Sulat Pol Ebè Yó Kem Tau Hemtahu Bè Rom 15:25 - Udél Dwata: Gna Kesfasad ne Lomi Kesfasad

²⁵ Okóm ni, naw na mógów ebè syudad Jirusalim, abay se wen tóbóng etedu bè yó kem tau hemtahu bè yó.

Sulat Pol Ebè Yó Kem Tau Hemtahu Bè Rom 15:25 Referans Kwoze

Kul Nmò 24:17

Deng tey hilu halayu ne là bud gemdà bè Jirusalim,” mon Pol. “Bè yóm lomi kógówu naw e eted yóm filak mò blay bè yó kem tau élél bè yó, ne wen tô hedsuu ebè Dwata.

Kul Nmò 19:21

Kogol ni kem ni, yó hendem Pol nan bud mlan tmonok lem prubinsya Masdunya ne Akiya, ominen hlós mulék ebè Jirusalim. Yó monen, “Sok kogolu gu bè Jirusalim, là gbeku du ke là hlóse ebè syudad Rom.”

Kul Nmò 20:22

Ni ne,” mon Pol, “bang bud kógówu ebè Jirusalim ne, abay se nimónu yóm khógówen dou yóm Tulus Dwata. Là kô tngónu du yóm angat bagiu ditu.

Kul Nmò 20:16

Deng nius me Ifisus, là móyô Pol slob bè yó, abay se là móyóen ganggà bè prubinsya Asya, koso ebè Jirusalim nan e ten-gafit yóm Kdaw Pintikus.

Kul Nmò 18:21

“Ke kun kóyô Dwata, angate bud gemdà dini.” Ominen bud smakay kafal lemwót bè yó bè Ifisus.

Glasya 2:10

Tek sotu tinok le kum, són yóm gel keblay bè yó kem tau élél hemtahu lem blóng le bè yó bè Jirusalim. Ne yó se sotu alì gel nô bè nawahu snéen dou.

Kul Nmò 9:13

Mon Ananiyas se kun, “Ê, Sér. Deng hónô gungolu yóm tau yó, yóm alì kehsideken yó kem tauhem bè Jirusalim.

Sulat Pol Ebè Yó Kem Tau Hemtahu Bè Rom 12:13

Hol gel tnóbóng ye kem dumu ye hemtahu ke wen gónó le élél se kul. Hol ye gel hmódó ke wen tau milo sut bélê ye.

2 Kurin 8:4

Mom lu he tódô hkodu bélê me anì gbót le tmóbóng se kul bè yó kem tau Dwata bè prubinsya Judiya.

2 Kurin 8:6

Duhen yó, hógów me Taytus edyó bélê ye, abay se du tehe mbut du ekni, hyu se ke bud henfuhen anì henlós ye yóm tey hyu nmò ye yó.

Hibru 6:10

Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.

1 Kurin 16:4

Ke wen se muhen béléu, mógówe se dou, ne tódô le mung dou he yó.