Sulat Pol Ebè Yó Kem Tau Hemtahu Bè Rom 2:19 - Udél Dwata: Gna Kesfasad ne Lomi Kesfasad

¹⁹ Bè kuy kehedem du, yu fen malak yó kem tau butô ne yu henged layag yó kem tau tolo nô lem gónón kmifu,

Sulat Pol Ebè Yó Kem Tau Hemtahu Bè Rom 2:19 Referans Kwoze

1 Kurin 4:10

Lemwót bè yóm klolò me ke Krays, gel boluy kem dumu tau kum, tau nungel. Okóm kuy kun, hono tau temngón lemwót bè yóm kessotu ye bè Krays. Gel mon le mò kum, tau laen dù genbek. Okóm kuy kun, wen genbek ye. Tey gel kehnê le kum, okóm fen gel nadat le yu kuy.

Kun Snulat Jan 9:34

Yó balà le du se kul, “Tmau kóm de tô hegled tmolok kum? Igoem tau gemsalà he kóm lemwót bè kbutem tau.” Ne là kô bud hmung le du bè yóm kul gónô gel stifun yóm tau tehe butô yó.

Matyu 15:14

Tódô bayà ye lu yó kem Farisi yó. Hol lómón ke tau le butô tô nalak le kem dumu le butô. Ke salak honon butô, kaem angat le gotu geblos elem sol.”

Matyu 6:23

Okóm ke là hyu yóm mata ye, hol lómón ke kmifu lem lówó ye. Hol ten-gama ye, déke laen dù layagen yóm lem lówó ye. Ke yó se kmoen, ya tey kget kifuhen.”

Matyu 5:14

Ne sotuhen, hol lómón ke yu yóm layag bè klamangen benwu. Yóm syudad nô ta bulul, laen kô dù gónón gseng.

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Kem Udél Hlalak Tehe Selumun 26:12

Mom hyu he yóm tau book senta yóm tau bè kun kehedem du deng tey hulung hedem ne kun.

Flipay 2:15

anì laen dù bang gónó le gemsanil kuy yó kem dumu tau, ne anì laen dù belenen yóm kmò knawa ye snéen, yakà deng ye ngà Dwata, tau deng gulit balù yóm knô ye lem blóng yó kem tau là tedeng kehedem le, kem tau hono sidek nmò le. Yóm klowil ye lem blóng le, yake hol lómón ke blotik mnóng lem kifu dé,

1 Kurin 3:18

Bê ye tnondo knô ye. Laen kô gónón e kól yóm tau snaligen yóm kun ketngón. Ke wen sotu bélê ye hendemen tey bong tngónen bè yóm ketngón tau te tonok, hol béen abay tódô dò yóm ketngónen yó. Mom hyu he yóm tau ke laen dù tngónen anì là gsengen ebéléen yóm tahu ketngón lemwót bè Dwata.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Kun Snulat Luk 1:79

Angat heknasen yóm kifu lem blóng tekuy anì là hlós yóm kgolu tekuy elem hatay. Du semgalak tekuy bè yóm lan mò gónón hlós menek nawa kuy.”

Mark 10:15

Tódô tulónu kuy ktahuhen,” mon Jisas, “yóm tau ke là gtud nawahen ke Dwata lómón se yóm kul kegtud nawa yó kem ngà, là kóen na a gmung bè yóm kogot Dwata tau.”

Matyu 4:16

Hol lómón ke tau le nô lem gónón kmifu, okóm angat wen tey layag ton le. Deng le golu elem hatay, okóm angat hlayagen ebélê le yóm layag yó.”

Sulat Pol Ebè Yó Kem Tau Hemtahu Bè Rom 2:18

Tahu se deng hónô tngón ye yóm kun kóyô Dwata bè tau. Deng dilô ye se yóm hyu ne yóm sidek lemwót bè yóm dnalang ye bè kun hlau.

Sulat Pol Ebè Yó Kem Tau Hemtahu Bè Rom 2:20

ne hulung ye tmolok yó kem tau là hulungen hedem, ne yó kem tau laen dù tngónen, abay se nô bélê ye yóm hlau Dwata, yóm hol gónón lemwót yóm ketngón tau ne yóm ktahuhen lemwót bè Dwata.