Sulat Pol Ebè Yó Kem Tau Hemtahu Bè Rom 15:3 - Udél Dwata: Gna Kesfasad ne Lomi Kesfasad

³ Balù se ke Krays là kô hegnahen du kun knóyô. Lumun yóm deng monen bè udél Dwata, monen, “Ebéléu gónón gotu tódô yóm sidek kehnê le kóm yó kem tau.”Ket yóm udél deng tehe hsulat Dwata, sal gel wen hdalangen tekuy lemen. Lemwót bè yóm udél Dwata gónón là mili nawa tekuy baluen ke wen mgel sut bélê tekuy. Ne bè yó gónón lemwót yóm kegduf nawa tekuy igò tekuy mangat du yóm hendón nefet nawa tekuy.

Sulat Pol Ebè Yó Kem Tau Hemtahu Bè Rom 15:3 Referans Kwoze

Kem Lingón 69:9

Tey kkinì nawahu edu yóm Gónóem, Dwata, lómó kegnómu du, hol lómón ke ofi temluk lem kfuhu. Fen tódô ebéléu yóm kehnê le kóm yó kem tau.

Flipay 2:8

Bè yóm kbalingen tau, tey keheglaanen knóen, ne laen kô gónón là mimón ke Dwata efet kól bè katayen, balù yóm le tehe khatay le du bè kros.

Kun Snulat Jan 4:34

Mon Jisas se mò kul, “Yó se henged dou ken, duhen yóm kimónu yóm kun kóyô yóm hógów dou, ne bè yóm kegdengu du yóm hmoen dou.

Kun Snulat Jan 6:38

Là kô yó du lewótu gu bè longit ke naw e nmò yóm dou knóyô. Okóm yó hol dou nógów anì nmou yóm kun kóyô yóm hógów dou.

Kun Snulat Jan 5:30

Ne bud mon Jisas mò kul, “Ke tek són ou, laen kô gmou. Bè yóm angat kkukumu tau, tódô nmou yóm deng gungolu gu bè Mà, yó se gónón tedeng yóm kkukumu. Là kô tódô nmou du yóm dou kóyô, són olo nmou yóm kun kóyô yóm hógów do.

2 Kurin 8:9

Deng tngón ye se yóm alì nawahen tekuy yóm gónó tekuy mogot Jisas Krays. Gloken gemtagak yóm tey kun kendengen bè longit na a baling tau élél te tonok. Yó gónón mò du yóm yó anì baling wen kendengen tekuy mlan béléen.

Kun Snulat Jan 8:29

Yóm hógów dou,” mon Jisas, “là kô bayaen dou, abay se tendo nmou yóm kun knóyô.”

Matyu 26:42

Bud kewót Jisas bè yó bè gewuhen dulék, ne bud mni bè Dwata. Yó utóm yóm knihen, monen, “Ó Mà, ke là se hyu mkó du béléu yóm angat tey hlayamu ni, tódô henlósem sen yóm kóm kóyô.”

Matyu 10:25

Hyu nawahen yóm tau dmalang ke deng guliten yóm tau tmolok du. Ne yóm tau mò nmò, hyu nawahen ke deng guliten yóm amohen. Ke Seitan boluy le du yóm gónó ye mogot, milud he ksidek udél le ebélê ye, yu kem mogot béléu.”

Kem Lingón 69:20

Deng tey sidek kebà nawahu lemwót bè yóm tey kehnê le dou. Tey deng sidek ne kegnómu du. Ofol dou ke wen tau kmodu dou mò hemyu nawahu, okóm là, balù sotu.

Kun Snulat Jan 15:24

Ke là se deng nmou du lem blóng le yó kem hentaw ton là deng hnikót gel nmò kem tau du, là kô duón Dwata du kul yóm salà le yó. Okóm ni deng gotu ton le, deng mom knutó nawa le o lewu me Mà.

Kun Snulat Jan 15:10

Ke nimón ye yóm dou hlau, yó se gónó ye henek bè yóm kbong nawahu kuy. Lómón yóm kimónu yóm hlau Mà, ne kheneku bè yóm kbong nawahen do.

Matyu 26:39

Ominen mógów hlayuk udì, ne tódô hegluduk lemfen bè tonok, ne mni bè Dwata, monen, “Ó Mà, ke yó dum gmò, kóhem tahu dé yóm angat tey hlayamu ni. Okóm balù wen se yóm dou kóyô, tódô hendengem yóm kóm kóyô béléu.”

Matyu 27:44

Balù yó kem lewu tau gel mò sidek gomong tnutuk le bè Jisas, gbót le semdekà se kul.

Flipay 2:5

Yake lómón yóm tehe kun kehedem Krays Jisas yóm kuy kehedem: