Sulat Pol Ebè Yó Kem Tau Hemtahu Bè Rom 16:15 - Udél Dwata: Gna Kesfasad ne Lomi Kesfasad

¹⁵ Ne tulón ye do ke Filologus lewu le Julya yóm gel kólómu kul. Ne senged se ebè Niryus ne yóm libunen, ne ebè Ulimpas, ne yó kem kun tau Dwata gel mung bélê le snéen.

Sulat Pol Ebè Yó Kem Tau Hemtahu Bè Rom 16:15 Referans Kwoze

Sulat Pol Ebè Yó Kem Tau Hemtahu Bè Rom 16:2

Hol hnódó ye hlan ye bè boluy yóm gónó tekuy mogot, yakà ni du yóm nmò hol knóón bè yó kem tau Dwata. Hol tnóbóng ye ke wen gónón élél, abay se tey deng dê tau tnóbóngen se kun. Balù sem ou sana któbóngen do.

Sulat Pol Ebè Yó Kem Tau Hemtahu Bè Rom 1:7

Ne duhen yó, smulate ebélê ye, yu kem kun kenbong nawa Dwata bè Rom. Deng tnabahen yu mò hol kun tau. Yó hem Dwata, yóm Mà tekuy, ne Jisas Krays yóm gónó tekuy mogot, hol tendo tmóbóng kuy ne tendo henek nawa ye.

1 Pitér 1:2

Deng tehe eles tngónen kuy Dwata, yóm Mà tekuy bè longit. Ne deng néléken yu ne nmoen yu hol kun tau mlan bè yóm kun Tulus. Yó gónón mò du yóm yó anì hol nimón ye Jisas Krays ne anì gotu hnifóten yó kem salà ye mlan bè yóm deng khamà Jisas litóen. Dwata he hol tendo tmóbóng kuy ne hol tendo henek nawa ye.

Ifisus 1:1

Ou Pol gónóhen lemwót nim sulat ni. Hol lemwót bè kun kóyô Dwata yóm kbalingu tau gel hógów Krays Jisas. Nim sulat ni, hwitu ebélê ye yu kem kun tau Dwata bè Ifisus, yu kem tau deng ssotu bè Krays Jisas, kem tau là kóen monol nawa le ebéléen.

Sulat Pol Ebè Yó Kem Tau Hemtahu Bè Rom 16:14

Bud nólómu se le Asinkritus, Fligon, Hérmis, Patrubas, Hérmas ne yó kem dumu logi hemtahu gel mung bélê le.

Isaya 60:21

Tódô kdê yó kem tauhem, Jirusalim, angat gotu nmò le yóm tedeng. Laen kô dù tul sónen yóm angat kfun le yóm tonok deng blayu kul. Hol lómón ke huluhu lu yó kem tau deng nmou mò gónón gfan yóm kegetahu bè kdéen.

Matyu 5:47

Laen kô dù kayen yóm kuy kmò ke són yó hnódó ye, són yó kem hol kuy wè. Balù yó he kem tau là setngón ke Dwata, sana kul kesfódó se kul.

Kul Nmò 9:13

Mon Ananiyas se kun, “Ê, Sér. Deng hónô gungolu yóm tau yó, yóm alì kehsideken yó kem tauhem bè Jirusalim.