sulat Pol Ebè Yó Kem Tau Hemtahu Bè Rom 4:6 Referans Kwoze

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Glasya 3:14

Yó gónó Krays msok tekuy gu lem hatay mò gónón dohò yóm tehe fasad Dwata ke Abraham bè yóm khomong któbóngen yóm kdéen tau là Ju le. Yó gónóm mon, lemwót bè yóm kehtahu tekuy bè Krays gónó Dwata bemlay du tekuy yóm kun Tulus, yóm tehe fasaden tekuy.

Sulat Pol Ebè Yó Kem Tau Hemtahu Bè Rom 4:11

Deng gegna ne yóm kehtahu Abraham ke Dwata ominen yó he htulì. Hmò Dwata du yóm yó mò ilô yóm deng ktedeng ktonen du lemwót bè yóm deng kehtahu Abraham béléen. Ne duhen yó, lemwót bè yóm kehtahu Abraham ke Dwata, yó gónóhen baling mà kdéen tau hemtahu bè Dwata, baluen he ke là Ju le, ne baluen he ke là tnulì le. Tódô lemwót bè kehtahu le gónón tedeng kton Dwata kul.

Sulat Pol Ebè Yó Kem Tau Hemtahu Bè Rom 1:17

Ne bud bè yó sem Tulón Hyu yó gónó Dwata hegfan du bélê tekuy yóm gónón baling tedeng ktonen tekuy mlan bè kehtahu tekuy. Lómón yóm deng monen bè Sulat Dwata, yóm monen, “Ke deng tedeng kton Dwata du yóm tau lemwót bè kehtahuhen, du se yóm tau gmuta du yóm klowil laen dù sónen.”

Isaya 54:17

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

Kem Lingón 112:1

Hol dóyón tekuy Dwata. Hligal kun yóm tau wen klikoen ke Dwata, tendo hyu kegnómen du bè kimónen yó kem hlau Dwata.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

Glasya 4:15

Ya tey kligal ye bè yóm kdaw yó. Tódô dilóu ke nawa ye tehe gbek lemsit du yóm mata ye mò tles yóm dou, botong gmò ye. Tedu se buten yóm deng kili nawa ye ni?

Sulat Pol Ebè Yó Kem Tau Hemtahu Bè Rom 4:24

okóm mò gónó tekuy dmalang se. Yó gónón tedeng kton Dwata tekuy ke deng tekuy hemtahu béléen. Du se fen deng hlowil ke Jisas gu lem hatay yóm gónó tekuy mogot.

Sulat Pol Ebè Yó Kem Tau Hemtahu Bè Rom 4:9

Bè yóm kehyu nawa tulón Dabid yó, són ebè yó kem Ju deng tnulì kô gónón e gbak yóm udél yó? Là kô yó du. Bud gbak ebè yó kem tau là tnulì le snéen. Yó gónó tekuy temngón du nim ni, lemwót bè yóm Sulat Dwata deng tulónu kuy yó koni, yóm monen, “Tódô hentahu Abraham yóm fasad Dwata du, ne yó gónón baling tedeng kton Dwata du.”

Sulat Pol Ebè Yó Kem Tau Hemtahu Bè Rom 3:27

Yó gónóm mon, laen bang gónó tekuy hton salù. Abay se là kóen lemwót bè klolò tekuy yóm hlau Musis gónón tedeng kton Dwata tekuy, okóm tódô lemwót bè yóm kehtahu tekuy ke Jisas.

Danyél 9:24

Wen fat latu bud syóm folò halay klawi yóm buteng eles htólóng Dwata mò lanen tmóbóng yó kem dumuhem tau Israél kkólen bè yóm kun syudad. Yó nmoen, angat kóhen bè yó kem tau yóm tendo katù le du ne yóm tendo kmò le salà. Angat wen lanen mayad salà le. Ominen angat wen kukum tedeng suen lem blóng le ne laen tul sónen yóm klolò le du. Yóm kmoen du ni kem ni mò gónón dohò yóm deng htonen kóm ne yóm deng tehe gel htulónen yó kem tugoden. Lelen yó he angat bud hetfingen yóm kun Gónô mò gónóhen hol nô.

Jirimaya 33:16

Bè yóm kdaw yó angat gewà yóm benwu Juda ne angat menek yóm syudad Jirusalim. Ne yó angat tendo mon yó kem tau nô lemen, ‘Dwata se yóm mit tekuy tedeng.’ ”

Jirimaya 22:6

Yó udél Dwata gbak ebè yóm gónô bong yóm tau hol geta bè Juda, monen, “Yóm ktilobem, hol lómón ktilob yóm tonok Gilyad ne lómón ktilob yó kem dlag bè yó kem bulul Libanun. Okóm angat genlau uu ne laen kô dù bud tauhem.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Matyu 25:19

Deng tey kegenen mógów ne yóm gónó le mogot, ominen bud kól. Ne gotu htabahen yó kem tau tehe wen hogoten kul. Gotu snólóken bélê le yóm kmò khógów le du yóm filak tehe hogoten kul.

Sulat Pol Ebè Yó Kem Tau Hemtahu Bè Rom 4:5

Okóm tólóng kun yóm tau hemtahu bè Dwata. Tódô hentahuhen yóm kegbek Dwata hmifót salà yó kem tau gemsalà. Lemwót bè yóm kehtahuhen, yó gónón tedeng kton Dwata du yóm tau yó. Là lemwóten bè yóm gel nmoen.

Sulat Pol Ebè Yó Kem Tau Hemtahu Bè Rom 4:7

Ni se yóm tehe udél Dabid, monen, “Tey kehyu nawan yóm tau ke deng hnifót Dwata béléen yóm salaen, ne ke deng tódô kóhen tahen.

Sulat Jim 2:18

Okóm déke wen sotu tau mon du, monen, “Là sengeden yóm tau. Hemtahu yóm sotuhen, okóm yóm sotuhen, gel nmoen yóm hyu.” Okóm yó balau du yóm monen yó, monu, “Ke laen dù tonu hyu nmoen yóm tau hemtahu, laen kô dù gónóhu dmilô du yóm kehtahuhen. Okóm ke sónmou gel tmóbóng kem dumuhu, yó se gónóm dmilô du yóm kehtahuhu.”