Sulat Pol Ebè Yó Kem Tau Hemtahu Bè Rom 15:7 - Udél Dwata: Gna Kesfasad ne Lomi Kesfasad

⁷ Duhen yó, hol gel henmóyô ye yó kem dumu ye hemtahu, lómón yóm deng kehmóyô Krays kuy. Ke yó se nmò ye, tey megdóyón Dwata.

Sulat Pol Ebè Yó Kem Tau Hemtahu Bè Rom 15:7 Referans Kwoze

Matyu 10:40

“Bè nim khógówu kuy ni,” mon Jisas, “yó se tau hmódó kuy, lómón ke ou hnódóhen. Ne yó se tau hmódó do, lómón ke hnódóhen yóm deng hógów do.

Kun Snulat Jan 13:34

Ne ni,” monen, “wen lomi hlauhu kuy. Yó hlauhu kuy, hol ye sbong nawa. Lómón yóm dou kbong nawa kuy, bud lómón yó se yóm kuy kesbong nawa.

Sulat Pol Ebè Yó Kem Tau Hemtahu Bè Rom 5:2

Lemwót bè yóm kehtahu tekuy béléen, deng wen ne lan Dwata tmóbóng tekuy. Tey kligal tekuy yóm angat kwen kut du yóm kun kehyu Dwata sok tekuy gefet bè longit. Yó se hendón nefet nawa tekuy nim kmoen ni.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

Kun Snulat Luk 9:48

ne monen mò kul, “Ke wen tau hmódó nim ngà nii mlan bè dou boluy, lómón ke ou yóm hnódóhen. Ne yóm hmódó do, lómón ke hnódóhen snéen tum hógów do. Yakà yóm alì heglaan bélê ye, yó se yóm hol geta.”

Mark 9:37

“Yó se tau hmódó yóm sotu ngà lómón yóm ngà nii mlan bè dou boluy, lómón se ke ou ne yóm hnódóhen. Ne yó se hmódó dou, là olon ou du yóm hnódóhen, okóm gomong hnódóhen yóm hógów dou snéen.”

Kun Snulat Luk 15:2

Yó gel slón le ke Jisas yó kem Farisi ne yó kem tau gel tmolok hlau, mon le, “Nim Jisas ni, sónmoen tendo gel hmódó yó kem tau gemsalà, lelen gel segbót mken bélê le.”

Ifisus 1:12

Duhen yó, bélê me kum kem tau hol tanay hemdón ke Krays, yake mi dé gónó Dwata megdóyón lemwót bè kun kehyu.

Sulat Pol Ebè Yó Kem Tau Hemtahu Bè Rom 15:9

Ne sotu gónón hógów ke Krays anì wen lan le dmóyón ke Dwata yó kem tau là Ju le lemwót bè yóm kkoduhen kul. Yó se yóm deng tehe snulat bè bok Lingón, monen, “Angat tey kdóyónu kóm lem blóng yó kem tau là Ju le. Angat hlanu bè kesngalu yóm kdóyónu kóm.”

Kun Snulat Jan 6:37

Kdê yó kem tau hemtahu béléu,” mon Jisas, “sal lemwót bè kun kehlan du Mà. Ne là kô naw e kenbê kul ke wen tau mógów ebéléu.

Kulasi 3:13

Yake hol ye sadat dé, ne hol ye seflifót ke wen gónó ye seglius. Lómón yóm deng kehlifót yóm gónó tekuy mogot yóm kut salà, hol lómón yó se kmò keseflifót tekuy.