Sulat Pol Ebè Yó Kem Tau Hemtahu Bè Rom 14:5 - Udél Dwata: Gna Kesfasad ne Lomi Kesfasad

⁵ Bud sotuhen, wen se tau wen kdaw htólóngen, monem bong muhen kun senta yó kem dumu kdaw. Okóm wen se tau laen kô dù kdaw mtukul bong muhen senta kem dumu kdaw. Yake ket tau béen hegewu nawahen lemolò du yóm hol kun kehedem du yóm hyu.

Sulat Pol Ebè Yó Kem Tau Hemtahu Bè Rom 14:5 Referans Kwoze

Sulat Pol Ebè Yó Kem Tau Hemtahu Bè Rom 14:23

Okóm ke tolo megewu nawahen du yóm tô kenen, salaen bè Dwata ke kenen, abay se là loloen du yóm hentahuhen. Balù kihu nmò tekuy, ke là lolò tekuy du yóm deng hentahu tekuy, salà tekuy bè Dwata ke nmò tekuy.

1 Kurin 8:7

Okóm nim ktahuhen ni, là kô kdéen du tau temngón du. Tey mgel bè kem dumu tau ke tô kó le yóm sana kul adat bè kehtahu le yóm dwata kéng. Ne ke gbót le mken yóm ken deng dsù le ebéléen, ofo kul hemdem du ke deng wen tahu funen. Lemwót bè yóm tolo kegewu kehedem le du, là mólós kegnóm le du ke ken le.

Sulat Pol Ebè Yó Kem Tau Hemtahu Bè Rom 14:14

Lemwót bè yóm deng kegfihu bè Jisas hol gónóhu temngón du laen dù mtukul ken sidek bè Dwata. Són yó dé gónón sidek, són bè kehedem tau du.

1 Kurin 8:11

Duhen yó, lemwót bè yóm deng ketngón tekuy du, angat megtuled nim tau tolo lufi kehtahuhen ni, igoen du se sotu dumu tekuy hemtahu, yóm sotu tau gónó Krays matay.

Kun Snulat Luk 1:1

Deng dê ne tau hmotu gel le smulat du yóm deng nmò Jisas lem blóng me.

Sulat Pol Ebè Yó Kem Tau Hemtahu Bè Rom 4:21

Tey ken-gel nawan yóm kegbek Dwata dmohò du yóm fasaden béléen.