Sulat Pol Ebè Yó Kem Tau Hemtahu Bè Rom 15:21 - Udél Dwata: Gna Kesfasad ne Lomi Kesfasad

²¹ Lómón yóm monen bè Sulat Dwata, monen, “Yó kem tau là deng wen tmulón kul he, angat wen gónó le temngón du. Ne yó kem tau là deng hmungol du, angat wen gónó le gmileb du.”

Sulat Pol Ebè Yó Kem Tau Hemtahu Bè Rom 15:21 Referans Kwoze

Isaya 52:15

Okóm ni, tey kehtaw le du yó kem tau bè dumu benwu. Tódô le teneng yó kem tau hol geta bélê le, sidek ketnga le. Tódô ton le ne tngón le yóm tehe là deng hnikót tngón le du.”

Isaya 65:1

Yó udél Dwata, monen, “Deng eles hendemu ne kbalau du ke mni le béléu yó kem dou tau, okóm là sem dog le mni béléu. Deng eles nangatu ne yóm kebel le do, okóm là sem dog nebel le do. Là kô le dog mni béléu yó kem tau bè dou benwu, igou sem deng eles mangat kul anì yó tô monu mò kul, ‘Ni ou. Angat tnóbóngu yu.’

Mark 12:10

Omin Jisas bud mon du mò kul, “Deng hónô senfala ye se yóm tehe monen bè Sulat Dwata, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem, yó se yóm hol tahu botu mò hembegel yóm gónô hdà le.