Sulat Pol Ebè Yó Kem Tau Hemtahu Bè Rom 3:19 - Udél Dwata: Gna Kesfasad ne Lomi Kesfasad

¹⁹ Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Sulat Pol Ebè Yó Kem Tau Hemtahu Bè Rom 3:19 Referans Kwoze

Glasya 3:10

Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

Sulat Pol Ebè Yó Kem Tau Hemtahu Bè Rom 3:9

Duhen yó, tekuy kem tau Ju, lemyu tekuy kô senta yó kem tau là Ju le? Là kô yó du. Deng tulónu kuy se koni, tódô kdéen tau gotu gemsalà, tau Ju duhen tau là Ju le.

Glasya 5:18

Ke Tulus Dwata se fen malak tekuy, là bud tekuy ghesek du ne yóm hlau Musis.

1 Kurin 1:29

Yó gónóm mon, laen kô dù gónó tau hton salù bè solu Dwata.

Sulat Pol Ebè Yó Kem Tau Hemtahu Bè Rom 3:23

Tódô kdéen tau gotu gemsalà bè Dwata. Yó gónóhen laen dù tau gmulit du yóm tey kun klinggel nawa.

Kem Lingón 107:42

Ni kem nmò Dwata ni, gotu ton yó kem tau tedeng kmò le, ya tey kligal le. Okóm yó kem tau sidek nmò le, là kô le gudél kul.

Glasya 4:21

Wen snólóku bélê ye, yu kem tau alì móyô lemolò yóm hlau Musis. Deng hol tngón ye kô yóm nô lemen yóm tô lolò ye yó?

Glasya 4:5

Yó gónón mò du yóm yó mò lanen msok yó kem tau deng gfét du yóm hlau yó anì wen lan tekuy baling ngà Dwata.

Sulat Pol Ebè Yó Kem Tau Hemtahu Bè Rom 1:20

Lemwót bè yóm tehe kedlimun Dwata benwu efet nim kmoen ni, deng eles wen ne lan tau gmileb du yóm Dwata, balù yóm là kton le du lem uyóhen. Yó gónó le gmileb du, duhen bè yó se kem deng dlimunen. Bè yó gónó le mton du yóm tey kegbek laen kô dù tul sónen, ne yóm hol keDwatahen. Yó gónóm mon, laen kô dù lasun tau là temngón ke Dwata.

Kun Snulat Jan 8:9

Bè yóm kungol le du yóm kbalà Jisas kul yó, tódô le gotu hlana lemwót ket kul na sotu, gna hlana yó kem tuha bélê le. Ngangen tek són Jisas tebel bè yó. Sana kdaen bè yó se yóm libun.

Job 5:16

Yó gónóm mon, wen nefet nawa yó kem tau élél ne Dwata fen hemseng kul yó kem tau là tedeng nmò le.

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

Sulat Pol Ebè Yó Kem Tau Hemtahu Bè Rom 3:4

Baluen he ke kdéen tau lem benwu gotu mò kéng, là kun ke Dwata, hono tahu yóm kun gel mon. Lómón ni se yóm sotu monen bè sulat Dwata, yóm monen, “Bè kudélem, Dwata, hol gónón gfan yóm ktedengem. Baluen ke wen tô duón le kóm, kaem uu matù bélê le.”

Sulat Pol Ebè Yó Kem Tau Hemtahu Bè Rom 3:2

Igoen tey bong muhen yóm ktau tekuy Ju. Yó hol tanayen, tekuy se fen gónó Dwata hogot du yóm kun sulat.

Kun Snulat Jan 15:25

Ni se deng kdohoen yóm tehe monen bè sulat Dwata, yóm monen, ‘Tódô knutó nawa le ou là duón.’”

Kem Lingón 63:11

Okóm béléu dou, yóm tau hol geta deng nélékem, tey kligalu lemwót bè yóm kehegmoem dou. Yó kem tau gel dnohò le yóm fasad le hlan le bè boluy Dwata, angat tey kdóyón le ke Dwata. Okóm yó kem tau gel mò kéng, angat hegfan Dwata yóm kéng le, là kô le bud gudél.