Sulat Pol Ebè Yó Kem Tau Hemtahu Bè Rom 3:13 - Udél Dwata: Gna Kesfasad ne Lomi Kesfasad

¹³ Hono sidek yóm gel kebkó le, hol lómón ke boo bolok lemwót gu lem lebeng. Yóm gel kudél le hono kéng. Tey malas kudél le, lómón kalas yó kem ulal.

Sulat Pol Ebè Yó Kem Tau Hemtahu Bè Rom 3:13 Referans Kwoze

Kem Lingón 5:9

Yó kem hohonu, laen kô dù tahu tulón le. Són hendem le kmò keglà le kem dumu tau. Tey sidek yó kem udél le, hol lómón ke boo tau matay deng bolok. Yóm kudél le tey mnóm, bede hono sukat mit hatay.

Kem Lingón 140:3

Tey des yóm udél gel btang bè sumóng le, hol lómón ékét ulal, ne tey des kudél le, hol lómón alas sedof.

Kem Lingón 57:4

Tódô snibut le ou yó kem hohonu, hol lómó kmò le, lómón yó kem liyun alì bitil móyô msék tau. Yóm ktelem yó kem nihi le, hol lómón ktelem yó kem buyus ne yó kem hanak. Tey telem kudél le, hol lómón ktelem yó kem sudeng sbalà bak.

Isaya 59:3

Tau ye mò kéng se kuy, gel ye hemsidek kem dumu tau ne tau ye monok.

Kem Lingón 52:2

Knoyungem kdaw tendo matul du yóm kmò keglaem tau. Tey telem yóm udélem, lómón ktelem yóm gel ki le. Teyi hulung mò kéng.

Sulat Pol Ebè Yó Kem Tau Hemtahu Bè Rom 3:4

Baluen he ke kdéen tau lem benwu gotu mò kéng, là kun ke Dwata, hono tahu yóm kun gel mon. Lómón ni se yóm sotu monen bè sulat Dwata, yóm monen, “Bè kudélem, Dwata, hol gónón gfan yóm ktedengem. Baluen ke wen tô duón le kóm, kaem uu matù bélê le.”

Kem Lingón 36:3

Kdê yó kem mon le, hono sigol ne sukat. Mom kenbê le yóm khulung hedem, kenbê le mò du yóm hyu.

Dwata 32:33

Mkél le bè yóm tifas wen alas ulal nô lemen.

Sulat Pol Ebè Yó Kem Tau Hemtahu Bè Rom 3:12

Deng gotu knogol le Dwata. Deng le gotu hetlas. Laen kô dù tau ke tedeng kmoen, balù sotu.