Sulat Pol Ebè Yó Kem Tau Hemtahu Bè Rom 3:9 - Udél Dwata: Gna Kesfasad ne Lomi Kesfasad

⁹ Duhen yó, tekuy kem tau Ju, lemyu tekuy kô senta yó kem tau là Ju le? Là kô yó du. Deng tulónu kuy se koni, tódô kdéen tau gotu gemsalà, tau Ju duhen tau là Ju le.

Sulat Pol Ebè Yó Kem Tau Hemtahu Bè Rom 3:9 Referans Kwoze

Glasya 3:22

Deng monen bè Sulat Dwata, tódô kdéen tau bè klamangen benwu, gotu le gmung bè yóm óyô le mò sidek. Yó gónóm mon, tek sotu gónó tekuy gmuta du yóm klowil tehe fasad Dwata tekuy, són bè kehtahu tekuy bè Jisas Krays.

Sulat Pol Ebè Yó Kem Tau Hemtahu Bè Rom 6:15

Déke wen mon du, “Hyu ne ni, là bud tekuy gfét du ne yóm tehe hlau gnan. Anien ke senflós tekuy mò salà abay se wen Dwata fen gel tmóbóng.” Tey sekban ke lómón yó kehedem ye.

Isaya 65:5

Ne yó mon le mò yó kem dumu tau, ‘Hol bê ye hloni ebélê me abay se wen tulus me, là hyuhen ke getdol ye mi.’ Ya tey sidek kekbéu kul yó kem tau lómón yó. Yóm kebutu kul, hol lómón yóm ofi laen dù tul katayen.” Là gomongen bè nili yóm bérs 6 kól bè bérs 16. Yó tulónen bè ni yóm ktafak Dwata yó kem tau là mimón du. Tey ktabahen kul anì mni le tóbóng béléen okóm là, deng mom hebut le Dwata. Okóm yó kem tau Israél lemwót bè ból Juda ne kem sfu le, angat tey kuyag Dwata kul ne gfun le yóm tonok blayen kul.

Sulat Pol Ebè Yó Kem Tau Hemtahu Bè Rom 11:32

Hol kóyô Dwata ke dilô kdéen tau yóm là kimón le du anì hol dilô le snéen yóm kkoduhen kul.

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Flipay 1:18

Okóm là, mom hnigalu he yóm nmò le yó, syan dé ke hlós kehból le du yóm kun boluy Krays, kihu ke là hyu buten yóm kmò le du, duhen ke hyu. Ne là kóen mkó yóm kligalu

Glasya 3:10

Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

1 Kurin 14:15

Tô kmou du se nim ni? Yó kmou du, tódóe mni bè Dwata bè yóm tólóng udél mlan bè Tulusen, ne mnihe snéen mlan bè yóm kehedemu du. Senged se bè kesngalu, semngale bè yóm tólóng udél mlan bè Tulusen, ne semngale snéen mlan bè yóm kehedemu du.

1 Kurin 10:19

Tedu se hol lanen nim toloku kuy ni? Yóm dwata kéng gónó le demsù yó, tódô kul lenbù nmò tdok. Ne yóm ken deng dsù le ebéléen yó, tódô ken laen dù tulusen.

1 Kurin 4:7

Ilóem kmon ye ke geta ye senta yó kem dumu ye hemtahu. Wen kô tódô kun kenhulung yóm tau ke là lemwóten bè Dwata? Ke lómón yó, moen de ke tô nit ye hegmón yóm deng blay Dwata kuy?

Sulat Pol Ebè Yó Kem Tau Hemtahu Bè Rom 11:7

Ne duhen yó, là kô dog ton kem tau Israél du yóm hnebel le. Són olo mton du, són yó kem là wenen deng nélék Dwata. Bong yó kem dumu tau, baling le kembel, abay se là hnungol le du yóm taba Dwata kul.

Sulat Pol Ebè Yó Kem Tau Hemtahu Bè Rom 3:5

Okóm ke mom yó udél yó kem dumu tau, ke mon le là sideken kun ke mò salà yóm tau anì gdilô yóm kun ktedeng Dwata. Yó gónóm mon, là hyuhen kun ke tnafak Dwata yóm tau mò sidek. (Déke wen se mon du nim ni.)

Sulat Pol Ebè Yó Kem Tau Hemtahu Bè Rom 1:18

Hegfan Dwata gu bè longit lebuten kul yó kem tau alì gel mò sidek. Yóm sidek nmò le yó, yó se gónón gseng ebélê le yóm ktahuhen lemwót gu bè Dwata.

Kun Snulat Luk 7:39

Timbow ton yóm Farisi mit ke Jisas nim nmoen ni, yó hendemen, “Ke tahu tau tugod Dwata nim Jisas ni, hol là galu ke là tngónen du nim libun mogot du ni, ne yóm sidek gel nmoen.”

Kem Udél Hlalak Tehe Selumun 20:9

Laen kô dù tau gembek mon du, “Deng gotu hólósu ne lem but blututu ne laen dù salau.”

Sulat Pol Ebè Yó Kem Tau Hemtahu Bè Rom 2:1

Béem tódô gel tendok kun kmò kem dumum. Laen dù lasunem mò du, balù sentnga se yóm kóm ktau. Ke wen tendokem bè dumum, ne ke bud gel nmoem se kóm, ten-geedem hegtuled knóem.

Sulat Pol Ebè Yó Kem Tau Hemtahu Bè Rom 3:1

Déke wen bélê ye hemdem du, laen dù muhen yóm ktau tekuy Ju ne yóm ktau tekuy tnulì. Là kô yó du.

Sulat Pol Ebè Yó Kem Tau Hemtahu Bè Rom 7:14

Tngónu yóm hlau, hono lemwót gu bè Dwata, laen kô sidek nô du. Okóm béléu yóm gónón sidek, abay se tauhe gemsalà, gféte bè yóm sidek.