Sulat Pol Ebè Yó Kem Tau Hemtahu Bè Rom 4:12 - Udél Dwata: Gna Kesfasad ne Lomi Kesfasad

¹² Ne senged se yó kem Ju deng hemtahu bè Dwata, yó kem tau deng tnulì, Abraham se mà le. Là lemwóten bè yóm klolò le yóm kehtulì Abraham, okóm lemwót bè yóm kdalang le yóm kehtahuhen gu laanen là deng htulì.

Sulat Pol Ebè Yó Kem Tau Hemtahu Bè Rom 4:12 Referans Kwoze

Kem Udél Hlalak Tehe Selumun 2:20

Okóm uu, lemwót bè yóm khulungem hedem hol loloem yóm kul kmò yó kem tau tedeng kmò le ne hol hentedengem yóm kóm kmò klowil.

1 Pitér 2:21

Ni se hol kun kóyô Dwata bélê ye ke gbek ye hembala yó kem gónó ye gel glayam hkawang. Ngem ke Krays kun, tey kehbalahen yóm tehe keglayamen bélê ye. Du se mò gónó ye dmalang anì mkél ye du.

2 Kurin 12:18

Bè yóm tehe khógówu ke Taytus edyó, wen sotu dumu tekuy hemtahu hmungu du. Wen kô gónó Taytus smukat kuy bè yóm kógówen edyó? Là kô yó du. Senged se yóm kun knawa Taytus bè yóm dou knawa, ne yóm kun kmò, senged bè yóm dou kmò.

Matyu 3:9

Ne bê ye abay tô ken-gel nawa yó dum kesfu ye gu bè yóm tehe Abraham ke yó tô lan ye gewà. Tódô tulónu kuy, balù ni he kem botu ni dé, botong gbek Dwata hembaling du tau mò semfu gu bè Abraham.

Job 33:11

Lómón ke nféten o bè tihu ne gotu hnénégen nô kdólu.’

Kem Lingón 47:9

Gotu le stifun yó kem dumu tau hol geta mogot benwu, mung le bélê tekuy kem kun tau Dwata, yóm Dwata tehe Abraham. Dwata se hol geta senta yóm kdê tau mogot benwu. Laen kô dù bud geta sentahen.

Isikél 33:24

“Ó Tau Tonok, yó tendo udél yó kem dù tau menwu bè yó kem syudad deng gbà bè Juda, mon le, ‘Tek sotuhen se kun yóm Abraham. Baluen ke tek sónen du, béléen gónó Dwata bemlay du yóm klamang tonok. Ne ni, deng tekuy baling dê, yake blayen tekuy yóm tonok ni mò nfun tekuy.’

Sulat Pol Ebè Yó Kem Tau Hemtahu Bè Rom 4:11

Deng gegna ne yóm kehtahu Abraham ke Dwata ominen yó he htulì. Hmò Dwata du yóm yó mò ilô yóm deng ktedeng ktonen du lemwót bè yóm deng kehtahu Abraham béléen. Ne duhen yó, lemwót bè yóm kehtahu Abraham ke Dwata, yó gónóhen baling mà kdéen tau hemtahu bè Dwata, baluen he ke là Ju le, ne baluen he ke là tnulì le. Tódô lemwót bè kehtahu le gónón tedeng kton Dwata kul.

Sulat Pol Ebè Yó Kem Tau Hemtahu Bè Rom 4:13

Tehe yu ekni, wen fasad Dwata ke Abraham ne bè yó kem semfu gu béléen. Yó fasaden kul, lu angat mogot yóm klamangen benwu. Là kóen mlan bè klolò Abraham du yóm hlau Musis gónó Dwata hlan du béléen yóm fasad yó. Okóm mlan bè yóm kehtahuhen ke Dwata. Són yó se gónón tedeng kton Dwata du, són bè yóm kehtahuhen.