Sulat Pol Ebè Yó Kem Tau Hemtahu Bè Rom 2:14 - Udél Dwata: Gna Kesfasad ne Lomi Kesfasad

¹⁴ Balù yóm là knóen bè yó kem tau là Ju le yóm hlau Dwata, ewenem sana kul klolò du lemwót bè yóm kdilô le du lem hendem le yóm hyu lemolò du segtón bè yóm hlau.

Sulat Pol Ebè Yó Kem Tau Hemtahu Bè Rom 2:14 Referans Kwoze

Sulat Pol Ebè Yó Kem Tau Hemtahu Bè Rom 2:12

Bè yóm angat kkukum Dwata kem tau, angat tnafak Dwata yó kem tau là Ju le ke gemsalà le balù yóm là knóen bélê le yóm hlau deng hsulaten. Ne bud angat tnafak Dwata snéen yó kem Ju ke gemsalà le abay se bélê le gónón nô yóm hlau Musis.

Sulat Pol Ebè Yó Kem Tau Hemtahu Bè Rom 2:27

Lemwót bè yóm fen kimón le yóm hlau Dwata yó kem tau là Ju le anien he ke là tnulì le, yó se gónó le angat dmuón kuy yu kem tau Ju bè yóm kulé ye yóm hlau deng snulat ye, igoen yu he yó kem tau deng nfun Dwata.

Ifisus 2:12

Bè yóm kdaw yó, tey ye mayuk bè Krays. Tólóng ye tau se kuy, là gomong ye bè yó kem tau tehe nélék Dwata mò hol kun tau. Ne laen kô dù kuy du yó kem tehe fasad Dwata kul. Olo ye kem beyen tau nô talak tonok yó dum kuy. Laen kô dù hendón nefet nawa ye, abay se là kô deng tngón ye ke Dwata.

Kul Nmò 17:30

Tehe yu ekni,” mon Pol, “là snolò Dwata du yó kem sidek nmò tau bè yóm klawi le là setngón ebéléen. Okóm nim kmoen ni, deng hnauhen yóm kdéen tau bè klamangen benwu anì hol knogol le yó kem sidek gel nmò le.

Kul Nmò 10:35

Balù kihu tau, ke wen klikoen ke Dwata, ne ke hol nmoen yóm hyu bè Dwata, là kô knogol Dwata du se kun, nô kihu se kun gónó gu mbut.

Sulat Pol Ebè Yó Kem Tau Hemtahu Bè Rom 1:32

Deng hónô tngón le yóm monen bè hlau Dwata ke wen tau mò du yó kem sidek yó, sal gel tódô hnatay. Okóm là kô dog hdon le du. Tódô henlel le mò du, lel le semgduf kem dumu le mò du.

Dwata 4:7

Yó gónó le mon du yóm yó abay se laen dù dumu but tau balù nô kwen le ke wen dwata lennged tendo moni bélê le lómón yóm klonihen bélê tekuy yóm sana kut Dwata hol gónó mogot ke wen tau htóbóng béléen.

1 Kurin 11:14

Deng nbuten tehe yu ne ekni, ten-geeden hemyak knóen yóm logi ke htahaen weken.

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

Kul Nmò 14:16

Bè yóm tehe yu ekni,” mon Pol, “tódô bayà Dwata yó kem tau te tonok, balù kihu kul knóyô nmò.

Sulat Pol Ebè Yó Kem Tau Hemtahu Bè Rom 2:15

Tódô dilô bélê le deng eles nô lem hendem le yóm deng monen bè hlau Musis. Lemwót bè yóm kehedem le du, tódô gnóm le ke hyu yóm nmò le duhen ke sidek.

1 Kurin 9:21

Senged se ke nóe lem blóng yó kem tau là Ju le, là kô naw e lolò du yóm kum hlau mi kem Ju abay se là kul hlau du yóm yó. Okóm tódóe hmung bè kul adat anì wen lanu mit kul ebè Krays. Ya mon ke là bud lolou du yóm hlau Dwata. Lómón ke gotu lolou lu se lanu lemolò yóm hlau Krays.

Ifisus 2:3

Bè ktahuhen, lómón yó se tehe kut kmò ekni yóm kdê tekuy. Tódô nmung tekuy yóm knóyô tekuy. Balù kihu knóyô lówó tekuy ne kenbeyen nawa tekuy, tódô nmò tekuy. Yó se gónó tekuy gomong bè yóm kdéen tau deng golu elem tafak Dwata.