Sulat Pol Ebè Yó Kem Tau Hemtahu Bè Rom 16:26 - Udél Dwata: Gna Kesfasad ne Lomi Kesfasad

²⁶ Okóm nim kmoen ni, deng hetngón Dwata hlanen bè yóm deng snulat yó kem tehe tugoden ekni. Yó hol hmò Dwata kum, hol hetngón me nim tulón ni ebè kdéen tau bè klamangen benwu anì hemtahu le, ne nimón le snéen. Ni se hol kun kóyô yóm Dwata laen dù tul katayen.

Sulat Pol Ebè Yó Kem Tau Hemtahu Bè Rom 16:26 Referans Kwoze

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

Glasya 3:8

Deng tehe eles tulón Dwata bè Sulaten ekni yóm angat ktedeng ktonen kul yó kem tau là Ju le lemwót bè yóm kehtahu le béléen. Deng tehe tulón Dwata ke Abraham se yóm Tulón Hyu yó, yó monen, “Hlanu béléem yóm angat któbóngu yóm kdéen tau bè klamangen benwu.”Ne tahu se, hentahu Abraham yóm tulón Dwata du yó, ne tey któbóng Dwata du lemwót bè yóm kehtahuhen. Dalang se nim kmoen ni, yóm kdéen tau hemtahu, tey któbóng Dwata kul lómón se yóm tehe któbóngen ke Abraham.

Sulat Pol Ebè Yó Kem Tau Hemtahu Bè Rom 15:18

Laen kô dumu gel tulónu, tek són yóm deng gendeng Krays hlanen béléu anì baling nimón le Dwata yó kem tau là Juhen. Yó kmoen du, hlanen bè yóm ktoloku ne yóm gel nmou lem blóng le,

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

Isaya 40:28

Là deng tngón ye du he kô ne là deng gungol ye du? Yóm Dwata gónó tekuy mogot laen kô dù tul sónen. Du se tehe dmimun yóm klamang benwu. Là kóen na a miteg ne là se kóen na a lunog. Là gbek te hmingón du yóm tey kehedemen tekuy.

2 Timuti 1:10

Okóm ni deng hegfanen ne yóm któbóngen kut bè yóm tehe ksut Krays Jisas lem nim benwu ni, yóm deng lemwà kut gu lem hatay. Deng nmò Krays sónen yóm hatay, ne hlanen bè yóm Tulón Hyu gónón hegfan du yóm kwen klowil laen dù sónen.

Kulasi 1:26

yóm tulón tehe bunihen bè yó kem kdéen tau gnan ekni, okóm deng hegfanen ni kmoen ni bè yó kem kun tau.

Ifisus 1:9

Lemwót bè kun kóyô deng heglileben tekuy ne yóm tehe atul bunihen. Yóm atulen yó, deng eles hendemen yóm kehlanen du bè Krays.

Sulat Pol Ebè Yó Kem Tau Hemtahu Bè Rom 15:4

Ket yóm udél deng tehe hsulat Dwata, sal gel wen hdalangen tekuy lemen. Lemwót bè yóm udél Dwata gónón là mili nawa tekuy baluen ke wen mgel sut bélê tekuy. Ne bè yó gónón lemwót yóm kegduf nawa tekuy igò tekuy mangat du yóm hendón nefet nawa tekuy.

Sulat Pol Ebè Yó Kem Tau Hemtahu Bè Rom 1:2

Deng tehe eles fasad Dwata snéen ekni nim Tulón Hyu ni hlanen bè yó kem tehe gna tugoden, hol lómón yóm deng snulat le bè Sulat Dwata.

Tekang Kbuten 21:33

Ominen wen sotu koyu boluyen tamaris hulu Abraham bè yó bè Birsiba ne tmaba ebè Dwata bè yó, yóm Dwata laen dù tul sónen.

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

Ifisus 2:20

Bè yóm deng kehtahu ye, lómón ke deng ye baling ngom bè yóm gónô hdà Dwata. Yó heheken yóm gónô yó, duhen yó kem aposol ne yó kem tehe tugoden. Bede yó hol tud blóngónen, duhen Krays Jisas.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Hibru 9:14

Ke tehe wen ktueden yóm kul litô yó kem ógóf, milud he ktueden yóm kun litô Krays. Mlan bè kun tóbóng yóm Tulus Dwata laen dù tul katayen, yó gónó Krays tódô hamà du yóm kun klowil mò dsuen ebè Dwata, yóm dsù tódô ket du. Yóm litô dsuen yó, gbeken mkó du bélê tekuy yóm sidek gel hemblat tekuy lemwót bè yóm là kegtóbóngen tekuy yó kem dê tehe gel lolò tekuy. Ne ni kmoen ni, gbek tekuy mò du yóm hmò Dwata tekuy, yóm Dwata laen dù tul katayen.

Sulat Pol Ebè Yó Kem Tau Hemtahu Bè Rom 3:21

Okóm ni ne, deng mtukul kehetngón Dwata du yóm lan nmoen mò gónón baling tedeng ktonen tekuy. Là kô hlanen du bè yóm klolò tekuy yóm hlau Musis. Okóm nim lan nmò Dwata ni, deng tehe eles hsulaten ke Musis ne yó kem dumu tau tugoden ekni.

Sulat Pol Ebè Yó Kem Tau Hemtahu Bè Rom 1:20

Lemwót bè yóm tehe kedlimun Dwata benwu efet nim kmoen ni, deng eles wen ne lan tau gmileb du yóm Dwata, balù yóm là kton le du lem uyóhen. Yó gónó le gmileb du, duhen bè yó se kem deng dlimunen. Bè yó gónó le mton du yóm tey kegbek laen kô dù tul sónen, ne yóm hol keDwatahen. Yó gónóm mon, laen kô dù lasun tau là temngón ke Dwata.

Kul Nmò 10:43

Yóm Jisas ni,” mon Pitér, “du se gónón e gbak yóm tehe gel tulón yó kem tehe tugod Dwata ekni. Yó gel mon le, nô kihu tau hemtahu béléen, gbek Dwata hmifót salà le hlanen bè yóm tey kfasang yóm boluy Jisas.”

Kul Nmò 6:7

Ne sónmoen tendo mból yóm udél Dwata, ne sónmoen se temnù tau hemtahu bè Jisas bè Jirusalim. Tey wen snéen kem tau demsù ebè Dwata baling hemtahu bè Jisas.

Mark 16:15

Omin Jisas bud mon du mò kul, “Mógów ye do ebè klamangen benwu, na ye e tulón bè kdéen tau yóm Tulón Hyu lemwót bè Dwata.

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Dwata 33:27

Ebè yóm sana kuy Dwata se gónó ye e mlo. Laen kô dù nan e tul són yóm tendo ktuden kuy. Bè yóm kehlós ye elem yóm benwu fasad Dwata kuy, eles tukô gna kuy Dwata. Deng gotu lohen yó kem hohon ye ne heglaen kuy yóm kdê le.

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.

Deng Hegfan 1:17

Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.

Hibru 13:8

Yóm Jisas Krays, là kóen megetles, lemwót bè kbuten efet kól bè sónen.

1 Timuti 3:16

Laen kô dù tau gembek hemkéng du yóm tey kehyuhen yóm deng hegfan Dwata bélê tekuy, yóm deng hentahu tekuy. Tehe tódô hbaling tau yóm Ngà Dwata, ne yóm Tulus Dwata fen hdilô du bè kem tau. Gotu ton yó kem hógów Dwata nô bè longit. Ne sentbong yó kem tau bè klamangen benwu, ne wen se bè yó kem hmungol du hemtahu du. Ne ominen haway etta bè longit.