Sulat Pol Ebè Yó Kem Tau Hemtahu Bè Rom 2:11 - Udél Dwata: Gna Kesfasad ne Lomi Kesfasad

¹¹ Abay se yóm Dwata, laen kô dù mtukul nfihen bè yóm kkukumen tau.

Sulat Pol Ebè Yó Kem Tau Hemtahu Bè Rom 2:11 Referans Kwoze

Kul Nmò 10:34

Ne mon Pitér se, “Tey, ni he hol kdengen ketngónu du yóm Dwata, laen kô dù knihuhen.

Dwata 10:17

Abay se yóm sana kuy Dwata hol gónó mogot, du se hol Dwata dandónen geta bè kdéen dwata ne hol dandónen mfasang bè kdéen mfasang. Laen kô dù là gbeken du, du se hol knóón bang nimón. Laen dù mtukul nfihen ne là kóen ma mò wa nawahen.

Glasya 2:6

Timbow gungol yó kem tau gel malak bè yó, bà udì ke wen tnù le du. Uma kóm yó kem tau yó, laen kô dù gónón stólóng béléu ke tau malak duhen ke là, abay se yóm Dwata, là knukumen du yóm olon gfan ta.

2 Tutul Israél 19:7

Dwata dé hol knikò ye, ne hol ten-gama ye yóm nmò ye, abay se bè Dwata kun yóm Dwata hol gónó tekuy mogot, là kóen móyô du yóm kukum là tedengen, ne ke wen nfi ye, ne ke wen gel nwa ye mò wa nawa ye.”

Kulasi 3:25

Okóm yóm tau mò sidek, bud sidek snéen balaen, abay se yóm Dwata laen kô mtukul tau knihuhen.

Ifisus 6:9

Dalang se kuy yu kem tau wen klifenen. Yake hol lómón yó koni yóm kuy kmò ebè yó kem klifen ye. Bê ye bud gel henwó lu. Yakà tek sotu du gónó ye mogot, duhen yóm gónó tekuy mogot bè longit. Bè yóm angat kkukumen kuy, laen kô mtukul knihuhen bélê ye.

Matyu 22:16

Yó nmò le, wen tau dók le ebéléen, hono kem tau gel lemolò kul, ne wen se bélê le kem kun tau Hirod. Timbow le kól bè Jisas, mon le mò du, “Ó Sér, tódô tngón me sal gel tahu yóm gel tulónem bè yóm kun kóyô Dwata bè tau. Ne laen dù klikoem tmulón du, abay se laen dù tau mtukul henlom nawahem.

Kun Snulat Luk 20:21

Yó snólók le bè Jisas yó kem tau hmolung du yó koni, mon le, “Ó Sér, tngón me se hono tedeng yóm gel tulónem ne yóm gel tolokem. Laen se kô dù mtukul henlom nawahem, bede hono tahu yóm gel tulónem bè yóm kun kóyô bè tau Dwata.

1 Pitér 1:17

Bè yóm gel kni ye bè Dwata, gel taba ye du Mà. Ne tahu se yó, Mà ye yóm Dwata. Okóm angat knukumen yóm nmò tau, yóm ket kuy na sotu, ke hyu duhen ke sidek. Ne laen kô dù tau knihuhen. Duhen yó, bè yóm klawi ye mowil te tonok, yake hol knikò ye Dwata.

Sulat Pol Ebè Yó Kem Tau Hemtahu Bè Rom 9:14

Mò kmon tekuy du nim nmò Dwata ni? Déke hendem tekuy là tedengen yóm kmò Dwata abay se fen mtukul néléken. Là kô yó du.