Sulat Pol Ebè Yó Kem Tau Hemtahu Bè Rom 16:4 - Udél Dwata: Gna Kesfasad ne Lomi Kesfasad

⁴ Udì duen deng le tô matay se kul lan le tmóbóng dou. Tey kdóyónu ke Dwata bè yóm któbóng le do yó. Senged snéen yóm kdéen tau là Ju le deng hemtahu bè Dwata bè ni, tey kdóyón le ke Dwata se kul.

Sulat Pol Ebè Yó Kem Tau Hemtahu Bè Rom 16:4 Referans Kwoze

1 Jan 3:16

Ni se gónó ye temngón du yóm tahu kbong nawa: Ngem yóm botong kun nawa Krays bè yóm tehe khamaen klowilen bélê tekuy. Yó gónóm mon, bè yóm gel któbóng ye yó kem dumu ye, hyu snéen ke glef ye matay bélê le.

Flipay 2:30

Abay se tek udì duen gónón tô matay lanen mò nmò bè Krays. Là kô dog nalihen du klowilen lanen mò yóm hmò ye du mò lan ye gemtóbóng dou.

1 Tisalunika 2:14

Ne ni, kem dumu me setwoli, deng wen gónó ye skél bè yó kem tau hemtahu bè Dwata bè prubinsya Judiya bè yó kem tau nfun Krays Jisas bè yó. Abay se lemwót bè kehtahu ye wen gónó ye glayam bè kem dumu ye nim kmoen ni, hol lómón se yóm tehe kul keglayam yó kem tau bè Judiya bè yó kem dumu le Ju.

1 Kurin 16:1

Deng wen tehe snólók ye bè yóm ksulat ye bè keblay ye bè yó kem kun tau Dwata bè prubinsya Judiya. Yó kmò ye du, yake tódô lolò ye yóm deng hlolou yó kem dumu ye hemtahu bè prubinsya Glasya.

1 Kurin 7:17

Yóm ket sotu bélê tekuy, tódô henek bè yóm tehe sana kun kmò klowil snolu bè yóm tehe ktaba Dwata tekuy mò ngaen, yóm klowil tehe sigangen ta tekuy yóm gónó tekuy mogot. Nim monu ni, gel hlolou yó kem tau hemtahu bè ket benwu gónóhu gel tmolok snéen.

Sulat Pol Ebè Yó Kem Tau Hemtahu Bè Rom 5:7

Bélê tekuy, balù sentnga ktedeng kmoen yóm sotu tau, tey mgel ke fen tekuy tô matay béléen mò leyu lówóhen. Là tngón tekuy du, déke wen se tau gembek mò du.

Kul Nmò 16:5

Tahu se, tey wen gónón temnù kehtahu le yó kem tau hemtahu. Tódô ket kdaw sónmoen tendo temnù tau hemtahu bè Jisas.

Kul Nmò 15:41

Tahu se, lemwót le, mógów le ebè prubinsya Sirya ne Silisya, ten-gel le kehtahu yó kem tau hemtahu bè Jisas bè yó.

Kun Snulat Jan 15:13

Yóm tau ke hamaen klowilen bè kem ween, laen kô gemsenged du yóm kbong nawa yó.

Mika 2:3

Yó gónóm mon, ni se udél Dwata, monen, “Deng natulu ne yóm kehwitu ebélê ye hlayam mò balà yóm gel kehlayam ye yó kem dumu ye tau ne là kô ye gewà du. Ke deng gnóm ye yóm hlayam hwitu ebélê ye yó, là kô ye bud mógów heklabak gu bè lan.”

2 Samwél 22:41

Gotu hlóyem yó kem hohonu. Gotu genlau yó kem tau mutó do nawa.

Deng Hegfan 1:4

Ou se Jan gónón lemwót nim sulat ni. Hwitu ebè yó kem tau hemtahu bè yó kem hitu simbahan bè prubinsya Asya. Yó hem Dwata ne yóm Tulusen ne Jisas Krays hol tendo tmóbóng kuy, ne tendo henek nawa ye. Ni se yóm sana Dwata tenbut bè kbuten efet nim kmoen ni, ne du se yóm móyón bud sut ni. Yóm Tulus Dwata, wen hitu kay kfasangen ne eles tendo nô bè solu Dwata, bè yóm gónón myón kmamal.

Kul Nmò 9:31

Kogolen bè yó, laen dù bud sembeweg kul ne yó kem tau hemtahu bè Jisas bè klamangen prubinsya Judiya ne Galili ne Samarya. Lemwót bè yóm któbóngen kul yóm Tulus Dwata, yó gónón hlós baling mbegel yóm kehtahu le, ne sónmoen tendo temnù tau hemtahu bè Jisas. Tey gel klikò le ke là nimón le yóm gónó le mogot.

Kul Nmò 15:26

Là kô ngali le du ne yóm kul klowil lan le hból du boluy Jisas Krays yóm gónó tekuy mogot.

Sulat Pol Ebè Yó Kem Tau Hemtahu Bè Rom 16:3

Hol hgefet ye do bè le Akila ne Prisila yóm là keklifótu kul. Lu se tehe dumuhu gel mò nmò bè Krays Jisas.

Sulat Pol Ebè Yó Kem Tau Hemtahu Bè Rom 16:5

Tey gel kehedemu kul snéen yó kem tau gel stifun tmaba Dwata bè gónô le. Sotuhen, Épinitus, yóm sotu dumuhu sogot nawa, tey gel kehedemu du. Du se hol tanay tau hemtahu bè Krays bè prubinsya Asya.