Sulat Pol Ebè Yó Kem Tau Hemtahu Bè Rom 15:4 - Udél Dwata: Gna Kesfasad ne Lomi Kesfasad

⁴ Ket yóm udél deng tehe hsulat Dwata, sal gel wen hdalangen tekuy lemen. Lemwót bè yóm udél Dwata gónón là mili nawa tekuy baluen ke wen mgel sut bélê tekuy. Ne bè yó gónón lemwót yóm kegduf nawa tekuy igò tekuy mangat du yóm hendón nefet nawa tekuy.

Sulat Pol Ebè Yó Kem Tau Hemtahu Bè Rom 15:4 Referans Kwoze

1 Kurin 10:11

Yóm gbunù le yó mò gónó tekuy dmalang. Yó gónó Dwata hsulat du yóm yó mò gónó tekuy eles hol temgama, abay se móyónen hto ne yóm hol són kdaw.

Sulat Pol Ebè Yó Kem Tau Hemtahu Bè Rom 12:12

Hol tendo hlaan ye nawa ye abay se wen yóm hendón nefet nawa ye. Bê ye tnalaw ke wen gónó ye gel glayam. Tódô senflós ye mni bè Dwata.

1 Pitér 1:13

Duhen yó, hol sù ye bè nawa ye sen yóm kimón ye ke Dwata. Bê ye hningay. Hol ken-gel ye nawa yóm hyu angat blay Dwata kuy bè yóm kdaw kesfulék Jisas Krays edini.

Kem Lingón 102:18

Hol snulat ye nim ni anì tngón yó kem angat bud lugod ye, anì angat dóyón le Dwata yó kem tau là deng le sut.

Kem Lingón 119:50

Yóm fasadem do yó, yó yóm hmomi klowilu, ne mifa do bè kdê yó kem gónóhu glayam.

Hbakuk 2:2

Ominen malà do Dwata, monen, “Snulatem bè botu kufil yóm htonu kóm ni, bede hbongem ksulatem du ne htatawem anì mahil kesfalahen du yóm tau mlóy mit tulón anì tulónen bè kihu tau.

1 Tisalunika 1:3

Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.