Sulat Pol Ebè Yó Kem Tau Hemtahu Bè Rom 4:5 - Udél Dwata: Gna Kesfasad ne Lomi Kesfasad

⁵ Okóm tólóng kun yóm tau hemtahu bè Dwata. Tódô hentahuhen yóm kegbek Dwata hmifót salà yó kem tau gemsalà. Lemwót bè yóm kehtahuhen, yó gónón tedeng kton Dwata du yóm tau yó. Là lemwóten bè yóm gel nmoen.

Sulat Pol Ebè Yó Kem Tau Hemtahu Bè Rom 4:5 Referans Kwoze

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Sulat Pol Ebè Yó Kem Tau Hemtahu Bè Rom 3:22

Yó gónón baling tedeng kton Dwata tekuy, duhen yóm kehtahu tekuy ke Jisas Krays. Tu se nmò Dwata bè kdéen tau hemtahu bè Krays, laen kô dù mtukul néléken.

Sulat Pol Ebè Yó Kem Tau Hemtahu Bè Rom 10:3

Là kô tngón le du yóm lan nmò Dwata mò gónón tedeng ktonen kul. Mom yó tô nmò le, tódô lolò le yóm kul kehlan du. Là kô lolò le du yóm lan nmò Dwata mò gónó le tedeng.

Sulat Pol Ebè Yó Kem Tau Hemtahu Bè Rom 4:24

okóm mò gónó tekuy dmalang se. Yó gónón tedeng kton Dwata tekuy ke deng tekuy hemtahu béléen. Du se fen deng hlowil ke Jisas gu lem hatay yóm gónó tekuy mogot.

Sulat Pol Ebè Yó Kem Tau Hemtahu Bè Rom 4:3

Wen monen bè sulat Dwata gbak ebè Abraham, yó monen, “Tódô hentahu Abraham yóm fasad Dwata du, ne yó se gónón baling tedeng kton Dwata du.”

Kun Snulat Jan 6:29

Ne bnalà Jisas se lu, monen, “Ni hol kóyô Dwata bélê ye ke hentahu ye yóm deng hógówen elem blóng ye.”

Kun Snulat Jan 5:24

Tódô tulónu kuy ktahuhen,” mon Jisas, “yó se hmungol yóm dou udél, ne hemtahu bè yóm hógów do, deng wen ne kun klowil laen dù sónen. Là angaten megtuled, okóm deng gewà gu lem hatay, ne deng gutahen ne yóm klowil laen dù sónen.

Hbakuk 2:4

Yó snulatem, Ngem yó kem tau là tedeng kmò le, laen dù gónón e kól yóm klowil le. Okóm kul yó kem tau tedeng kmò le, lemwót bè yóm kehtahu le bè Dwata wen gónón e kól yóm klowil le.

Juswa 24:2

Yó udél Juswa ebè kdê yó kem tau Israél, monen, “Ni se udél Dwata, yóm sana Dwata hol gónó tekuy mogot yó kem tau Israél. Yóm tehe yu ekni, tehe le menwu ditu sentu Él Yufratis yó kem fù ye ne gel le tmaba ebè yó kem dumu dwata kéng. Yóm sotu bè yó kem tehe fù ye yó ekni duhen Tira yóm mà le Abraham ne Nahor.

Mark 9:23

Mon Jisas se mò du, “Moen de ke monem mò do, ‘Ke gbekem?’ Igoen laen dù là gbek Dwata du bè yóm tau hemtahu béléen.”

Sulat Pol Ebè Yó Kem Tau Hemtahu Bè Rom 4:6

Ni se yóm tehe tulón Dabid ekni. Tulónen yóm tey kehyu nawa yóm tau là snaligen du yóm kun nmò mò gónón tedeng kton Dwata du, okóm tódô snaligen yóm deng nmò Dwata béléen.