Sulat Pol Ebè Yó Kem Tau Hemtahu Bè Rom 16:27 - Udél Dwata: Gna Kesfasad ne Lomi Kesfasad

²⁷ Tek són du yóm hol tahu Dwata, ne tódô gotu tngónen kdéen. Bê tekuy nmò sónen yóm kdóyón tekuy du hlan tekuy bè Jisas Krays.

Sulat Pol Ebè Yó Kem Tau Hemtahu Bè Rom 16:27 Referans Kwoze

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

Sulat Pol Ebè Yó Kem Tau Hemtahu Bè Rom 11:36

Abay se kdéen ton, gotu dlimun Dwata. Ke là wen du, laen kô dù mowil. Ne yóm kentihen deng dlimunen yó mò hol gónón megdóyón. Bê tekuy lensón yóm kdóyón tekuy du.

Sulat Jud 1:25

Yó gónóm mon, bê tekuy nmò sónen yóm tendo kdóyón tekuy ke Dwata. Sónen du se tahu Dwata. Deng hewaen tekuy gu lem hatay hlanen bè yóm gónó tekuy mogot Jisas Krays. Du se yóm hol dandónen geta, yóm kmamal yóm klamangen. Tek són du yóm hol mfasang bè kdéen, ne yóm alì wen kwalisen. Sana kem gnô kun ne ni kem ni hnikót là deng dlimunen du he yóm benwu, ne laen kô tul konolen efet nim kmoen ni, ne laen kô tul sónen snéen.

2 Pitér 3:18

Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

Hibru 13:15

Duhen yó, bê tekuy nmò sónen yóm kdóyón tekuy ke Dwata hlan tekuy bè Jisas, ne hol tulón tekuy bè kem dumu tau Jisas se yóm gónó tekuy mogot. Ni se mò henged dsù tekuy ebè Dwata.

2 Timuti 4:18

Ne angat bud lenwaen ou he yóm gónó tekuy mogot ke wen bud tô dumu gfau, ne hlós nwiten o ebè tum kun benwu nogot bè longit. Bê te abay lensón yóm kut kdóyón du.

1 Timuti 6:16

Tek són du yóm laen dù tul katayen. Yóm layag alì sminang yóm gónón nô, laen kô dù tau gehloni edu, ne laen kô dù tul kton kem tau du. Du yóm hol megdóyón, ne bud du se yóm hol mfasang laen kô dù tul sónen.

Flipay 4:20

Hol bê tekuy abay nmò sónen yóm kdóyón tekuy ke Dwata yóm Mà tekuy.

Ifisus 3:10

Okóm ni kmoen ni, hegfanen yóm tehe bunihen, hlanen bè yó kem tau hemtahu bè Krays, anì hol gfan bè kdéen mfasang wen glalen ditu bè longit yóm tey khulungen hedem Dwata bè kdê nmoen.

Kem Lingón 147:5

Tey kegetahen yóm Dwata tekuy. Ya tey kfasangen, laen dù gemsenged du. Yóm ketngónen yóm kdéen, là gbekem hmingón du.

Isaya 31:2

Deng eles hendem Dwata yóm angat nmoen bélê le. Wen glumfak hwiten elem blóng le. Deng eles tulónen kul yóm angat ktafaken yó kem tau gel mò sidek, gomong bélê le yó kem tau mofin kul. Ne tahu se, dohò tnafaken lu.