Sulat Pol Ebè Yó Kem Tau Hemtahu Bè Rom 16:7 - Udél Dwata: Gna Kesfasad ne Lomi Kesfasad

⁷ Tulón ye do ke Andrunikus ne Juniyas yóm gel kólómu kul. Lu se hol dumuhu Ju. Tehe le mung geblanggù béléu ekni. Gna le se kul he hemtahu bè Krays, hulihe dou. Tey któtól boluy le lem blóng yó kem sfolò lewu deng nélék Jisas mò gel hógówen.

Sulat Pol Ebè Yó Kem Tau Hemtahu Bè Rom 16:7 Referans Kwoze

Sulat Pol Ebè Yó Kem Tau Hemtahu Bè Rom 16:21

Timuti se sotu dumuhu mò nmò bè ni. Tey kólómen kuy se kun. Dalang se kul le Lusyus ne Jasun ne Susipatér, hono kem dumuhu Ju.

Sulat Pol Ebè Yó Kem Tau Hemtahu Bè Rom 16:11

Bud hendemu yóm sotu dumuhu Ju boluyen Hirodiyan. Ne yó kem logi hemtahu bè yó kem fes lówó Narsisus, hol hgefet ye ebélê le yóm gel kólómu kul.

Filimun 1:23

Ne ke Ipafras kun, yóm dumuhu geblanggù bè ni lanen lemolò ke Krays Jisas, tey gel kólómen kuy.

Kulasi 4:10

Tey gel kólóm Aristarkus kuy se kun, yóm dumuhu geblanggù bè ni. Dalang se ke Mark, yóm dumuhen setwoli Barnabas, tey gel kólómen kuy se kun. Kesok sut dyó bélê ye, hol hnódó ye, lómón se yóm tehe tulónu kuy.

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Glasya 1:22

Uma kóm bè yóm kdaw yó, là kô me deng setngón he yó kem tau hemtahu bè prubinsya Judiya.

2 Kurin 5:17

Ke deng ssotu bè Krays yóm tau, baling lomi ne kehedemen. Kdê yó kem tehe gna kehedemen tódô gotu lana, ne hono lomi ne bud tlesen du.

Deng Hegfan 1:9

Ou se Jan, yóm sotu dumu ye setwoli. Lemwót bè yóm klolou ke Jisas, denge mkél bélê ye ne bè yóm kehbala ye du yóm keglayam sut bè yó kem tau nogot Jisas. Ni deng mom htólóng le o bè ni bè Patmus, yóm sotu hungul nô talak mohin. Yó duón le do lanu tmolok yóm Udél Dwata, ne yóm ktahuhen lemwót bè Jisas.

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

1 Jan 4:13

Deng hol tngón tekuy se yóm deng kessotu tekuy bè Dwata, abay se deng suen bélê tekuy yóm kun Tulus.

Glasya 6:15

Laen kô muhen yóm tnulì duhen ke là tnulì du. Yó dé hol bong muhen bè Dwata ke deng nô bélê tekuy yóm lomi klowil lemwót béléen.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

Glasya 2:6

Timbow gungol yó kem tau gel malak bè yó, bà udì ke wen tnù le du. Uma kóm yó kem tau yó, laen kô dù gónón stólóng béléu ke tau malak duhen ke là, abay se yóm Dwata, là knukumen du yóm olon gfan ta.

2 Kurin 11:23

Ke gel mon le tau le tóbóng lówó Krays se kul, mom ou ne tau tóbóng lówó hol gulit senta le. Ni se udél yóm tau lengel mata nim udélu ni. Là kô na le e gatù dou bè yóm alì kmou nmò bè Krays. Deng hilu duléku geblanggù, ne deng hilu duléken ne wen tau mfes dou ne tô hmatay do.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

Kun Snulat Jan 15:2

Ket hangahu là munguhen, sal ntoken. Ne ket hangahu mungu, sal gel hen-gifaten anì hol temnù kbunguhen.

Kun Snulat Jan 14:20

Bè yóm kdaw bud kton ye do yó, tódô tngón ye yóm kessotu me Mà, ne angat tngón ye snéen yóm kessotu tekuy.

Kun Snulat Jan 6:56

Yó se tau mken yóm dou lówó ne minum yóm dou litô, senflósen nô béléu, ne senflósu se nô béléen.

Isaya 45:25

Tek són ou angat lemwà yó kem semfu gu bè tehe Jakub ne tey kdóyón le do.”

Isaya 45:17

Okóm yó kem tau Israél deng lenwà Dwata lu kul. Yóm kegmò le bè yó kem hohon le laen kô dù tul sónen. Laen kô bang gónó le bud myak bè kem dumu le tau.’ ”

Glasya 2:2

Yó gónóhu mógów lan Dwata hegfan béléu. Yóm kkól me ditu, gotu le stifun yó kem tau malak yó kem tau hemtahu bè yó, laen kô dù dumu tau gbool bélê me, són mi. Yó hol tulónu kul, duhen yóm Tulón Hyu gel hetngónu lem blóng yó kem tau là Ju le. Yó gónóhu mò du yóm yó, abay se là móyóe du ke laen dù gónón e kól yóm deng tehe nmou dalang se yóm tolo nmou ni kmoen ni.

Sulat Pol Ebè Yó Kem Tau Hemtahu Bè Rom 8:11

Ke deng nô bélê ye yóm Tulus Dwata tehe hlowil ke Jisas gu lem hatay yó, bud du angat bud hlowil yóm tau deng matay.

Sulat Pol Ebè Yó Kem Tau Hemtahu Bè Rom 9:3

bè yó kem dou dumu Ju, yó kem tau hol dou litô. Sidek kegnómu du abay se là kô le hemtahu bè Krays. Ke yó dum gmò, mom hyu dé ke ou fen tnafak Dwata mò tles lówó le, ne ke ou fen glayuk bè Krays anì lu yóm gewà gu lem tafak.

Sulat Pol Ebè Yó Kem Tau Hemtahu Bè Rom 16:3

Hol hgefet ye do bè le Akila ne Prisila yóm là keklifótu kul. Lu se tehe dumuhu gel mò nmò bè Krays Jisas.

Sulat Pol Ebè Yó Kem Tau Hemtahu Bè Rom 16:6

Ne bud hendemu lenibun Miri snéen. Tey kmoen nmò lem blóng ye lanen tmóbóng kuy.

Sulat Pol Ebè Yó Kem Tau Hemtahu Bè Rom 16:8

Ne bud bè Ampliyatus snéen, tey gel kólómu du, ne tey sogot nawa me mlan bè kehtahu me bè yóm gónó tekuy mogot.

Sulat Pol Ebè Yó Kem Tau Hemtahu Bè Rom 16:9

Ne bud bè Urbanus, yóm sotu dumu tekuy mò nmò bè Krays. Ne bud bè Stakis snéen, yóm sotu dumuhu sogot nawa.

Sulat Pol Ebè Yó Kem Tau Hemtahu Bè Rom 16:10

Ne hol hgefet ye do bè Apilis yóm gel kehedemu du se kun. Deng tey gfan yóm là kili nawahen lemolò ke Krays nim tau ni. Senged se bè Aristabulus ne kem kun fes lówó, hgefet ye do ebélê le yóm gel kólómu kul.

2 Kurin 12:2

Bè yóm deng sfolò fat halayen ni ne, wen sotu tau hemtahu bè Krays tngónu. Tódô wen mit du eta bè yóm longit hol geta bè kdéen. Bede là tngónu du tum mógów tu ke tahu lówóhen duhen ke olo tódô hton Dwata. Tek són Dwata temngón du.