Sulat Pol Ebè Yó Kem Tau Hemtahu Bè Rom 15:6 - Udél Dwata: Gna Kesfasad ne Lomi Kesfasad

⁶ anì ssotu nawa ye dmóyón ke Dwata yóm kdê ye. Du se Mà yóm gónó tekuy mogot Jisas Krays. Ne bud du snéen kun Dwata.

Sulat Pol Ebè Yó Kem Tau Hemtahu Bè Rom 15:6 Referans Kwoze

Deng Hegfan 1:6

ne deng henbalingen tekuy kem tau mò nogoten, kem tau mò gel blóng kem dumu tau ebè Dwata, yóm Maen. Bê tekuy lensón yóm kdóyón tekuy du. Laen kô dù sónen yóm tey kegetahen ne yóm tey kfasangen kmamal yóm klamangen.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Kul Nmò 4:24

Timbow deng gungol yó kem tau hemtahu, omin le gotu mni bè Dwata, mon le, “Ó Dwata, uu se tehe dmimun yóm longit ne tonok ne mohin ne kdéen ton.

2 Kurin 11:31

Tngón Dwata ke kéngu nim deng tulónu kuy ni. Du se hol Dwata yóm gónó tekuy mogot Jisas Krays, ne bud Maen snéen. Tey laen sónen yóm kdóyónu ke Dwata.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

2 Kurin 1:3

Hol tendo dóyón tekuy dé Dwata. Du se hol Dwata yóm gónó tekuy mogot Jisas Krays, ne bud du snéen yóm hol kun Mà. Nim Dwata monu ni, du se yóm Mà tekuy alì hulung kmodu, ne yóm Dwata tekuy alì hulung tmóbóng.

Kul Nmò 4:32

Tey tilob kessotu nawa le yó kem tau hemtahu bè Jisas. Balù yó kem kimu le, laen kô mtukul mfun du bélê le. Ke wen bélê le wen gónón élél, tódô sentóbóng le.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Sifanaya 3:9

“Bè yóm kdaw yó, tenlesu yóm ksumóng tau anì baling mólós ne anì tódô kdê le tmaba bè yóm dou boluy ne ssotu nawa le lemolò dou.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Ifisus 1:17

Gele mni bè yóm Dwata alì mfasang, yóm mà Jisas Krays yóm gónó tekuy mogot. Gel hnihu béléen anì blayen kuy yóm kun Tulus mò gónó ye baling hulung hedem, ne mò hegfan du bélê ye yóm kun kmò Dwata anì hol temnù ketngón ye du.

Kulasi 1:3

Bè ket yóm gel kni me bélê ye, tey gel kdóyón me ke Dwata yóm Mà yóm gónó tekuy mogot Jisas Krays.