Sulat Pol Ebè Yó Kem Tau Hemtahu Bè Rom 2:22 - Udél Dwata: Gna Kesfasad ne Lomi Kesfasad

²² Gel mon ye, “Bê ye ndà yehen ye” igò sem yu mdà yehen. Tey kenhisik ye yóm dwata kéng lenbù nmò le. Ke hnisik ye, moen se ke deng ye mom mnagaw kimu lem yó dum gónô gónó le hemsù kul?

Sulat Pol Ebè Yó Kem Tau Hemtahu Bè Rom 2:22 Referans Kwoze

Malakay 3:8

Bnalà Dwata, monen, “Hyu kô ke wen gel hennagaw le bè Dwata yó kem tau? Là kóen hyu. Bede ewenem sana gel knagaw ye béléu.” Okóm yó bud mon ye, “Tedu de kmò knagaw me béléem du?” Bud bnalà Dwata, monen, “Là kóen sikof yóm gel bad ye dou ne yó kem dumu gel blay ye do.

Matyu 12:39

Bnalà Jisas se lu, monen, “Tey sidek yó kem tau kmoen ni. Balù udì ke wen nawa ye ebè Dwata. Móyô ye kô ke wen hentaw ton nmou lem blóng ye? Laen kô dù bud nmou ne. Tek són nmou lem blóng ye, són yóm hentaw ton tehe ton le bè Juna ekni, yóm sotu tehe gna tugod Dwata.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

Kul Nmò 19:37

Tódô kem nwit ye edini ni kem lewu tau ni, okóm laen sem dù deng hennagaw le lem gónô yóm dwata tekuy, ne laen se dù sidek udél le gbak etahen.

Mark 11:17

Ne wen toloken yó kem tau bè yó, monen, “Igò Dwata deng mon du bè Sulaten, ‘Yó muhen yóm dou Gónô mò gónó le gel mni ebéléu yó kem tau bè klamangen benwu.’ Okóm kuy,” mon Jisas, “deng mom nmò ye gónó le nô yó kem tau gel mnagaw.”

Matyu 16:4

Hol monu sidek tau nim yu! Bà udì ke wen nawa ye ebè Dwata. Móyô ye kô ke wen hentaw ton nmou lem blóng ye? Laen kô dù bud nmou ne, tek són nmou lem blóng ye, són yóm hentaw ton tehe ton le bè Juna ekni.” Ominen tódô tmagak kul.

Malakay 1:14

“Yóm sotu tau, ke deng hol fasaden dou yóm keblayen du do yóm hol hyu bè yó kem ógófen, okóm mom yó blayen do yóm ógóf wen óngóhen, yóm tau mò kéng yó deng hol tahu golu elem hatay. Kiholen mò du béléu yóm yó, igoen ou se yóm hol geta bè kdéen ne gotu le likò dou yó kem tólóng tau bè dumu benwu,” udél yóm Dwata laen dù là gbeken du.

Malakay 1:8

Knóón béléu kô yóm kedsù ye ebéléu yó kem ógóf butô ne yó kem ógóf tugô ne yó kem ógóf wen desen? Tilów blay ye ebè gubérnor ye dé kun yó kem ógóf wen óngó le yó, hnénég ke hligal du ne ke wen blayen kuy,” udél yóm Dwata laen dù là gbeken du.

Jirimaya 9:2

Hyu dé ke wen gónóhu nô ditu lem yóm benwu laen hol wen tauhen anì glayuke bè yó kem dou tau, yakà deng le gotu baling tau mdà yehen, tau mahil hmatay dumu tau.

Kem Lingón 50:17

Yakà deng kenbê ye du yó kem dou hlolò kuy, ne là kô hnungol ye du yó kem dou udél ebélê ye.

Sulat Pol Ebè Yó Kem Tau Hemtahu Bè Rom 12:9

Béen olo són te kulit yóm kbong nawa ye kem dumu ye. Hol hegfan ye yóm hol tahu kesbong nawa. Hol knogol ye kdéen sidek. Hol lolò ye yóm hyu.