Sulat Pol Ebè Yó Kem Tau Hemtahu Bè Rom 2:5 - Udél Dwata: Gna Kesfasad ne Lomi Kesfasad

⁵ Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Sulat Pol Ebè Yó Kem Tau Hemtahu Bè Rom 2:5 Referans Kwoze

Sulat Pol Ebè Yó Kem Tau Hemtahu Bè Rom 1:18

Hegfan Dwata gu bè longit lebuten kul yó kem tau alì gel mò sidek. Yóm sidek nmò le yó, yó se gónón gseng ebélê le yóm ktahuhen lemwót gu bè Dwata.

Kehedem Tau Tmolok 12:14

Gotu knukum Dwata kdê yó kem gel nmò tekuy, hyu duhen sidek. Balù yó he kem nmò gebnos, gotu knukumen.

Sulat Jud 1:6

Ne sotuhen, yó kem tehe gel hógów Dwata gel nô bè longit ekni, mom hnuda le yóm deng sigang Dwata ta le, ne tódô tnagak le yóm hol gónó le nô. Yó kmò Dwata kul, tódô hnengked nféten lu yóm kdina là gekas du ditu bè yóm benwu alì kmifu laan tonok. Hatan tnafaken lu ke deng hto yóm kdaw kkukumen kul.

2 Pitér 3:7

Okóm yóm longit ne tonok gel ton tekuy nim kmoen ni, angat bud lemwót bè udél Dwata snéen gónó le meglà, bede ofi ne tles mò lemsón du. Okóm là tagad nmoen du he efet kól yóm kdaw kkukumen yó kem tau là kmikò du, yóm kdaw keglaen kul.

Hibru 3:15

Wen yóm monen bè Sulat Dwata, yóm monen, “Ke sok gungol ye nim kemdaw ni yóm udél Dwata ebélê ye, hol bê ye abay là himón, lómón yóm deng tehe nmò yó kem fù ye bè yóm tehe là kehdon le ke Dwata.”

Dwata 32:34

Là kô klifót Dwata du yóm deng nmò le bè yó kem tau Israél yó kem hohon le. Són nangaten yóm bantang kdawen tmafak kul.

2 Pitér 2:9

Bè ni kem tulónu kuy ni koni gónó tekuy mton du yóm tey khulung Dwata lemwà yó kem tau gel mimón du ke wen gel gfà le. Ne tnafaken yó kem tau gel mò sidek, bede yó he hol kehdengen du kesok kól bè yóm angat kkukumen tau.

Hibru 4:7

Yó gónó tekuy temngón du nim ni, abay se deng bud wen kdaw blay Dwata tekuy. Yóm kdaw blayen tekuy yó, deng tódô monen, “Ni kemdaw ni.” Yó se yóm udél htugoden ke Dabid ekni, bede deng hilu latu halayen ne kegenen. Yó monen, “Ke sok gungol ye nim kemdaw ni yóm udél Dwata ebélê ye, hol bê ye abay là himón.”

Hibru 3:13

Okóm yó dé yóm hol tnana nmò ye yóm igoen tolo wen kdaw blay Dwata tekuy, hol ye setgel ket kdaw anì laen dù bélê ye gtondo bè yóm sidek, ne hlós baling tau là mimón.

Sulat Pol Ebè Yó Kem Tau Hemtahu Bè Rom 9:22

Senged se bè Dwata, ke kun kóyô htonen yóm tey kebuten ne yóm kegbeken bè yó kem tau gel mulé du, duhen ke nan bud hanay nawahen ebélê le, balù yóm deng kegtuled le.

Kem Lingón 110:5

Mdà bè kwananem Dwata mò mofin kóm. Bè yóm kdaw angat kebuten, tey dê kem tau hol geta hnatayen.

2 Tutul Israél 30:8

Bê ye hgel kulu ye, lómón yóm tehe kul kgel kulu, okóm nimón ye Dwata. Mógów ye ebè kun Gónô yóm deng hetfingen, ne deng hólósen laen kô dù tul sónen. Tmaba ye ebè yóm sana kuy Dwata hol gónó mogot anì mkó ta ye yóm tey kebuten kuy.

1 Samwél 6:6

Hol bê ye abay hgel kulu ye lómón yóm tehe nmò yó kem tau Idyip ne Faro. Là kô hewót le kul yó kem tau Israél efet dê hlayam mit hatay glumfak le.

Deng Hegfan 6:17

Abay se deng hto ne yóm kul kdaw tmafak, ne laen kô dù tau gewà gu lemen.”

Sulat Jim 5:3

Ne yó kem filak henyu ye gotu nkê fak. Yóm deng kkéen fak yó mò ilô yóm keseglom ye, ne tey kegtafak ye du. Deng tey bong ne yóm deng sentifun ye bè nim hol són kdaw ni.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Danyél 5:20

Okóm lemwót bè yóm alì kehegmónen ne kehgelen kuluhen, yó gónó Dwata ma du béléen yóm kogoten benwu ne mkó du béléen yóm kegetahen.

Isikél 3:7

Okóm hógówu uu ebè yó kem tau Israél ne là kô na le e hnungol kóm. Balù sem ou du, là kô hnungol le do, abay se hono le tau mgel kulu yóm kdê le.

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

Kem Udél Hlalak Tehe Selumun 11:4

Laen kô muhen bè tau yóm kendengenen bè yóm kdaw katayen, okóm yóm ktedeng kmoen htahaen ktauhen.

Kem Lingón 95:8

“Hol bê ye hgel kulu ye. Bê ye hkél bè kgel kulu yó kem tehe fù ye ekni bè yóm tehe knô le bè yóm benwu Miriba. Ne senged snéen yóm tehe knô le bè Masa, bè yóm benwu laen hol wen tauhen.

2 Tutul Israél 36:13

Sotuhen, mom natuen Nibukadnisar yóm tau hol geta bè Babilun, igoen tehe hsafà du hlanen bè boluy Dwata anì là smonolen. Tey mgel kuluhen nim Sidikaya ni, là kóen móyô semfulék ebè Dwata yóm sana kul Dwata hol gónó mogot yó kem tau Israél.

Kehewà 8:15

Timbow ton Faro yóm deng gotu katay yó kem fak yó, mom bud mulék mgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Amus 3:10

Yó udél Dwata, monen, “Ni kem dou tau ni, là hulung le mò du yóm tedeng. Deng tódô hennok le yóm gónô bong yóm kimu hennagaw le ne hnugus le.

Kehewà 14:17

Okóm yó kem tau Idyip bud hgelu kulu le anì ktes le yu mifal. Ne mlan bè yóm kegmou bè Faro ne bè yó kem sendaluen ne bè yó kem klitunen ne bè yó kem tau mit kul gónóhu tótól bè yó kem tau Idyip.

Kehewà 32:34

Lemwóti ne, nalakem yó kem tau ebè yóm benwu deng tulónu kóm. Hentulónem nawa wen hógówu gu bè longit mò tukô gna kóm. Okóm angat kól yóm kdawu tmafak kul ni kem tau ni lemwót bè yóm salà deng nmò le.”

Kem Udél Hlalak Tehe Selumun 1:18

Okóm kul ni du kem tau mò sidek ni mom ten-geed le hmatay kul knô.

Kem Udél Hlalak Tehe Selumun 28:14

Wen kligalen yóm tau gel nimónen Dwata, okóm yóm tau hgelen kuluhen bè Dwata wen glumfaken.

Jirimaya 40:3

hol lómón yóm deng monen mò kuy. Yó gónón hdohò du eta ye nim ni lan le gemsalà béléen yó kem tauhen ne lan le là mimón du.

Husiya 13:12

Deng gotu hsulatu yóm kdéen salà ye ne deng henyu le.

2 Kurin 5:10

Yakà kdê tekuy du angat mdà bè solu Krays hulin kdaw anì knukumen tekuy. Tódô ket tau angat gmuta du balà yóm tehe deng kun nmò te tonok, ke hyu duhen ke sidek.

2 Tisalunika 1:5

Ni kem monu ni koni mò ilô yóm tey ktedengen yóm gel kkukum Dwata tau. Yóm keglayam ye yó, yó nefeten knóón ye bè yóm kmung ye bè yó kem tau nogot Dwata. Ni se but yóm keglayam ye ni kmoen ni.

Deng Hegfan 2:21

Igoen deng wen kdaw blayu du anì hegsel, okóm là kóen móyô mkó du yóm gel ksamuken.