Sulat Pol Ebè Yó Kem Tau Hemtahu Bè Rom 3:26 - Udél Dwata: Gna Kesfasad ne Lomi Kesfasad

²⁶ Okóm ni kmoen ni, là gbeken du ke là tnafaken du yóm salà. Yó gónóm mon, umuen Jisas fen megtafak. Bè yóm ktafaken salà, yó gónó Dwata hegfan du yóm tey ktedengen. Ne yóm tau hemtahu bè Jisas, baling tedeng kton Dwata du yóm tau yó.

Sulat Pol Ebè Yó Kem Tau Hemtahu Bè Rom 3:26 Referans Kwoze

Sulat Pol Ebè Yó Kem Tau Hemtahu Bè Rom 4:5

Okóm tólóng kun yóm tau hemtahu bè Dwata. Tódô hentahuhen yóm kegbek Dwata hmifót salà yó kem tau gemsalà. Lemwót bè yóm kehtahuhen, yó gónón tedeng kton Dwata du yóm tau yó. Là lemwóten bè yóm gel nmoen.

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

Sulat Pol Ebè Yó Kem Tau Hemtahu Bè Rom 3:30

Tek sotu se yóm Dwata. Ne tek sotu gónón tedeng kton Dwata yóm kdéen tau, són bè yóm kehtahu tekuy bè Jisas, tau Ju duhen ke tau là Ju le.

Sulat Pol Ebè Yó Kem Tau Hemtahu Bè Rom 8:33

Yó kem kun deng nélék Dwata, laen kô bud gónó le megdelem abay se deng tedeng kton Dwata kul.

Sifanaya 3:5

Okóm yóm Dwata, sana knóen bè yó lem syudad le, laen kô dù sidek nmoen. Tódô ket kdawen mò du yóm tedeng bè yó kem kun tau, okóm là kô dilô le du. Laen kô gónó le myak yó kem tau gel mò sidek.”

Isaya 42:21

Yóm Dwata gónó tekuy mogot, hol kóyóen ke lenwaen tekuy. Yó gónón hol hget du bélê tekuy yó kem hlauhen ne yó kem toloken. Kóyóen ke hol nimón yó kem tauhen.

Deng Hegfan 15:3

Ne gotu le semngal. Sngal le yóm tehe kun sngal Musis, yóm sotu tóbóng lówó Dwata ekni. Bud yó snéen kun sngal yóm Ngà Ubiha. Yó sngal le, monen, “Ó Dwata, yóm gónó mogot bè klamangen, laen dù là gbekem du, ne tey kehtaw me du yóm gel nmoem. Uu se yóm hol geta mogot yóm klamangen, ne sal hyu yóm gel nmoem, hono tedeng.

Sifanaya 3:15

Deng nmò Dwata sónen ne yóm ktafaken kuy ne gotu lohen yó kem hohon ye. Tódô nô bélê ye ne Dwata yóm hol geta bè Israél ne laen kô bang bud knikò ye ne.”

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Isaya 45:21

Géhél ye stifun anì snabà ye yóm kkukumu kuy. Eles ye stulón són yu. Tau du de deng gna eles tmulón du yóm kegbà Babilun yó? Kaem ou se yóm eles tmulón du, yóm Dwata gbeken lemwà yó kem tauhen. Laen kô dù dumu dwata bè klamangen, tek sotuhu.

Kun Snulat Luk 1:80

Yóm ngà le Sekariya yó, sónmoen minut lemnok, ne mtétél se yóm kehtahuhen. Timbow deng bong logi, tódô tólóng sónen du bè yóm benwu laen dù tauhen. Song hegfan bè gónón wadag tau, deng kól bè yóm kdawen tmolok lem blóng yó kem dumuhen tau Israél.

Sulat Pol Ebè Yó Kem Tau Hemtahu Bè Rom 3:25

Deng hógów Dwata Jisas mò na a matay bè salà tekuy. Hamaen litóen anì wen lan Dwata hmifót salà tekuy ke deng tekuy hemtahu bè Jisas. Ni se nmò Dwata anì hegfanen bélê tekuy yóm tey kun ktedeng. Bè gnan kdaw, tódô henbala Dwata yóm salà tau, tódô hiusen.

Sulat Pol Ebè Yó Kem Tau Hemtahu Bè Rom 3:27

Yó gónóm mon, laen bang gónó tekuy hton salù. Abay se là kóen lemwót bè klolò tekuy yóm hlau Musis gónón tedeng kton Dwata tekuy, okóm tódô lemwót bè yóm kehtahu tekuy ke Jisas.