Sulat Pol Ebè Yó Kem Tau Hemtahu Bè Rom 15:19 - Udél Dwata: Gna Kesfasad ne Lomi Kesfasad

¹⁹ duhen yó kem hentaw ton gel hmoen do, ne yóm tey kfasangen bélê le yóm Tulus Dwata. Tehe lemwót bè syudad Jirusalim efete kól ditu bè yóm sotu prubinsya Ilirikum, gotu hetngónu bélê le yóm Tulón Hyu gbak ebè Krays.

Sulat Pol Ebè Yó Kem Tau Hemtahu Bè Rom 15:19 Referans Kwoze

2 Kurin 12:12

Yó se gónó ye milô du ou se sotu tahu hógów Dwata, duhen yó kem dê hentaw ton hmoen dou lem blóng ye, mung du yóm tey kganag nawahu.

Hibru 2:4

Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.

Glasya 3:5

Deng tehe sù Dwata bélê ye yóm Tulusen, ne wen se yó kem hentaw ton gel nmoen lem blóng ye. Bè yóm kmoen du bélê ye ni kem ni, lemwót bè yóm klolò ye du yóm hlau kô? Là kô yó du. Kaem yó dé gónón lemwót bè yóm deng kungol ye du yóm Tulón Hyu ne yóm deng kehtahu ye du.

2 Timuti 4:17

Okóm yóm gónó tekuy mogot, là kô bayaen dou, ne du fen temgel nawahu anì hol gotu gtulónu yó kem tau là Ju le bè yó yóm mò lan le gewà gu lem hatay. Ne deng lenwà Dwata ou bè yóm tô khatay le do.

Kul Nmò 20:6

Bè syudad Flipay gónó me lemwót smakay kafal. Song lemwót me bè Flipay, deng deng yóm mò ken bong gónó le gel mken du yóm mambang laen dù bulung henoken. Limu kdaw me te él, omin me gefet bè syudad Truas. Bè yó gónó me ston kul le Timuti, ne sotu fedyan me bè yó.

Kul Nmò 17:10

Timbow deng kifu, lemwót yó kem tau hemtahu, hógów le Pol ne Silas ebè Beriya. Bè yóm kkól le bè yó, tódô le hlós ebè yóm kul gónó gel stifun yó kem Ju.

Kul Nmò 20:20

Deng hónô tngón ye bè yóm gel ktoloku bélê ye, là kóe lenngayà tmulón du kuy yóm ktahuhen, senged se ke tmoloke bè gónón wen, duhen ke bè gónô ye.

Kul Nmò 19:1

Bè yóm tolo knô Apulus bè Kurin, lemwót ke Pol tódô hnalaken yóm sotu prubinsya efet kól bè Ifisus. Ne wen kem tau hemtahu glebeten bè yó.

Kul Nmò 18:19

Okóm na le slob dmuung bè syudad Ifisus, ne bè yó gónó Pol tmebel ke Prisila ne Akila. Tódô hlós Pol ebè yóm kul gónó gel stifun yó kem Ju, ne niten stulón yó kem tau bè yó.

Kul Nmò 18:1

Omin Pol lemwót bè yó bè Atin, mógów ebè syudad Kurin.

Kul Nmò 17:15

Yó kem tau momung ke Pol, hlós le mung du efet kól bè syudad Atin, omin le bud semfulék. Wen udél hwit Pol ebè Silas ne Timuti anì géhél le na a ston du bè Atin.

Kul Nmò 16:18

Hilu kdawen tendo gel semsulit du yóm monen yó efet tmakas Pol. Tódô beklil ebéléen, monen ebè yóm busaw malak du, “Lemwót bè kun boluy Jisas Krays, mdóhi béléen yóm ngà libun nalakem ni.” Tahu se, sen-gengen se tódô mdó béléen yóm busaw malak du.

Kul Nmò 15:12

Tódô le gteg yó kem tau hmungol du yóm udél Pitér yó. Omin le mudél se kul le Barnabas lewu le Pol. Gotu tulón le yó kem tey dê hentaw ton nmò Dwata hlanen bélê le bè yóm ktolok le lem blóng yó kem tau là Ju le.

Kul Nmò 14:25

Bud le slob tmolok udél Dwata bè syudad Pérga, omin le hlós ebè syudad Atalya.

Kul Nmò 14:20

Okóm mógów le ebéléen yó kem dumuhen hemtahu, gotu snibut le. Ne tódô bud btik lem blóng le Pol, mung kul mulék elem yóm benwu yó koni. Timbow hayahen bè yó, bud le lemwót lewu le Barnabas, mógów le ebè yóm benwu boluyen Dérbi.

Kul Nmò 14:10

ne ominen hgel udélen, monen, “Mdai ne, Wè.” Ne tahu se, tódô hebetik mdà yóm tau yó, ne tódô gógów se.

Kul Nmò 14:6

Bè yóm kungol le Pol du yóm yó, kendel le mlóy ebè syudad Listra ne bè Dérbi, kem benwu bè prubinsya Likunya, ne ebè yó kem dumu benwu hmilol du.

Kul Nmò 13:51

Yó gónó le Pol ne Barnabas olo tmótók kfung laan ti le mò ilô yóm klaen dù bud kul du ne ke tnafak Dwata lu yó kem tau kembê kul. Ne hlós le ebè syudad Ikunyum.

Kul Nmò 13:14

Bud kewót le Pol bè yó, tmonok le e subô ebè yóm sotu syudad boluyen Antyok. Nim Antyok ni, gsakuf prubinsya Pisidya. Timbow hto yóm Kdaw Kehegnô, mung le bè yóm kul gónó gel stifun yó kem Ju bè yó.

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Kun Snulat Jan 4:48

Ne yó mom mon Jisas mò du, monen, “Ke là wen hentaw ton gel nmou, là kô hentahu ye dou.”

Matyu 12:28

Là kóen na a lemwót bè Seitan yóm kehdóhu tulus sidek, okóm tódô lemwót bè yóm kehtulus Dwata do yóm kegbeku mò du. Ne ni gónó ye temngón du yóm deng kkólen lem blóng ye yóm kogot Dwata tau.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Kulasi 1:25

Deng nélék Dwata o mò tóbóng lówó yó kem tau hemtahu anì wen lanu hol tmóbóng kuy bè kehtahu ye. Néléken ou mò hetngón du yóm kun tulón,

Sulat Pol Ebè Yó Kem Tau Hemtahu Bè Rom 15:24

Tóe hlós ebè Spén, yóm benwu kem Kestilà, okóm naw hlun slob bélê ye bè yó bè Rom. Sok deng malù gsengel kegnómu du bè yóm kesegbótu bélê ye, yó he kehewót ye do.

Sulat Pol Ebè Yó Kem Tau Hemtahu Bè Rom 15:13

Yó hem Dwata hol bemlay kuy yóm kligal ne yóm kenek nawa lemwót bè yóm deng kehtahu ye béléen. Du se yóm nefet nawa tekuy. Ne lemwót bè yóm tey kfasang yóm Tulus Dwata gónón hol seflós temnù yóm hendón nefet nawa ye.

Sulat Pol Ebè Yó Kem Tau Hemtahu Bè Rom 15:16

Yó hmoen do, henbalingen ou tau mò hógów Jisas Krays ebè kem tau là Ju le. Bè yóm kwitu du ebélê le yóm Tulón Hyu lemwót gu bè Dwata, lómón ke ou yóm tau gel demsù ebè Dwata. Yó henged dsù blayu du, duhen yó kem tau là Ju le deng hemtahu bè Jisas. Ne henmóyô Dwata snéen yóm dsuu yó, abay se deng nfunen lu yóm Tulus Dwata.

1 Kurin 2:4

Bè yóm tehe kmò ktoloku lem blóng ye, dalang se yó kem tehe gel tulónu kuy, là kô hlanu du bè khulung tau mudél. Okóm tódô lemwót bè kun kfasang yóm Tulus Dwata gónó ye dmilô du yóm hol ktahuhen yóm tulónu kuy yó.

1 Tisalunika 1:5

Abay se bè yóm tehe kwit me ebélê ye yóm Tulón Hyu, là kô olo udél tau du se yóm yó, okóm tódô gmung bè yóm udél me yóm kun kfasang yóm Tulus Dwata, ne tódô gnóm me se kum yóm hol ktahuhen yóm tulón nwit me yó. Ne deng ton ye snéen yóm kum kmò bè yóm tehe knô me bélê ye dyó, hono bè kuy kehyu nim nmò me ni.