Sulat Pol Ebè Yó Kem Tau Hemtahu Bè Rom 2:26 - Udél Dwata: Gna Kesfasad ne Lomi Kesfasad

²⁶ Baluen ke là Juhen yóm tau, okóm ke nimónen yóm hlau Dwata, nadat Dwata ne blayen du yóm kwalis baling hol kun tau yóm tau yó.

Sulat Pol Ebè Yó Kem Tau Hemtahu Bè Rom 2:26 Referans Kwoze

Kulasi 2:11

Bè yóm deng kessotu ye bè Krays, deng wen ilô nmoen bélê ye. Sundu bè kehtulì du, okóm yóm ilô nmò Krays, duhen yóm là bud kegfét ye du ne yóm óyô ye mò sidek.

Sulat Pol Ebè Yó Kem Tau Hemtahu Bè Rom 8:4

Yó se yóm deng nmò Dwata anì gbek tekuy mò du yóm tedeng hloloen tekuy bè hlauhen. Yó gónó tekuy gembek lemolò du abay se là bud tekuy galak du ne yóm knóyô tekuy, deng tekuy galak bè yóm Tulus Dwata.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Ifisus 2:11

Yu kem tau là Ju le, bê ye klifót yóm tehe kuy kmò ekni. Là kô ye semfu bè kem tau Ju se kuy, ne gel taba le kuy kem tau là tnulì. Tey kehegmón le du yóm deng ktulì le yó, igoen tek olon mlan te kulit kmò le du, là kóen mlan bè but blutut le.

Sulat Pol Ebè Yó Kem Tau Hemtahu Bè Rom 3:30

Tek sotu se yóm Dwata. Ne tek sotu gónón tedeng kton Dwata yóm kdéen tau, són bè yóm kehtahu tekuy bè Jisas, tau Ju duhen ke tau là Ju le.

Matyu 15:28

Omin Jisas mon du mò du, “Tey bong kehtahuhem, Lenibun. Yó ne, deng gutahem ne yóm hnihem béléu.” Tahu se, tódô sen-gengen se mkó des yóm ngà yóm libun yó.

Sulat Pol Ebè Yó Kem Tau Hemtahu Bè Rom 2:25

Bélê tekuy kem Ju, wen yóm hlau bè kehtulì. Són gónón wen muhen ke nimón tekuy yóm hlau Dwata. Bede ke là nimón tekuy du yóm hlau Dwata laen kô gónó tekuy mkay senta yó kem tau là Ju le duhen yó kem tau là tnulì.

Sulat Pol Ebè Yó Kem Tau Hemtahu Bè Rom 2:27

Lemwót bè yóm fen kimón le yóm hlau Dwata yó kem tau là Ju le anien he ke là tnulì le, yó se gónó le angat dmuón kuy yu kem tau Ju bè yóm kulé ye yóm hlau deng snulat ye, igoen yu he yó kem tau deng nfun Dwata.

Glasya 6:15

Laen kô muhen yóm tnulì duhen ke là tnulì du. Yó dé hol bong muhen bè Dwata ke deng nô bélê tekuy yóm lomi klowil lemwót béléen.