Sulat Pol Ebè Yó Kem Tau Hemtahu Bè Rom 16:3 - Udél Dwata: Gna Kesfasad ne Lomi Kesfasad

³ Hol hgefet ye do bè le Akila ne Prisila yóm là keklifótu kul. Lu se tehe dumuhu gel mò nmò bè Krays Jisas.

Sulat Pol Ebè Yó Kem Tau Hemtahu Bè Rom 16:3 Referans Kwoze

2 Timuti 4:19

Hol hgefetem dou bè Prisila ne Akila ne yó kem kun fes lówó Unisifurus yóm tey kólómu kul.

1 Kurin 16:19

Gel nólóm le yu se kuy yó kem dumu ye hemtahu bè prubinsya Asya. Bud Akila lewu le Prisila ne yó kem tau hemtahu gel stifun bè gónô le, tey gel kólóm le kuy se kul.

Kul Nmò 18:26

Timbow kól bè Ifisus, tódô mbut tmolok bè gónó le gel stifun yó kem Ju. Balù udì ke wen klikoen. Timbow gungol Prisila ne Akila yóm ktoloken, omin le mit du ebè gónô le, ne gotu tulón le du yóm kun kmò klan Dwata, yóm là deng tngónen du he.

1 Kurin 16:16

Hol kóyóu bélê ye, kem dumuhu setwoli, ke tendo ye galak bè yó kem tau lómón le Stifanas mò kmò le, dalang se yó kem dumu tau gel tmóbóng kul.

Sulat Pol Ebè Yó Kem Tau Hemtahu Bè Rom 16:9

Ne bud bè Urbanus, yóm sotu dumu tekuy mò nmò bè Krays. Ne bud bè Stakis snéen, yóm sotu dumuhu sogot nawa.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

Sulat Pol Ebè Yó Kem Tau Hemtahu Bè Rom 8:2

Abay se deng nô bè klowil tekuy yóm kfasang yóm Tulus Dwata mlay klowil ne mlan bè Jisas Krays lemwà tekuy gu lem salà ne yóm lemwà kut gu lem hatay.

Sulat Pol Ebè Yó Kem Tau Hemtahu Bè Rom 8:11

Ke deng nô bélê ye yóm Tulus Dwata tehe hlowil ke Jisas gu lem hatay yó, bud du angat bud hlowil yóm tau deng matay.

Sulat Pol Ebè Yó Kem Tau Hemtahu Bè Rom 16:4

Udì duen deng le tô matay se kul lan le tmóbóng dou. Tey kdóyónu ke Dwata bè yóm któbóng le do yó. Senged snéen yóm kdéen tau là Ju le deng hemtahu bè Dwata bè ni, tey kdóyón le ke Dwata se kul.

Sulat Pol Ebè Yó Kem Tau Hemtahu Bè Rom 16:7

Tulón ye do ke Andrunikus ne Juniyas yóm gel kólómu kul. Lu se hol dumuhu Ju. Tehe le mung geblanggù béléu ekni. Gna le se kul he hemtahu bè Krays, hulihe dou. Tey któtól boluy le lem blóng yó kem sfolò lewu deng nélék Jisas mò gel hógówen.

Sulat Pol Ebè Yó Kem Tau Hemtahu Bè Rom 16:10

Ne hol hgefet ye do bè Apilis yóm gel kehedemu du se kun. Deng tey gfan yóm là kili nawahen lemolò ke Krays nim tau ni. Senged se bè Aristabulus ne kem kun fes lówó, hgefet ye do ebélê le yóm gel kólómu kul.

2 Kurin 5:17

Ke deng ssotu bè Krays yóm tau, baling lomi ne kehedemen. Kdê yó kem tehe gna kehedemen tódô gotu lana, ne hono lomi ne bud tlesen du.

2 Kurin 12:2

Bè yóm deng sfolò fat halayen ni ne, wen sotu tau hemtahu bè Krays tngónu. Tódô wen mit du eta bè yóm longit hol geta bè kdéen. Bede là tngónu du tum mógów tu ke tahu lówóhen duhen ke olo tódô hton Dwata. Tek són Dwata temngón du.

Glasya 1:22

Uma kóm bè yóm kdaw yó, là kô me deng setngón he yó kem tau hemtahu bè prubinsya Judiya.

Flipay 2:25

Ne sotuhen, là gbeku du ke là bud huléku ke Ipafruditus edyó, yóm dumu tekuy setwoli tehe dók ye mò tmóbóng dou bè ni. Tey bong któbóngen do, ne ketgelen do bè yóm kmou du yóm hmò Dwata dou bè ni.

Kulasi 4:11

Senged se ke Juswa yóm gel bnoluy le Justus, tey kólómen kuy se kun. Bè kdê yó kem Ju deng hemtahu, tek són nim tlu le ni gel tmóbóng do hból du yóm kun kogot Dwata, ne tey bong yóm gel któbóng le do.