Sulat Pol Ebè Yó Kem Tau Hemtahu Bè Rom 2:16 - Udél Dwata: Gna Kesfasad ne Lomi Kesfasad

¹⁶ Duhen yó, ni se kmoen bè yóm kdaw angat kehkukum Dwata ke Jisas Krays yóm kdéen tau. Angat knukumen yó kem deng tehe nmò le, balù yó kem gebnos. Ni se hol nô lem yóm Tulón Hyu gel nwitu.

Sulat Pol Ebè Yó Kem Tau Hemtahu Bè Rom 2:16 Referans Kwoze

Kehedem Tau Tmolok 12:14

Gotu knukum Dwata kdê yó kem gel nmò tekuy, hyu duhen sidek. Balù yó he kem nmò gebnos, gotu knukumen.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Kul Nmò 10:42

Yó hol dóken kum,” mon Pitér, “fen hetngón me elem blóng yó kem tau yóm kun Tulón Hyu, ne yóm deng kélék Dwata du mò angat hkukumen kdéen tau ke sok bud semfulék edini. Angat gotu knukumen kdéen tau tolo mowil, dalang se kdéen tau deng matay.

Kun Snulat Luk 8:17

Yóm gebnos nim kmoen ni, angat gfan ne yóm gel gbuni nim kmoen ni, bud gfan elem hulin kdaw.

1 Pitér 4:5

Okóm hulin kdaw, gotu hdà Dwata lu bè soluhen, ne snólóken bélê le yóm deng nmò le. Ni se yóm Dwata deng eles htifes mò angat kmukum kul yó kem tau tolo mowil, senged se yó kem deng mlef.

Sulat Pol Ebè Yó Kem Tau Hemtahu Bè Rom 3:6

Tey sekban yóm mon le yó. Ke là tmafaken yóm Dwata, là kóen tedeng yóm kun kmò. Ne ke là tedengen, là se kô gbeken kmukum yóm kdéen tau talak tonok.

Kem Lingón 98:9

bè solu Dwata. Yakà kól Dwata nan e knukum klamang benwu. Knukumen klamang benwu mlan bè ktedengen, ne laen kô dù mtukul nfihen.

2 Pitér 2:9

Bè ni kem tulónu kuy ni koni gónó tekuy mton du yóm tey khulung Dwata lemwà yó kem tau gel mimón du ke wen gel gfà le. Ne tnafaken yó kem tau gel mò sidek, bede yó he hol kehdengen du kesok kól bè yóm angat kkukumen tau.

2 Timuti 4:1

Nim bud hlolou kóm ni, tngón Dwata ne tngón Krays Jisas. Du yóm angat kmukum yóm kdéen tau, yó kem tau tolo mowil senged se yó kem deng matay. Ne lemwót bè yóm angat bud kesfuléken edini mò mogot yóm klamangen benwu, ni se hol hlolou kóm.

2 Timuti 2:8

Gel hentulónem nawa Jisas Krays, yóm deng hlowil Dwata, yóm semfu gu bè yóm tehe Dabid. Ni se yóm Tulón Hyu gel tendo hbólu ebè yó kem tau.

1 Timuti 1:11

Yóm monu tahu tolok ni, yó sem Tulón Hyu deng sigang Dwata tahu mò hetngónu ebè yó kem tau. Nim Tulón Hyu ni, lemwót bè Dwata, yóm hol hyu bè kdéen, yóm knóón dmóyón du.

Sulat Pol Ebè Yó Kem Tau Hemtahu Bè Rom 16:25

Hol dóyón tekuy dé Dwata. Du se yóm gembek hol hbegel kuy bè kehtahu ye hlanen bè yóm Tulón Hyu gel nitu gbak ebè Jisas Krays. Nim Tulón Hyu ni, ni se yóm tehe gbuni bè yó kem tau gnan ekni.

Kun Snulat Jan 12:48

Yóm tau kembê do, ne là se kô henmóyóen du yóm toloku, angat wen fen tmuled du. Yó tmuled du bè yóm hol són kdaw, duhen yóm udélu là henmóyóen du yó.

Hibru 9:27

Laen kô dù tau se ke là suléken du matay, omin Dwata kmukum du.

2 Timuti 4:8

Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.

2 Kurin 5:10

Yakà kdê tekuy du angat mdà bè solu Krays hulin kdaw anì knukumen tekuy. Tódô ket tau angat gmuta du balà yóm tehe deng kun nmò te tonok, ke hyu duhen ke sidek.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Matyu 16:27

Yakà angaten bud semfulék edini yóm Ngà Tau,” mon Jisas. “Bè yóm kesfuléken yó, gfan béléen yóm tey kegeta Maen, ne gotu le mung du yó kem gel hógów Dwata gu bè longit. Bè yóm kdaw yó, tódô gotu blayen yó kem tau yóm balà yóm tehe deng gel nmò le.

Kehedem Tau Tmolok 11:9

Ó ngà logi lomi lemnok, holi hligal bè yóm igoem hanà tolo lomi tau. Hol hnigalem yóm klowilem ket kdaw. Nmoem yóm kóm kóyô, ne hotuhem gelem mò du yóm kdéen. Okóm hol béem abay klifót, angat snolò Dwata béléem kdê yó kem deng nmoem.

Kehedem Tau Tmolok 3:17

Yó hendemu, “Angat wen kdawen knukum Dwata yóm kdéen tau hlanen bè yó kem gel nmò le, tau tedeng nmoen, duhen ke tau sidek nmoen.”

Kem Lingón 96:13

sok kól Dwata mò kmamal yóm klamangen. Angat tey tedeng yóm kkamalen kdéen tau, laen kô dù mtukul nfihen.

Kem Lingón 50:6

Yó heglalag yó kem lafin longit, duhen yóm ktedeng Dwata, yakà du se yóm kmukum.

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Glasya 1:11

Wen tulónu kuy, kem dumuhu setwoli. Yóm Tulón Hyu gel tulónu, là kóen lemwót bè tau,

1 Kurin 15:1

Ne ni, kem dumuhu setwoli, bud nulitu bélê ye yóm Tulón Hyu, yóm tehe le hetngónu bélê ye. Yó se yóm tulón deng henmóyô ye, ne bè yó gónón lemwót yóm kbegel kehtahu ye nim kmoen ni.