Biblia Todo Logo
Bib sou entènèt

- Piblisite -




Sulat Pol Ebè Yó Kem Tau Hemtahu Bè Rom 15:2 - Udél Dwata: Gna Kesfasad ne Lomi Kesfasad

2 Yake gel hegna tekuy ke wen gónó tekuy tmóbóng yó kem dumu tekuy hemtahu anì wen gónón temnù kehtahu le se kul.

Gade chapit la Kopi




Sulat Pol Ebè Yó Kem Tau Hemtahu Bè Rom 15:2
15 Referans Kwoze  

Là kóen hyu ke són ktes tekuy, són yóm hyu bélê tekuy. Okóm yó dé yóm hyu, ke hol ktes tekuy yóm gónón hyu bè kem dumu tekuy.


Duhen yó, hol sen-galu tekuy mò yóm gónón menek nawa tekuy bè kem dumu tekuy, ne yóm mò gónó tekuy setgel bè kehtahu tekuy.


Hol dnalang ye dé yóm dou nmò. Yó gel sen-galuhu ke gel hegnahu yó kem dumuhu tau, là kô hegnahu du yóm dou kóyô. Yó gónóhu mò du yóm yó anì wen lanu tmóbóng kul anì gewà le gu lem hatay se kul.


Laen kô dù nmò tekuy mò gónó le myak kem dumu tekuy, ne là kô duil tekuy du yóm knóyô tekuy, ne là mahil tekuy meklit. Mlan bè yóm kesbong tekuy nawa, là kô snolò tekuy du ke wen mò sidek bélê tekuy.


Gel mon yó kem dumu tau, mon le, “Gbek tekuy mò du kun balù kihu nóyô nmò tekuy.” Ya mo ktahuhen du yóm yó, okóm là kô kdéen du hyu bélê tekuy, duhen ke gónó tekuy gemtóbóng kem dumu tekuy bè kehtahu le.


Okóm tólóng kun yóm tau gel tmugod yóm udél Dwata, abay se tódô mudél ebè kem dumuhen tau. Bong wen gónón tmóbóng kul, ne wen gónón gemduf kul, ne bud wen gónón hemyu nawa le snéen.


Duhen ni, kem dumuhu setwoli, bè yóm gel ksimba ye, hyu ke wen se bélê ye fen semngal, ne wen se fen tmolok bélê ye, ne wen se tmulón du yóm deng hetngón Dwata du, ne wen se fen mudél ebè Dwata bè yóm tólóng udél, ne wen se bélê ye fen tmugod du yóm udélen yó koni. Bè ket yóm nmò ye bè yóm kestifun ye yó, yake són nmò ye yóm mò gónó ye tmóbóng kem dumu ye bè kehtahu le.


Déke yó hendem ye, yó muhu mudél du nim udélu ni mò balau yó kem tey dê udél etahu. Là kô yó du. Kaem yó dé muhen mò gónóhu gemtóbóng kuy, yu kem dumuhu sogot nawa. Krays se nim fen hudél do ni. Bè yóm kudélu du, hol lómón ke nóe bè solu Dwata.


Mom hyu nawa me gemnóm du ke wen gónó me lunog, syan ke kemgis ye yó dum kuy. Duhen yó, yó gel hni me bélê ye bè Dwata anì baling ye gulit.


Yó gónó Krays mò du nim ni anì kdê tekuy kem tau Dwata, gbek tekuy mò du yóm hmoen kut, ne anì sónmoen temnù yóm kehtahu tekuy yóm kdê tekuy deng baling kun lówó Krays.


Béen sidek kbak tekuy. Són yó dé olo mon tekuy yóm hyu, són yóm udél wen gónón gemtóbóng kem dumu tekuy, yóm udél hol gemduf kul, mò gónó le dmalang. Yó dé olo benkó tekuy yóm udél wen muhen bè yó kem tau hmungol tekuy.


Swiv nou:

Piblisite


Piblisite