Sulat Pol Ebè Yó Kem Tau Hemtahu Bè Rom 3:28 - Udél Dwata: Gna Kesfasad ne Lomi Kesfasad

²⁸ Bud nulitu yóm monu yó koni, són yó gónón baling tedeng kton Dwata tekuy ke hemtahu tekuy bè Jisas. Là kóen lemwót bè klolò tekuy yóm hlau.

Sulat Pol Ebè Yó Kem Tau Hemtahu Bè Rom 3:28 Referans Kwoze

Taytus 3:7

Lemwót bè yóm któbóng Jisas kut yó, yó se gónón deng hyu kton Dwata kut, ne yó se gónó te gmuta du yóm klowil laen dù sónen, yóm gel nefet nawa te ni kmoen ni.

Glasya 2:16

Okóm deng tngón me ne, tek sotu gónón tedeng kton Dwata du yóm tau, tek són bè kehtahuhen bè Jisas Krays. Là kóen lemwót bè yóm kloloen du yóm hlau Musis yó. Yó gónó me hemtahu bè Krays Jisas se kum kem Ju anì tedeng kton Dwata kum lemwót bè kehtahu me béléen. Là se kóen lemwót bè yóm klolò me du yó kem hlau Musis, abay se laen kô deng tau he ke tedeng kton Dwata du lemwót bè kloloen yó kem hlau.

Glasya 3:24

Sotuhen, hol lómón ke tau munung ngà yóm hlau yó. Yó se hlun gónó tekuy galak efet kól bè yóm kdaw ksut Krays te tonok. Timbow kól, du ne tles gónó tekuy galak. Lemwót bè kehtahu tekuy béléen, yó se gónón tedeng kton Dwata tekuy.

Glasya 3:8

Deng tehe eles tulón Dwata bè Sulaten ekni yóm angat ktedeng ktonen kul yó kem tau là Ju le lemwót bè yóm kehtahu le béléen. Deng tehe tulón Dwata ke Abraham se yóm Tulón Hyu yó, yó monen, “Hlanu béléem yóm angat któbóngu yóm kdéen tau bè klamangen benwu.”Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.

Sulat Jim 2:24

Bè yó gónó ye mton du là kóen tedeng kton Dwata du yóm tau ke olon hemtahu, ke là hegfanen du bè yóm gel nmoen.

Sulat Pol Ebè Yó Kem Tau Hemtahu Bè Rom 3:26

Okóm ni kmoen ni, là gbeken du ke là tnafaken du yóm salà. Yó gónóm mon, umuen Jisas fen megtafak. Bè yóm ktafaken salà, yó gónó Dwata hegfan du yóm tey ktedengen. Ne yóm tau hemtahu bè Jisas, baling tedeng kton Dwata du yóm tau yó.

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Sulat Pol Ebè Yó Kem Tau Hemtahu Bè Rom 8:3

Yóm hlau, là kô gbeken mkó du yóm kfasang yóm salà bè klowil tekuy abay se laen dù tau tódô gembek lemolò du lemwót bè yóm tey klunog tekuy. Okóm wen kun atul Dwata, hógówen yóm Ngaen na a hbaling bè lówó tau, lómón yóm lówó tekuy kem tau gemsalà na a matay mò lanen tmuled yóm salà.

Sulat Pol Ebè Yó Kem Tau Hemtahu Bè Rom 4:5

Okóm tólóng kun yóm tau hemtahu bè Dwata. Tódô hentahuhen yóm kegbek Dwata hmifót salà yó kem tau gemsalà. Lemwót bè yóm kehtahuhen, yó gónón tedeng kton Dwata du yóm tau yó. Là lemwóten bè yóm gel nmoen.

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

Sulat Pol Ebè Yó Kem Tau Hemtahu Bè Rom 5:1

Duhen ni, deng baling tedeng ne kton Dwata tekuy mlan bè yóm kehtahu tekuy. Deng tekuy sefyu ke Dwata mlan bè Jisas Krays yóm gónó tekuy mogot.

Kun Snulat Jan 6:40

Yó hol kóyô Mà ke benlayen klowil laen dù sónen yó kem tau dmilô yóm kun Ngà ne hemtahu béléen. Ne yó angat nmou bélê le, gotu hlowilu lu sok kól yóm hol són kdaw.”

Kun Snulat Jan 5:24

Tódô tulónu kuy ktahuhen,” mon Jisas, “yó se hmungol yóm dou udél, ne hemtahu bè yóm hógów do, deng wen ne kun klowil laen dù sónen. Là angaten megtuled, okóm deng gewà gu lem hatay, ne deng gutahen ne yóm klowil laen dù sónen.

Sulat Jim 2:18

Okóm déke wen sotu tau mon du, monen, “Là sengeden yóm tau. Hemtahu yóm sotuhen, okóm yóm sotuhen, gel nmoen yóm hyu.” Okóm yó balau du yóm monen yó, monu, “Ke laen dù tonu hyu nmoen yóm tau hemtahu, laen kô dù gónóhu dmilô du yóm kehtahuhen. Okóm ke sónmou gel tmóbóng kem dumuhu, yó se gónóm dmilô du yóm kehtahuhu.”

Sulat Jim 2:20

Nungeli. Kéng yóm kehtahuhen ke là gfanen bè yóm gel któbóngen kem dumuhen.