Sulat Pol Ebè Yó Kem Tau Hemtahu Bè Rom 16:2 - Udél Dwata: Gna Kesfasad ne Lomi Kesfasad

² Hol hnódó ye hlan ye bè boluy yóm gónó tekuy mogot, yakà ni du yóm nmò hol knóón bè yó kem tau Dwata. Hol tnóbóng ye ke wen gónón élél, abay se tey deng dê tau tnóbóngen se kun. Balù sem ou sana któbóngen do.

Sulat Pol Ebè Yó Kem Tau Hemtahu Bè Rom 16:2 Referans Kwoze

Flipay 2:29

Yó ne, sok kól dyó, hol ye hligal bè yóm khódó ye du, abay se du yóm sotu dumu tekuy setwoli bè yóm gónó tekuy mogot. Ne ke wen dumu tau mkél du kmoen, hyu ke hol nadat ye.

Flipay 1:27

Ne ni se yóm hol bong muhen bélê ye ke hol seklóón ebè yóm Tulón Hyu gbak ebè Krays yóm gel kmò ye anì yó, ke sute lem blóng ye duhen ke là, laen dù dumu gungolu gu bélê ye són yóm hol kbegel yóm kehtahu ye, ne yóm hol kessotu nawa ye hol mfi du yóm deng kehtahu ye lemwót bè yóm Tulón Hyu.

2 Jan 1:10

Duhen yó, ke wen tau sut bélê ye, okóm là nuliten du yóm kun tolok Krays, bê ye hotun bè gónô ye, ne bê ye abay hnódó.

Filimun 1:17

Duhen yó, ke tolo nô bè hendemem yóm keswè te, hol hnódóhem. Lómón khódóhem du, lómón ke o yóm sut béléem dyó.

Filimun 1:12

Ne ni bud huléku edyó ebéléem, ne tey gmung nawahu du.

Taytus 2:3

Dalang se yó kem libun deng malay knawa le, hol nmò le se kul yóm gónó le madat kul yó kem dumu le. Bê le abay tódô sentulón kem dumu le. Bê le abay hlengel. Yakà bélê le du gónó le dmalang du yóm hyu yó kem libun lomi myehen.

2 Timuti 1:18

Dwata he hol kmodu du bè yóm kdaw kdaen bè soluhen. Ne sotuhen, deng tngónem ne yóm tehe alì gel któbóngen dou dyó ekni bè Ifisus.

1 Timuti 2:10

Okóm hol knóón bélê le bè yó kem libun hemtahu ke hol hyu kmò le.

Kulasi 4:10

Tey gel kólóm Aristarkus kuy se kun, yóm dumuhu geblanggù bè ni. Dalang se ke Mark, yóm dumuhen setwoli Barnabas, tey gel kólómen kuy se kun. Kesok sut dyó bélê ye, hol hnódó ye, lómón se yóm tehe tulónu kuy.

Ifisus 5:3

Lemwót bè yóm deng kbaling ye kun tau Dwata, là kóen hyu ke mò ye samuk, duhen ke nmò ye yó kem dumu nmò gónó hemyak knô, duhen ke seglom ye. Balù olo bè kestulón du yó kem yó, bê tekuy abay gbót du.

Sulat Pol Ebè Yó Kem Tau Hemtahu Bè Rom 16:23

Bud ni se kun udél Pol ebélê ye. Tey kólóm Gayus kuy se kun, yóm tau fun gónô gónóhu nô. Són bè kun gónô gónó le gel stifun yó kem dumu tau hemtahu bè ni. Senged se ke Irastus, yóm tau fen mogot filak bè nim syudad ni, ne Kwartus, yóm sotu dumu tekuy hemtahu, tey kólóm le kuy se kul.

Sulat Pol Ebè Yó Kem Tau Hemtahu Bè Rom 16:9

Ne bud bè Urbanus, yóm sotu dumu tekuy mò nmò bè Krays. Ne bud bè Stakis snéen, yóm sotu dumuhu sogot nawa.

Sulat Pol Ebè Yó Kem Tau Hemtahu Bè Rom 16:6

Ne bud hendemu lenibun Miri snéen. Tey kmoen nmò lem blóng ye lanen tmóbóng kuy.

Sulat Pol Ebè Yó Kem Tau Hemtahu Bè Rom 15:7

Duhen yó, hol gel henmóyô ye yó kem dumu ye hemtahu, lómón yóm deng kehmóyô Krays kuy. Ke yó se nmò ye, tey megdóyón Dwata.

Kul Nmò 9:41

Nogot Pitér se bè sigelen ne niten mdà. Omin Pitér gotu tmaba yó kem libun bolu ne yó kem dumu tau hemtahu bè yó anì na le e hnénég yóm deng bud klowilen.

Kul Nmò 9:39

Ne tahu se, mung kul Pitér. Yóm kkólen bè yó, tódô nwit le bè yóm dfél tofi ta. Gotu le nô bè yó snéen yó kem libun bolu. Tey kkik le, ne tolok le ke Pitér yó kem nes tehe gel tenbé Durkas bélê le yóm hanà tolo kegenen mowil.

Kul Nmò 9:36

Bè yóm sotu syudad boluyen Jupa, wen sotu libun boluyen Tabita nô du, libun hemtahu bè Jisas. (Yó boluyen bè Grik Durkas. Yó lanen yóm boluy yó, “uhu.”) Nim libun ni, tey hyu yóm gel nmoen, tódô senflósen gel tmóbóng yó kem dumun wen gónó le élél.

Matyu 25:40

Angat bnalaen se lu yóm Tau Hol Geta, monen, ‘Tódô tulónu kuy ktahuhen, yó se deng nmò ye bè yó kem dumuhu setwoli alì gdanà, lómón ke béléu gónó ye mò du yóm yó.’

Kul Nmò 9:13

Mon Ananiyas se kun, “Ê, Sér. Deng hónô gungolu yóm tau yó, yóm alì kehsideken yó kem tauhem bè Jirusalim.

Kul Nmò 9:15

Bud mon yóm gónóhen mogot mò du, “Lemwóti etu ne, abay se deng néléku nim tau ni mò angat hógówu elem blóng yó kem tau là Juhen, ne ebè yó kem tau hol geta, ne ebè yó kem tau Israél snéen. Du se angat heglalag du yóm dou boluy lem blóng le.

Sulat Pol Ebè Yó Kem Tau Hemtahu Bè Rom 16:15

Ne tulón ye do ke Filologus lewu le Julya yóm gel kólómu kul. Ne senged se ebè Niryus ne yóm libunen, ne ebè Ulimpas, ne yó kem kun tau Dwata gel mung bélê le snéen.