Sulat Pol Ebè Yó Kem Tau Hemtahu Bè Rom 4:15 - Udél Dwata: Gna Kesfasad ne Lomi Kesfasad

¹⁵ Lemwót bè yóm kwen hlau gónón wen tafak gu bè Dwata abay se là glolò tau du. Ke laen dù hlau laen se dù tau gemsalà.

Sulat Pol Ebè Yó Kem Tau Hemtahu Bè Rom 4:15 Referans Kwoze

Sulat Pol Ebè Yó Kem Tau Hemtahu Bè Rom 5:13

Gu laanen là deng wen hlau hlolò Dwata kul, deng kem gegna ne yóm kegsalà tau. Okóm là deng snolò Dwata du bélê le he yóm kegsalà le yó, abay se là dengen wen hlau hloloen kul.

Glasya 3:10

Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

1 Kurin 15:56

Yó gónón wen kfasangen bélê tekuy yóm hatay lemwót bè salà. Ne yó gónón wen kfasangen yóm salà lanen wen yóm hlau Dwata.

Glasya 3:19

Duhen yó, ke lómón yó se kmoen tedu se muhen yóm kehsulaten du ke Musis yóm hlau? Yó muhen mò hdilô du bè yó kem tau yóm salà le. Wen mu Dwata du efet yóm kdaw kkól yóm tau monen semfu gu bè Abraham, yóm tau gónó Dwata e mon du yóm tehe fasaden yó. Bè yóm tehe keblay Dwata du ke Musis yóm hlau, wen hógówen gu bè longit mò blóngen ebè Musis. Bong ke Musis kun, mò fen blóngen ebè kem tau.

Kun Snulat Jan 3:36

Yó se hemtahu bè yóm Ngà Dwata, gutahen yóm klowil laen dù tul sónen. Yó se là mimón du yóm Ngà Dwata, là se kô gutahen du yóm klowil yó, tódô hlós gbóen yóm tafak Dwata du.”

1 Jan 3:4

Ke sok mò salà yóm tau, deng nuléhen ne yóm hlau Dwata. Abay se yóm gel mon le salà, yó se yóm nmò gónó le mulé du yóm hlau Dwata.

Ifisus 5:6

Bê ye abay hegsukat bè yó kem tau gel smonol du yó kem monu yó koni. Lemwót bè yóm gel kmò le du, gnóm le he yóm tey kebut Dwata kul yó kem tau là mimón du.

Kun Snulat Jan 15:22

Ke là denge sut lem blóng le, ne tmolok bélê le, là kô na a duón Dwata du kul yóm salà le yó. Okóm ni, laen kô dù bud lasun le ne.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Kulasi 3:6

Lemwót bè ni kem nmò sidek ni gónó Dwata tmafak yó kem tau mò du.

Sulat Pol Ebè Yó Kem Tau Hemtahu Bè Rom 1:17

Ne bud bè yó sem Tulón Hyu yó gónó Dwata hegfan du bélê tekuy yóm gónón baling tedeng ktonen tekuy mlan bè kehtahu tekuy. Lómón yóm deng monen bè Sulat Dwata, yóm monen, “Ke deng tedeng kton Dwata du yóm tau lemwót bè kehtahuhen, du se yóm tau gmuta du yóm klowil laen dù sónen.”

2 Bok Kem Tau Hol Geta 22:13

“Lemwót ye do, snólók ye kum bè Dwata, ou ne yó kem tau ne yóm kdéen tau bè Juda yóm udél deng nô lem nim bok ton me ni. Tey sidek kebut Dwata tekuy, abay se là kô nimón kem fù tekuy du yóm udél deng snulat lem nim bok ni. Ne là se deng nmò tekuy du tedu mon yóm bok ni bélê tekuy.”

Lista 32:14

Ne ni, yu bud temles mò du yóm sidek tehe nmò yó kem tuha ye. Yu kem lomi tau nim kmoen ni, tô bud nmò ye yóm gónó Dwata bud lembut yó kem tau Israél.

Deng Hegfan 19:15

Yóm smakay tukô gna kul yó, wen hsut gu lem baken lómón ke sudeng alì telem mò atuen yó kem tau hol geta bè klamangen benwu. Yóm kkamalen kul tey mefges lómón ktétélen bala tók. Lómón ketken le yóm bungu grép anì molo élen, lómón yó se ketkenen mdà kul elaan yó kem hmohon du. Ni se kehegfan Dwata du yóm alì sidek kebuten kul, yóm Dwata laen kô dù là gbeken du.