Sulat Pol Ebè Yó Kem Tau Hemtahu Bè Rom 15:30 - Udél Dwata: Gna Kesfasad ne Lomi Kesfasad

³⁰ Wen hol gónóhu htóbóng bélê ye, kem dumuhu setwoli, hlanu bè Jisas Krays yóm gónó tekuy mogot, ne bè yóm kesbong tekuy nawa lemwót bè yóm Tulus Dwata. Yó hentóbóngu bélê ye, hol tnóbóng ye o mni bè Dwata,

Sulat Pol Ebè Yó Kem Tau Hemtahu Bè Rom 15:30 Referans Kwoze

Kulasi 4:12

Tey gel kólóm Ipafras kuy snéen kun sotu tau lemwót dyó bélê ye, yóm sotu tóbóng lówó Krays Jisas. Tey gel knihen bélê ye bè Dwata anì hol hbegelen yóm kehtahu ye, ne anì hol gtukul ye yóm kun kóyô bélê ye Dwata ne anì hol gulit klolò ye du.

2 Kurin 1:11

Tey mgel nawa me, abay se deng eles tngón me angat bud lenwaen mi he lemwót bè yóm gel kutóm ye kum bè yóm gel kni ye bè Dwata. Duhen yó, angat bnalà Dwata yóm tey kni ye bélê me yó, ne angat tey któbóngen kum. Ke ni se nmò Dwata, tey wen bélê ye gbót dmóyón du bè yóm któbóngen kum yó.

1 Tisalunika 5:25

Ó kem dumu me setwoli, hol gel tendo utóm ye mi snéen bè Dwata.

2 Kurin 4:11

Bè nim igò me tolo mowil, eles tendo moni bélê me se yóm hatay lan me lemolò ke Jisas. Okóm bè ni kem gel hlayam me ni gónón gfan yóm deng bud klowil Jisas lanen gel tmóbóng kum.

2 Tisalunika 3:1

Ne ni mò sónu du bélê ye, kem dumu me setwoli, bê ye senkas gel mutóm kum bè yóm gel kni ye bè Dwata, anì tódô senflósen mból yóm Tulón Hyu lemwót bè yóm gónó tekuy mogot, ne anì hol nadat yó kem tau hmungol du snéen, lómón se yóm kuy kadat du.

Flipay 2:1

Lemwót bè yóm deng kessotu ye bè Krays, deng setgel ne nawa ye. Gel henyuhen nawa ye lemwót bè yóm kbong nawahen kuy. Ne deng tey tilob kesetngón ye du ne yóm Tulus Dwata. Deng tey tilob ne yóm kmò kestóbóng ye ne yóm gel keskodu ye.

Kulasi 2:1

Kóyóu ke hol tngón ye yóm tey khotuhu gelu bélê ye, dalang se bè yó kem tau bè Ludisya, ne yó kem dumu tau là deng tngón le do he.

2 Kurin 4:5

Sundu kum boluy du yóm gel tulón me bè yó kem tau, okóm Jisas Krays yóm gel tulón me. Du se yóm gónó mogot mogot yóm klamangen. Bong ni dum kum, olo me kem tau tóbóng lówó ye lemwót bè yóm kmò me nmò bè Jisas.

2 Timuti 4:1

Nim bud hlolou kóm ni, tngón Dwata ne tngón Krays Jisas. Du yóm angat kmukum yóm kdéen tau, yó kem tau tolo mowil senged se yó kem deng matay. Ne lemwót bè yóm angat bud kesfuléken edini mò mogot yóm klamangen benwu, ni se hol hlolou kóm.

Kulasi 1:8

Deng tulónen kum yóm tey kesbong nawa deng blayen kuy yóm Tulus Dwata.

Ifisus 6:19

Ne hol gel utóm ye ou snéen bè yóm gel kni ye anì benlay Dwata ou khulung tmolok, ne anì laen dù klikou heglileb du bè kem tau yóm Tulón Hyu tehe gbuni bélê le.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

2 Kurin 12:10

Deng kem knalamu ne yó kem dê gónóhu lunog, ne yó kem alì gel kehnê le do yó kem tau. Deng knalamu snéen dou yóm klowil mgel, ne yóm alì gel kehsidek le do yó kem tau là hemtahuhen. Ne dê he kem dumu sidek gel gbunuu deng kem knalamu. Baluen ke wen gónóhu gel lunog, kaem bè yó se gónóhu bud lemwót kemgis.

Kem Lingón 143:10

Tolokem o mò du yóm kóm kóyô, yakà uu du yóm do Dwata. Yó hem Tulusem he fen malak do anì laen dù gfau.