Sulat Pol Ebè Yó Kem Tau Hemtahu Bè Rom 16:18 - Udél Dwata: Gna Kesfasad ne Lomi Kesfasad

¹⁸ Abay se là kô lolò le ke Krays yóm gónó tekuy mogot yó kem tau yó. Són kul knóyô lolò le. Lemwót bè yóm alì khulung le mudél, gel gsukat bélê le yó kem tau là deng tngón le du yóm ktahuhen.

Sulat Pol Ebè Yó Kem Tau Hemtahu Bè Rom 16:18 Referans Kwoze

Kulasi 2:4

Yó gónóhu mon du mò kuy nim ni koni anì duhe kóm, là gtondo ye bè yó kem tau alì hulung mudél, okóm kéng yóm gel tulón le.

Flipay 3:19

Yó kem tau yó, angat le gógów elem lanaw ofi, abay se yóm kul knóyô lówó, hol lómón ke yó se dwata lolò le. Deng le mom hegmón du yóm nmò gónó myak. Són yó nô bè nawa le, són yóm nmò tau talak tonok.

Matyu 7:15

“Hol ten-gama ye yó kem tau tódô lembù tmugod ke Dwata. Hol lómó ktonem kul, lómón ke ubiha. Okóm bè yóm kmò le, hol le mkél bè yó kem ohu dlag.

1 Timuti 6:5

Tendo mit skaf stulón bè yó kem tau là buden btol kehedem le, là bud lolò le du ne kul yóm ktahuhen. Bè kul kehlan du, yóm kul kehtahu mò lan baling kwasa.

Mika 3:5

Yó udél Dwata ebè yó kem tugod dwata kéng, monen, “Yu se deng mit kul tlas yó kem dou tau. Ke wen ken blay le kuy, fnasad ye lu kenek kbenwu, okóm bè yó kem tau laen dù blay le kuy, deng mom sidek kesbeweg ye kul.

2 Pitér 2:3

Lemwót bè yóm kebel le filak, tey dê gel tulón le kuy hono kem tulón lemambù. Deng legen ne eles kbuteng Dwata du ne yóm angat ktafaken kul. Són féten, là dengen hto he yóm butengen mò du.

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

2 Tisalunika 2:10

Tódô ket du yóm nmoen mò gónón gemsukat yó kem tau angat hlós elem hatay. Yó gónó le angat hlós elem hatay, abay se deng tehe kenbê le yóm hol ktahuhen mò gónó le gewà.

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.

Flipay 2:21

Tódô kdê yó kem dumu tau, sal gel hegna le yóm kul knóyô nmò, fen hfuli le yóm kun nmò Jisas Krays.

Glasya 1:10

Nim udélu ni koni, yó kô udél yóm tau ke hnebelen kdóyón le du yó kem dumuhen tau? Là kô yó du. Okóm yó dé hol hnebel nawaw, duhen yóm kdóyón Dwata dou. Là kô hnebelu du ke wen tau dmóyón dou. Ke yó tô nmou, là kóe tau tóbóng lówó Krays ilóu.

Matyu 24:24

Abay se angat wen yó kem Misaya kéng sut, ne wen yó kem tau lembù tmugod ke Dwata. Angat tey dê hentaw ton hegfan le mò gónó le hol tô smukat yó kem tau deng kun nélék Dwata.

Kem Udél Hlalak Tehe Selumun 22:3

Yóm tau hulung milô eles dilóen ne senyahen yóm sidek, okóm yóm tau là ngelem kehedemen mom mógów e du ne yó gónón glayam.

Kulasi 3:24

Bê ye abay klifót, angat wen blayen kuy yóm gónó tekuy mogot mò ofol ye lemwót bè yó kem deng hentifesen bè yó kem kun tau. Yakà Krays du yóm hol kuy gónó mogot yóm gónó ye mò nmò.

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.

2 Kurin 2:17

Bélê me kum, là kô me mkél bè yó kem dumu tau tmolok Udél Dwata, són filak gel hnebel le. Tey dê se kem tau mò du yóm yó. Okóm lemwót bè yóm khógów Dwata kum, tey gulit kmò me du yóm hmoen kum, hol lómón ke nô me bè soluhen bè yóm gel ktolok me, yakà deng me tóbóng lówó Krays.

Sulat Pol Ebè Yó Kem Tau Hemtahu Bè Rom 16:19

Deng tey glalag ebè kem dumu ye hemtahu ne yóm là kili nawa ye du yóm Tulón Hyu. Tey bong kehyu nawahu du se do yóm nmò ye yó. Kóyóu bélê ye ke hol ye hfulung hedem anì glolò ye yóm hyu, ne là glolò ye du yóm sidek.

Kun Snulat Jan 12:26

Yóm tau móyô mimón do,” mon Jisas, “là kô gbeken du ke là loloen do. Balù kihu gónóhu nô, yó se bud kun gónó nô. Angat tey kadat Mà du yóm tau ke nimónen o.”

Matyu 24:11

Angat tey dê tau sut lembù tmugod ke Dwata, ne tey dê tau gsukat bélê le.

Matyu 6:24

“Laen dù tau,” mon Jisas, “ke lewu tau gónón mamo segeng gónón mò nmò. Déke mtukul knutó nawahen, ne mtukul se kenbong nawahen. Déke mtukul fen nimónen, ne mtukul se fen sen-gilen. Dalang se kuy,” mon Jisas, “ke són filak ktes ye, là kô gbek ye mimón ke Dwata.

Jirimaya 23:17

Yó gel tulón le bè yó kem tau gel kembê du yóm dou tulón, mon le, ‘Hono hyu yóm angat sut bè klowil ye.’ Ne wen bud tulón le bè yó kem tau senflós le mò sidek lemwót bè yóm kgel kulu le gel mon le mò kul, ‘Angat laen kô dù bang hemen ye se kuy.’

Kem Udél Hlalak Tehe Selumun 14:15

Yóm tau là ngelem kehedemen tódô hentahuhen kihu gungolen, okóm yóm tau hulung milô sal nan gel hendem kmò klanen.

Kem Udél Hlalak Tehe Selumun 8:5

Yu kem tau là dengen ngelem kehedemen hol dnalang ye yóm khulung milô. Yu kem tau book hol kenmón ye yó kem udélu.

Kem Lingón 119:130

Bè yóm ktolok le udélem, lómón ke layag. Balù yó kem tau laen dù tngón le, wen gwa le du.

Kem Lingón 19:7

Yóm hlau Dwata, tódô ket du, sal gel hnomihen kgis tau. Tey gsalig yóm hlau Dwata. Benlayen khulung hedem yóm tau là mnagien.

2 Tutul Israél 18:5

Tahu se, gotu htaba Ahab yó kem tugoden, botong fat latu kwen le, ne ominen smólók kul, monen, “Nundug me Ramut-gilyad kô, duhen ke là?” Mon le se, “Nundug ye sen, angat tey kehegmò Dwata kuy.”

1 Samwél 2:29

Na, moen se ni du ke deng mom sen-glom ye yó kem dsù le ebéléu yó kem tau, dalang se yó kem tódô gel blay le ebéléu, yóm deng hmou kul? Moen du, Ili, ke bong nadatem yó kem ngaem mkay sentahu? Lel ye deng mabù bè yó kem utón mgélék deng nwa le bè ket dsù le ebéléu yó kem dou tau.

Deng Hegfan 1:1

Nim bok ni, gotu nô lemen yó kem angat sut talak tonok deng eles hegfan Jisas Krays. Deng gna hegfan Dwata béléen anì tles bud hegfanen bè yó kem tau tóbóng lówóhen. Ne duhen yó, gotu hegfan Krays bè Jan, yóm sotu tóbóng lówóhen, hlanen bè yóm sotu hógówen gu bè longit.

Sulat Jud 1:1

Ou se Jud gónón lemwót nim sulat ni. Ou se yóm sotu tau mò tóbóng lówó Jisas Krays, ne ou se yóm twoli Jim. Smulate ebélê ye yu kem tau deng tehe tnaba Dwata. Tey kbong nawahen kuy Dwata, yóm Mà tekuy bè longit, ne tey gel kofinen kuy Jisas Krays.

Sulat Jim 1:1

Ou se Jim gónón gu lemwót nim sulat ni. Ou se sotu tóbóng lówó Dwata ne yóm gónó tekuy mogot Jisas Krays. Smulate ebè yóm kdéen tau Dwata deng sekla bè klamangen benwu.

2 Kurin 11:3

Okóm tey gel ktafa nawahu kuy. Tnafa nawahu kô gsukat ye bè yóm tolok sekban, ne baling knogol nawa ye Krays, kô là nóen béléen nawa ye. Déke mkél ye ke Ib, gsukat bè alì khulungen mangkal yóm Seitan bè yóm tehe kehlinguhen bè ulal.

Malakay 1:10

Yó bud udélen, “Hyu béléu ke wen sotu bélê ye mlos tmikeb du yóm bak dól yóm dou Gónô anì laen dù tau bud hbong ofi bè yó mò hkekeb yóm dsù laen dù muhen. Balù udì ke wen gónóhu hligal bélê ye. Là kô naw e henmóyô du yó kem gel blay ye ebéléu,” udél yóm Dwata laen dù là gbeken du.

2 Samwél 15:6

Yó se gel nmò Absalum bè yóm kdéen tau Israél gel mógów ebè yóm tau hol geta na e tô hkukum du anì gwahen nawa le.

Kem Lingón 12:2

Yó kem tau sebét, deng sket kul tmulón kéng bè yóm ket kul ba sotu. Dóyón le kem dumu le mò lan le smukat kul.

Sulat Pol Ebè Yó Kem Tau Hemtahu Bè Rom 14:18

Ke lómón yó klolò tekuy ke Krays, tey hligal bélê tekuy Dwata, ne hligal bélê tekuy kem dumu tekuy snéen.