Sulat Pol Ebè Yó Kem Tau Hemtahu Bè Rom 14:6 - Udél Dwata: Gna Kesfasad ne Lomi Kesfasad

⁶ Yóm tau ke gel wen kdaw htólóngen bè yó kem dumu kdaw, yó se mò gónón hegfan yóm kadaten ke Dwata se kun. Ne senged se yóm tau laen dù hniihen bè ken, yó se mò kun gónó hegfan yóm kadaten ke Dwata se kun, abay se sal gel dóyónen Dwata bè yóm gel kenen. Ne senged se kun yóm tau tolo wen hniihen, yó se yóm kun gónó hegfan du yóm kun kadat ke Dwata, ne gónón dmóyón du.

Sulat Pol Ebè Yó Kem Tau Hemtahu Bè Rom 14:6 Referans Kwoze

Matyu 15:36

Ne nwahen yóm hitu botù mambang ne yóm udì utón él, ne nan mni bè Dwata. Tikóng deng knihen, ominen kembéng du, ne hsagiden yó kem gel lemolò du.

Matyu 14:19

Tahu se. Omin Jisas gotu hyón yó kem tau bè yóm gónón ukol bnes. Ne nwahen yóm limu botù mambang ne lewu tedek utón él, ne temngel ebè longit, mni bè Dwata. Ominen kembéng yóm mambang, ne oguhen yó kem gel lemolò du anì sagid le ebè yó kem tau.

Glasya 4:10

Gotu tô lolò ye kdê yó kem gel hlolò le kuy bè kdaw ne bè bulón ne bè halay.

Kun Snulat Jan 6:28

Ne mon le se mò ke Jisas, “Tedu se tô nmò me du anì gmò me yóm kun kóyô Dwata?”

Isaya 58:5

Bè yóm kfasting ye, glok ye alì heglayam knô ye. Tey keheglaan ye yóm kkudung ye, omin ye hnal yóm kumù sakù ne tey kohù bulus ye tahen mò gónó ye hlilil. Yó kô yóm mon ye fasting? Kmò kehedem ye du, hyu nawahu du kô yó?

Kehewà 16:25

Bè yóm ghituhen kdaw mon Musis mò kul, “Ken ye kemdaw ni nim ken ni abay se ni se yóm Kdaw Kehegnô deng blay tekuy ebè Dwata. Laen kô dù ken bud ton ye kemdaw ni bè lewà nim kamfù tekuy.

Kehewà 12:42

Ni se yóm kifu kbentey Dwata kul bè yóm kwiten kul hewà gu bè Idyip. Ne bud ni se yóm kifu deng htólóng le bè Dwata efet kól bè laen dù tul sónen. Ket halay le gel hmigal du ke sok bud kól yóm butengen, bud gel tles hningón nmò le se kul yóm tehe kbentey Dwata kul yó. Là gomongen bè nili yóm bérs 43 efet kól bè bérs 51. Yó tulónen yó kem hlolò Dwata kul bè Kdaw Khius.

Kehewà 12:14

Yó udél Dwata, monen, “Hol gel hnigal ye ke sok bud kól nim Kdaw Khius ni mò gónó ye hemtulón du nawa yóm deng nmou bélê ye. Bê ye abay nmò sónen yóm tendo gel kulit kmò ye du ket halay.

Sikaraya 14:21

Bè ktahuhen, tódô kdê yó kem kuleng bè Jirusalim ne bè Juda, gotu ke Dwata funen, yóm Dwata laen dù là gbeken du. Yóm kdéen tau demsù ebè Dwata, tódô kihu kun nóyô nwit bè ni kem kuleng ni ke tnógóhen yóm dsuen ebè Dwata. Ne bè yóm kdaw yó, laen dù bud tau Kanan mung bè yóm kun Gónô yóm Dwata laen dù là gbeken du.