Sulat Pol Ebè Yó Kem Tau Hemtahu Bè Rom 2:4 - Udél Dwata: Gna Kesfasad ne Lomi Kesfasad

⁴ Déke yó hendemem là kô tnafaken kóm, abay se tey hyu nawa Dwata, là mahilen tmakas, ne tey manay nawahen. Là kô yó du. Igò yó gónó Dwata hemyu kmoen ebéléem anì wen lanen mit kóm hegsel.

Sulat Pol Ebè Yó Kem Tau Hemtahu Bè Rom 2:4 Referans Kwoze

2 Pitér 3:9

Okóm bè kul kehedem du kem dumu tau, tey ganggà kmoen du yóm tehe fasaden tekuy yóm gónó tekuy mogot, okóm là. Yó gónón là géhél semfulék, abay se monem nahen hanay nawahen bélê ye. Hol kóyóen ke laen dù tau gógów elem hatay, ne ke kdê le gotu kmogol du yó kem sidek gel nmò le.

Isaya 30:18

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Kehewà 34:6

Omin Dwata miwes bè soluhen, ne hgelen udélen, monen, “Ou se yóm Dwata hol gónó mogot, yóm alì kmodu tau, yóm là mahilen lembut. Gel hegfanu yóm kbong nawahu yó kem tau ne là kóen monol yóm nawahu ebélê le.Là kô kóhu du yóm kbong nawahu tau efet kól bè yó kem hilu bud lugod le. Yó kmò kehegfanu du bélê le yóm nawahu yó, gel hnifótu yó kem sidek gel nmò le ne yóm là kimón le do. Okóm yóm tau ke là kóhen du yó kem sidek gel nmoen là gbeku du ke là tnafaku du, gomong megtafak yó kem ngà le ne témê le lenwóten bè tanay lugod le efet kól bè gfat lugod le.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

Ifisus 2:7

Yó gónón mò du nim ni mò gónón hegfan du bè kdéen tau yóm tey któbóngen tekuy, ne yóm tey nawahen ebélê tekuy hlanen bè Krays Jisas.

Ifisus 1:7

Lemwót bè yóm tehe fen katay Krays bélê tekuy, yó se gónó Dwata lemwà tekuy, duhen yó se yóm kmò kehlifóten yóm salà tekuy. Tey bong yóm któbóngen tekuy yó.

Sulat Pol Ebè Yó Kem Tau Hemtahu Bè Rom 3:25

Deng hógów Dwata Jisas mò na a matay bè salà tekuy. Hamaen litóen anì wen lan Dwata hmifót salà tekuy ke deng tekuy hemtahu bè Jisas. Ni se nmò Dwata anì hegfanen bélê tekuy yóm tey kun ktedeng. Bè gnan kdaw, tódô henbala Dwata yóm salà tau, tódô hiusen.

Kem Lingón 86:15

Okóm yóm uu, Dwata, teyi kmodu, ne tey minggel nawahem, là mahili lembut. Yóm kbong nawahem kum, là kóen monol, ne teyi teneb bélê me.

2 Pitér 3:15

Yó gónón ganggà bè yóm kesfuléken edini yóm gónó tekuy mogot, hol kóyóen ke wen lan ye gewà gu lem hatay. Lómón ni se yóm gel snulat Pol ebélê ye, yóm sotu dumu tekuy setwoli, hlanen bè yóm ketngón deng blay Dwata du.

Sulat Pol Ebè Yó Kem Tau Hemtahu Bè Rom 11:33

Laen kô bang gónó tekuy e hmingón du yóm alì kehyuhen yóm Dwata. Tey nelem yóm ketngónen, ne tódô ket yóm kenhulungen. Laen kô dù tau gembek tmulón du yóm kun kehedem, ne laen se dù tau gembek gmileb du yóm kun kmò.

Sulat Pol Ebè Yó Kem Tau Hemtahu Bè Rom 11:22

Bè yó gónó tekuy mton du yóm tey kkodu Dwata tau, ne yóm tey ktafaken kul. Tnafaken yó kem tau là hemtahuhen. Okóm tey knoduhen yu, syan ke là monolen yóm kehtahu ye. Okóm ke snonol ye, angat bud ntoken yu snéen kuy.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.

Ifisus 2:4

Okóm yóm Dwata, tey kkoduhen tekuy, ne tey kbong nawahen tekuy.

2 Pitér 3:3

Ni hol tanay hegtulónu bè nawa ye. Ke móyón moni yóm hol són kdaw, wen tau sut lem blóng ye són lolò le kul knóyô lówó. Hnowon le yu,

1 Pitér 3:20

Yó kem lóyóf heblanggù Dwata yó, lóyóf tu kem tau là mimón ke Dwata bè yóm tehe kun kdaw Nuwa. Tey tehe khanay Dwata nawahen bélê le tu kem tau tu, tô hatanen kimón le efet kdeng yóm kafal bong nmò Nuwa. Ewenem, tek wolu tau husek elemen ne gewà gu lem yóm tey él.

1 Timuti 6:17

Hol hgefetem ebè yó kem tau wen kendengen le, bê le abay hton salù, ne bê le gentud nawa yóm kendengen le, abay se là tngón le du ke gfu. Dwata dé gentud nawa le, yakà béléen du gónón lemwót yóm kdéen, ne sal gel mtungan yóm blayen tekuy mò gónó tekuy hligal.

Flipay 4:19

Ke Dwata kun, lemwót bè yóm tey kendengenen, gotu blayen kuy yóm gónó ye élél hlanen bè Krays Jisas.

Kem Lingón 10:11

Yó hendem le, “Là kô snolò Dwata du yóm ni. Là kô tonen du yóm nmò tekuy ni.”

Deng Hegfan 3:20

Ngem denge eles mdà ne mbal snolu aut ye. Ke wen tau hmungol du yóm udélu yó, ne ke hotunen o eta, motune se, ne segbóte mken béléen.

1 Timuti 1:16

okóm tey kkodu Dwata dou mò gónón hegfan du ebè yó kem dumu tau yóm hol kun kanay nawa Krays Jisas, igoen ou yóm tau alì gedlug kmoen salà. Yó gónó Krays Jisas mò du nim ni anì mgel nawa yó kem tau hemtahu béléen bè hulin kdaw, yó kem tau angat gmuta du yóm klowil laen dù sónen.

Kulasi 1:27

Kun kóyô Dwata ke hegfanen bè yó kem kun tau ni kmoen ni yóm tehe gbuni bè yó kem tau gnan, duhen yóm tey któbóngen yóm kdéen tau bè klamangen benwu. Yóm tehe bunihen yó ekni, duhen yóm knô Krays bélê ye ket kuy ne sotu. Bè yóm knóen bélê ye yó, yó se gónó ye temngón du yóm angat kegbót ye bè klaen sónen kun klowil Dwata.

Sulat Pol Ebè Yó Kem Tau Hemtahu Bè Rom 6:15

Déke wen mon du, “Hyu ne ni, là bud tekuy gfét du ne yóm tehe hlau gnan. Anien ke senflós tekuy mò salà abay se wen Dwata fen gel tmóbóng.” Tey sekban ke lómón yó kehedem ye.

Sulat Pol Ebè Yó Kem Tau Hemtahu Bè Rom 6:1

Ke lómón yó se kmò któbóng Dwata tekuy, tódô henlel tekuy ne kô mò salà anì hol temnù kbongen yóm tóbóngen tekuy?

Kem Lingón 104:24

Ó Dwata, tey deng dê nmoem, ne teyi hulung mò kul yóm kdéen. Tódô tfeng klamangen benwu yó kem ógóf deng dlimunem.

Kulasi 2:2

Yó gónów mò du anì wen lanu temgel nawa ye, ne anì wen kessotu nawa ye lemwót bè yóm kesbong nawa ye. Kóyóu ke hol mbegel kehtahu ye lemwót bè yóm deng ketngón ye du yóm ktahuhen. Ke lómón ni se kmoen, tngón ye yóm tehe buni Dwata bè yó kem tau gnan, duhen Krays.

Ifisus 3:16

Lemwót bè yóm tey kegbek Dwata tmóbóng tekuy, yó hol hnihu béléen anì tendo ten-gelen nawa ye hlanen bè kun kfasang yóm kun Tulus deng nô bélê ye.

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

Sulat Pol Ebè Yó Kem Tau Hemtahu Bè Rom 10:12

Yóm Udél Dwata yó, laen kô dù tau ke là gomongen lemen, abay se laen kô gónó le stólóng yó kem Ju bè yó kem tau là Ju le. Tek sotu se yóm gónóhen mogot yóm kdéen tau, duhen Jisas Krays. Kihu tau tmaba béléen, sal sket gel tnóbóngen lu.

Jirimaya 7:10

Omin ye yó mdà bè soluhu lem yóm dou Gónô ne mon ye, “Laen kô dù hemen me bè ni se kum.” Kéng yóm yó, abay se tódô senflós ye mò du yóm alì kenbéu.

Lista 14:18

‘Ou se yóm Dwata hol gónó mogot. Là kóe mahil lembut ne sal gel hegfanu yóm tey kbong nawahu tau. Ne gotu hnifótu yó kem salà le ne yóm alì katù le do. Okóm là kô gbeku là tmafak kul bè yó kem salà le. Lemwót bè salà yó kem tuha le, là kô gbeku du ke là se tnafaku yó kem ngà le ne témê le efet kól bè getluhen ne bè gfat yóm lugod le.’ Yó se, Dwata, yóm tehe udélem ebélê me.

Juna 4:2

Ne yó gónón mni bè Dwata, monen, “Ó Dwata, tahu se yóm tehe monu gu laanu là deng lemwót bè yóm tehe kdókem do. Yó tehe monu, là kô genbaem du Ninibi. Yó se tehe tô gónóhu mógów ebè Spén. Deng eles tngónu yóm tey kbong nawahem tau ne yóm tey kkoduhem kul. Deng tngónu snéen yóm tey khanayem nawahem ne yóm tey kehyuhem bè tau. Mahil béléem gel hmifót kul senta ke tnafakem lu.

Husiya 3:5

Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.

Kem Lingón 31:19

Tey bong, Dwata, yóm alì kehyuhem. Tey kbasahem kul yó kem tau wen klikò le kóm. Deng tey bong gendengem bè yó kem tau hofin béléem igò le temngel yó kem tau bè klamangen benwu.

2 Kurin 8:2

Balù yóm alì ksidek yóm keglayam le, mom temnù he yóm tey kligal le. Lemwót bè yóm tey kligal le, tey bong yóm gel blay le bè yó kem dumu le hemtahu, balù yóm tey kélél le se kul.

2 Pitér 1:11

Ne angat tey khódóhen tekuy bè yóm kun benwu nogot yóm gónó tekuy mogot Jisas Krays, yóm tehe lemwà tekuy gu lem hatay. Ne yóm benwu nogoten yó, benwu laen dù tul sónen.

Deng Hegfan 2:21

Igoen deng wen kdaw blayu du anì hegsel, okóm là kóen móyô mkó du yóm gel ksamuken.