Sulat Pol Ebè Yó Kem Tau Hemtahu Bè Rom 3:6 - Udél Dwata: Gna Kesfasad ne Lomi Kesfasad

⁶ Tey sekban yóm mon le yó. Ke là tmafaken yóm Dwata, là kóen tedeng yóm kun kmò. Ne ke là tedengen, là se kô gbeken kmukum yóm kdéen tau talak tonok.

Sulat Pol Ebè Yó Kem Tau Hemtahu Bè Rom 3:6 Referans Kwoze

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Sulat Pol Ebè Yó Kem Tau Hemtahu Bè Rom 2:16

Duhen yó, ni se kmoen bè yóm kdaw angat kehkukum Dwata ke Jisas Krays yóm kdéen tau. Angat knukumen yó kem deng tehe nmò le, balù yó kem gebnos. Ni se hol nô lem yóm Tulón Hyu gel nwitu.

Kem Lingón 98:9

bè solu Dwata. Yakà kól Dwata nan e knukum klamang benwu. Knukumen klamang benwu mlan bè ktedengen, ne laen kô dù mtukul nfihen.

Kem Lingón 96:13

sok kól Dwata mò kmamal yóm klamangen. Angat tey tedeng yóm kkamalen kdéen tau, laen kô dù mtukul nfihen.

Kem Lingón 50:6

Yó heglalag yó kem lafin longit, duhen yóm ktedeng Dwata, yakà du se yóm kmukum.

Kem Lingón 9:8

Knukumen yó kem tau bè klamangen benwu mlan bè ktedengen. Knukumen tau mlan bè klaen dù mtukul nfihen.

Kun Snulat Luk 20:16

Yó nmoen, tódô lemwót etu bélê le nan e gotu hnatay lu. Bud tólóng tau ne hogoten du yóm huluhen yó.” Timbow gungol yó kem tau nim tulón Jisas kul ni, botong mon le, “Bê. Là he yó.”

Sulat Pol Ebè Yó Kem Tau Hemtahu Bè Rom 3:4

Baluen he ke kdéen tau lem benwu gotu mò kéng, là kun ke Dwata, hono tahu yóm kun gel mon. Lómón ni se yóm sotu monen bè sulat Dwata, yóm monen, “Bè kudélem, Dwata, hol gónón gfan yóm ktedengem. Baluen ke wen tô duón le kóm, kaem uu matù bélê le.”

Sulat Pol Ebè Yó Kem Tau Hemtahu Bè Rom 3:31

Déke bud wen tau mon du, “Ke mlan bè kehtahu tekuy ke Jisas, laen dù bud muhen ne yóm klolò tekuy yó kem hlau Musis.” Là kô yó du. Mom milud he klolò tekuy du yóm hlau lemwót bè yóm deng kehtahu tekuy ke Jisas.