Sulat Pol Ebè Yó Kem Tau Hemtahu Bè Rom 3:5 - Udél Dwata: Gna Kesfasad ne Lomi Kesfasad

⁵ Okóm ke mom yó udél yó kem dumu tau, ke mon le là sideken kun ke mò salà yóm tau anì gdilô yóm kun ktedeng Dwata. Yó gónóm mon, là hyuhen kun ke tnafak Dwata yóm tau mò sidek. (Déke wen se mon du nim ni.)

Sulat Pol Ebè Yó Kem Tau Hemtahu Bè Rom 3:5 Referans Kwoze

Sulat Pol Ebè Yó Kem Tau Hemtahu Bè Rom 6:19

Yó gónóhu hmingón du bè keghesek nim toloku kuy ni anì mahil ketngón ye du lanen. Tehe yu ekni, ghesek ye bè yóm óyô ye mò sidek, abay se tódô bayà ye lówó ye mò du, ne sónmoen minut temnù yóm ksidek nmò ye. Okóm ni yake hol hogot ye ke Dwata yóm lówó ye anì ghesek ye bè yóm tedeng, ne anì laen dù belenen yóm kmò ye.

Glasya 3:15

Ó kem dumuhu setwoli, wen tulónu kuy lemwót bè yóm sana gel nmò tekuy. Ke hol hget tekuy yóm senfasad tekuy, sal gel wen gónó tekuy fema. Ne yóm senfasad deng fenma laen kô dù tau bud gembek mkó du ne temnù du.

1 Kurin 9:8

Là són du bè nim kmò tau ni koni gónó ye temngón du nim ni. Okóm deng sana monen bè hlau Musis snéen.

Sulat Pol Ebè Yó Kem Tau Hemtahu Bè Rom 7:7

Ke lómón yó kmoen yóm hlau, sidek kô yó bè kehedem ye du? Là kô yó du. Ke là wen yóm hlau, là kô tngónu du yóm salà. Lómón yóm mófô, là kô tngónu du ke sidek bè Dwata ke là wen yóm hlau mon du, “Béi abay mófô.”Okóm lemwót bè yóm deng kegna knóen béléu yóm salà, ne tngónu monen bè yóm hlau là hyuhen yóm mófô, okóm deng mom lenwéen yóm óyóu mófô. Ke là wen yóm hlau, là kô tngónu du yóm ksideken yóm nmou yó.

Sulat Pol Ebè Yó Kem Tau Hemtahu Bè Rom 4:1

Yake hol hendem tekuy yóm tehe Abraham ekni, yóm tehe fù tekuy kem Ju. Tedu but gónón tedeng kton Dwata du?

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Nahum 1:2

Yóm sana Dwata hol gónó mogot, tey mélés nawahen ke tólóng dwata lolò yó kem tau. Gel bnelesen yó kem tau kembê du. Lemwót bè kebuten kul, gotu genlaen lu.

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Deng Hegfan 15:3

Ne gotu le semngal. Sngal le yóm tehe kun sngal Musis, yóm sotu tóbóng lówó Dwata ekni. Bud yó snéen kun sngal yóm Ngà Ubiha. Yó sngal le, monen, “Ó Dwata, yóm gónó mogot bè klamangen, laen dù là gbekem du, ne tey kehtaw me du yóm gel nmoem. Uu se yóm hol geta mogot yóm klamangen, ne sal hyu yóm gel nmoem, hono tedeng.

1 Kurin 15:32

Deng tey keglayamu bè nim knóu bè Ifisus. Yó kem tau hmohon dou bè ni, hol lómón tô le knawa ógóf lóbô gu lem bnes. Tedu muhu alì hbala bè ni du ke là se angat bud hlowil Dwata do hulin kdaw? Ke là se angat bud hlowil Dwata dou, mom hyu ke tódô lolou yóm gel mon dumu tau, yóm gel mon le, “Eles tnana kuy hol segwas mken ne minum, déke matay tekuy kehaya.”

Sulat Pol Ebè Yó Kem Tau Hemtahu Bè Rom 12:19

Ó kem wè, hol bê ye abay meles. Tódô bayà ye bè Dwata, abay se deng monen bè Sulat Dwata, monen, “Ou he fen gel meles. Ne ou he fen gel malà.”

Sulat Pol Ebè Yó Kem Tau Hemtahu Bè Rom 6:1

Ke lómón yó se kmò któbóng Dwata tekuy, tódô henlel tekuy ne kô mò salà anì hol temnù kbongen yóm tóbóngen tekuy?

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Sulat Pol Ebè Yó Kem Tau Hemtahu Bè Rom 3:7

Okóm ke mom yó bud udél yó kem dumu tau, ke mon le là sideken kun ke mò tekuy kéng anì gdilô yóm klaen dù kéng Dwata, ne bud bè yó se kun gónón megdóyón Dwata. Yó gónóm mon, là hyuhen kun ke tnafak Dwata tekuy ke mò tekuy kéng.

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Sulat Pol Ebè Yó Kem Tau Hemtahu Bè Rom 5:8

Okóm ke Dwata kun, deng hegfanen yóm tey kbong nawahen tekuy bè yóm tehe le khógówen ke Krays edini, mò fen matay bélê tekuy igò tekuy tolo gemsalà.

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Sulat Pol Ebè Yó Kem Tau Hemtahu Bè Rom 9:30

Duhen yó, yó kem tau là Ju le, là kô ktes le du yóm ktedeng kton Dwata kul, okóm guta le lan le hemtahu bè Jisas.

2 Kurin 6:4

Hol kóyô me ke dilô le bè kekdol me yóm ktau me tóbóng lówó Dwata. Yó gónó me tódô hol hembala du ke wen gónó me glayam, duhen ke wen yóm mgel sut bélê me, duhen ke wen gbunù me.

2 Kurin 7:11

Tey tilob uléken yóm tehe kegbeng lem ye yó, abay se tódô lemwót bè Dwata. Ngem yóm alì kehedem ye du yóm là tedengen lem blóng ye, ne yóm alì kekbê ye du yóm sidek nmò yóm sotu tau bè yó. Tey keklit ye du yóm nmoen, ne sidek ktafa nawa ye du snéen. Són hendem ye ke mulék hyu nawahu ebélê ye, ne tey kfi ye do. Ne tey ktafak ye du yóm tau mò sidek lem blóng ye. Bè ni kem nmò ye ni koni deng gónó ye hegfan yóm klaen dù bud kuy du ne yóm kun nmò yóm tau yó.

Glasya 2:18

Ke tô bud lolou yóm hlau tehe tebelu, mom bè yó ne gónón gfan yóm kuléhu du, abay se là kô gbeku lemolò du.