Sulat Pol Ebè Yó Kem Tau Hemtahu Bè Rom 15:16 - Udél Dwata: Gna Kesfasad ne Lomi Kesfasad

¹⁶ Yó hmoen do, henbalingen ou tau mò hógów Jisas Krays ebè kem tau là Ju le. Bè yóm kwitu du ebélê le yóm Tulón Hyu lemwót gu bè Dwata, lómón ke ou yóm tau gel demsù ebè Dwata. Yó henged dsù blayu du, duhen yó kem tau là Ju le deng hemtahu bè Jisas. Ne henmóyô Dwata snéen yóm dsuu yó, abay se deng nfunen lu yóm Tulus Dwata.

Sulat Pol Ebè Yó Kem Tau Hemtahu Bè Rom 15:16 Referans Kwoze

Sulat Pol Ebè Yó Kem Tau Hemtahu Bè Rom 11:13

Ni se udélu ebélê ye yu kem tau là Ju ye. Ou se yóm deng nélék Dwata mò hógówen ebélê ye. Yó gónóm mon, hol hotuhu gelu se do mò du yóm hmoen dou.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

Flipay 2:17

Yóm kehtahu ye bè Dwata, lómón ke yó yóm dsù gel blay ye ke Dwata. Bè yóm dsù ye yó, déke kóyô Dwata ke dou litô mung du mò twél ye tahen. Ke yó se kmoen, teye hligal du, gbóte hligal bélê ye bè yóm dsù gel blay ye.

Kul Nmò 9:15

Bud mon yóm gónóhen mogot mò du, “Lemwóti etu ne, abay se deng néléku nim tau ni mò angat hógówu elem blóng yó kem tau là Juhen, ne ebè yó kem tau hol geta, ne ebè yó kem tau Israél snéen. Du se angat heglalag du yóm dou boluy lem blóng le.

2 Timuti 1:11

Nim Tulón Hyu ni, deng nélék Dwata o mò fen hógówen na a tmolok du,

1 Timuti 1:11

Yóm monu tahu tolok ni, yó sem Tulón Hyu deng sigang Dwata tahu mò hetngónu ebè yó kem tau. Nim Tulón Hyu ni, lemwót bè Dwata, yóm hol hyu bè kdéen, yóm knóón dmóyón du.

Hibru 13:16

Ne bê tekuy abay klifót yóm ktilob kmò tekuy bè kem dumu tekuy tau ne yóm gel kestóbóng tekuy, abay se ni se mò henged dsù gónón hyu nawa Dwata.

Sulat Pol Ebè Yó Kem Tau Hemtahu Bè Rom 15:18

Laen kô dumu gel tulónu, tek són yóm deng gendeng Krays hlanen béléu anì baling nimón le Dwata yó kem tau là Juhen. Yó kmoen du, hlanen bè yóm ktoloku ne yóm gel nmou lem blóng le,

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

1 Timuti 2:7

Ni se gónó Dwata hógów dou mò tmolok yó kem dumu tau là Ju le anì hentahu le yóm ktahuhen. Hol tahu nim monu ni, là kô kéngu du.

2 Kurin 5:20

Ne duhen yó, mi se gel hógów Krays mò mit yóm kun tulón. Hol lómón ke Dwata fen mudél ebélê ye, okóm hlanen bélê me. Yó udél hwit Krays kum, monen, “Géhél ye mit sefyu ebè Dwata ne.”

1 Kurin 4:1

Bè kuy kehedem kum, mi se kem tau tóbóng lówó Krays. Deng sigang Dwata ta me yóm ktahuhen tehe gbuni bè kem tau gnan.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

1 Tisalunika 5:23

Yó hem Dwata gónón lemwót yóm kenek nawa tekuy. Du se hol hólós kuy anì laen dù belenen sidek yóm knawa ye ne yóm kehedem ye ne yóm klówó ye bè yóm kdaw kkól Jisas Krays yóm gónó tekuy mogot.

1 Tisalunika 2:9

Dô là deng klifót ye du he yóm tehe tey kmò me nmò bè yóm tehe knô me dyó bélê ye. Tódô senflós me kemdaw ne kifu mò nmò anì là glayam ye temdof kum bè yóm igò me tmolok kuy yóm Tulón Hyu lemwót bè Dwata.

1 Tisalunika 2:2

Ne tngón ye se yóm tehe kehsidek le kum ne kesedekà le kum yó kem tau bè Flipay gu laan me là deng kól bélê ye bè yó bè Tisalunika. Okóm baluen se yóm alì kwen fen tô hemseng kum, tey ketgel Dwata nawa me anì tulón me kuy yóm Tulón Hyu lemwót béléen.

Flipay 4:18

Duhen yó, ni sii mò lesibuhen yóm kdê deng blay ye do, botong wen lukasen béléu lemwót bè yóm blay ye do yó. Laen kô dù hendeenu ni kmoen ni lemwót bè yóm blay ye dou hlan ye bè Ipafruditus. Ni kem blay ye dou ni, hol lómón yóm gel dsù le alì minggel boohen gel blay le ebè Dwata, yóm dsù gel henmóyóen, ne yóm gónón gel hyu nawahen.

Ifisus 2:22

Lemwót bè yóm deng kessotu ye béléen, yó se gónó ye baling ngom bè nim gónô monu ni. Tódô ye gomong bè yó kem dumu ngomen efet tekuy baling gónô gónóhen nô Dwata, hlanen bè yóm kun Tulus deng nô bélê tekuy.

Ifisus 2:18

Lemwót bè yóm deng nmò Krays gónón wen lan tekuy hloni ebè Dwata yóm kdê tekuy, kem tau Ju ne kem tau là Ju le. Yóm kehloni tekuy ebéléen yó, hlanen bè yóm Tulus Dwata deng suen bélê tekuy.

Glasya 3:5

Deng tehe sù Dwata bélê ye yóm Tulusen, ne wen se yó kem hentaw ton gel nmoen lem blóng ye. Bè yóm kmoen du bélê ye ni kem ni, lemwót bè yóm klolò ye du yóm hlau kô? Là kô yó du. Kaem yó dé gónón lemwót bè yóm deng kungol ye du yóm Tulón Hyu ne yóm deng kehtahu ye du.

2 Kurin 11:23

Ke gel mon le tau le tóbóng lówó Krays se kul, mom ou ne tau tóbóng lówó hol gulit senta le. Ni se udél yóm tau lengel mata nim udélu ni. Là kô na le e gatù dou bè yóm alì kmou nmò bè Krays. Deng hilu duléku geblanggù, ne deng hilu duléken ne wen tau mfes dou ne tô hmatay do.

2 Kurin 8:5

Ya tey ketnga me du yóm kbong blay le. Okóm yó hol tanay nmò le, na le gotu hogot yóm gónó tekuy mogot yóm kul klowil. Ne lemwót bè yóm kimón le ke Dwata, bud gbót nimón le mi snéen kum.

1 Kurin 6:19

Deng hónô tngón ye se nim lówó tekuy hol gónóhen nô yóm Tulus Dwata tehe sù Dwata bélê tekuy, yóm deng blayen tekuy. Là bud tekuy du ne funen yóm lówó tekuy, deng nfun Dwata.

1 Kurin 3:5

Bè ktahuhen, nim ou lewu me Apulus, olo me kem tóbóng lówó Dwata mò lan ye hemtahu béléen. Olo me kem tau mò du yóm hmoen kum yóm gónó tekuy mogot.

Sulat Pol Ebè Yó Kem Tau Hemtahu Bè Rom 15:29

Tódô tngónu soke sut lem blóng ye, angat tey kehyuhen yóm nmò Krays bélê tekuy bè yó.

Sulat Pol Ebè Yó Kem Tau Hemtahu Bè Rom 5:5

Angat dohò kguta tekuy du yóm hendón tekuy yó, abay se deng gotu gnóm tekuy ne yóm kbong nawa Dwata tekuy, hlanen bè yóm Tulusen deng basahen tekuy.

Kul Nmò 22:21

Bud mon yóm gónóhu mogot mò dou, ‘Lemwóti ne, abay se mayuk gónóhu e hógów kóm elem blóng yó kem tau là Ju le.’ ”

Kul Nmò 20:32

Ni ne,” monen, “tódô hogotu yu bè Dwata, du he hol semgyok kuy. Hogotu kuy yóm Udél Dwata mò gónó ye temngón du yóm tey nawahen kuy, yó se hembegel kehtahu ye. Ne bè yóm udélen yó gónó ye gmuta du yó kem tóbóng angat blay Dwata bè kdê yó kem kun tau.

Kul Nmò 13:2

Sotu kdaw bè yó, fasting le. Bè yóm igò le mni, tódô stulón bélê le yóm Tulus Dwata, monen, “Hetfing ye do Barnabas lewu le Sol. Wen hmou kul.”

Sulat Pol Ebè Yó Kem Tau Hemtahu Bè Rom 15:19

duhen yó kem hentaw ton gel hmoen do, ne yóm tey kfasangen bélê le yóm Tulus Dwata. Tehe lemwót bè syudad Jirusalim efete kól ditu bè yóm sotu prubinsya Ilirikum, gotu hetngónu bélê le yóm Tulón Hyu gbak ebè Krays.

Sulat Pol Ebè Yó Kem Tau Hemtahu Bè Rom 15:20

Bè yóm gel ktoloku yóm Tulón Hyu, yó hol sen-galuhu ke yó gónóhu tmolok bè yó kem tau là deng mungol du yóm boluy Krays. Là kóe tmolok bè yó kem benwu deng wen tmolok du.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.