Sulat Pol Ebè Yó Kem Tau Hemtahu Bè Rom 2:21 - Udél Dwata: Gna Kesfasad ne Lomi Kesfasad

²¹ Ke yu se yó kem tau gel tmolok kem dumu tau, moen de ke là tolok ye du yóm kuy knô? Gel mon ye, “Bê ye abay mnagaw” igò sem yu yóm gel mnagaw.

Sulat Pol Ebè Yó Kem Tau Hemtahu Bè Rom 2:21 Referans Kwoze

1 Kurin 9:27

Duhen yó, anien ke wen sidek knóyô lówóhu, tódô hotuhu gelu kembê du anì là gmunge. Ke là hulunge mafas nawahu, là kô gutahu du se yóm ofol angat blay Dwata dou, igoen ou se sotu tau gel tmolok kem dumu tau.

Kun Snulat Luk 12:47

Yóm tau ke deng hónô tngónen yóm hmoen du yóm gónóhen mogot ne mom hningayen, là dog nmoen du, angat tey kbougen du yóm gónóhen mogot.

Mika 3:11

Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”

Kun Snulat Luk 11:46

Ne mon Jisas se mò du, “Senged se kuy, yu kem tau gel tmolok hlau, angat tey tafak ye. Tey sidek keblaten yó kem hlau gel hbô ye kem tau, kóón kuy, balù gdù, là kô ye tmóbóng mit du yóm hbô ye kul.

Kun Snulat Luk 19:22

Ne yó mon yóm tau kól yó, ‘Tey bakà nim uu. Bè yóm udélem yó gónóhu tmuled kóm. Igoem sem temngón du gele móyô smolò, gel nwahu yóm là do du, ne gel nutahu yóm là do hulu du.

Kun Snulat Luk 4:23

Ne yó mon Jisas mò kul, “Déke yó tô mon ye ebéléu yóm sana gel mon yó kem tau gnan, mon le, ‘Ke uu se yóm tau mulung, nam gna kó kun yóm kóm des.’ Déke tô hmò ye do bè ni snéen bè dou benwu yóm deng gungol ye nmou bè Kapérnaum.

Matyu 21:13

Mon Jisas mò kul, “Igò Dwata deng mon du bè Sulaten, ‘Yó muhen yóm dou Gónô mò gónó le gel mni ebéléu yó kem tau.’ Okóm,” mon Jisas, “deng mom henbaling ye gónó le nô yó kem tau gel mnagaw.”

Glasya 6:13

Yó kem tau yó, tey klolò le du yóm htulì, okóm là kô na le e gotu glolò du kdê yó kem dumu hlau. Yó gónó le alì mgoy kuy anì wen gónó le megsalù bè kem dumu le Ju ke deng glolò ye yóm kul tolok.

Isaya 42:20

Yu kem tau Israél, deng tey dê ne ton ye nmou, okóm là kô kenmón ye du. Igoen se wen klingu ye, okóm là kô ye mungol.”