Sulat Pol Ebè Yó Kem Tau Hemtahu Bè Rom 14:18 - Udél Dwata: Gna Kesfasad ne Lomi Kesfasad

¹⁸ Ke lómón yó klolò tekuy ke Krays, tey hligal bélê tekuy Dwata, ne hligal bélê tekuy kem dumu tekuy snéen.

Sulat Pol Ebè Yó Kem Tau Hemtahu Bè Rom 14:18 Referans Kwoze

2 Kurin 8:21

Kóyô me ke laen dù gónón gemsanil kum yóm gónó tekuy mogot, dalang se kem tau, hyu ke laen dù sanil le kum se kul.

1 Pitér 2:20

Ke wen gónó le tmafak kuy lemwót bè kuy salà, baluen ke gbek ye hembala du, là kô dóyón Dwata kuy, abay se kuy salà. Okóm ke tódô tnafak le yu hkawang igoen laen dù sidek nmò ye, ke gbek ye hembala du yóm yó, tey któbóng Dwata kuy.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

2 Kurin 5:11

Ne lemwót bè yóm deng ketngón me du yóm angat kdà tekuy bè solu yóm gónó tekuy mogot, yó gónón wen klikò me du. Yó gónó me hotu du gel me mit kem tau anì baling le hemtahu. Gotu tngón Dwata yóm kum kmò, ne kóyóu ke gotu tngón ye snéen kuy.

1 Pitér 3:16

Okóm hol hen-ganag ye nawa ye malà kul mung du yóm kadat ye kul. Hol gel ten-gama ye anì laen dù sidek gmò ye. Baluen ke wen tau semdekà kuy bè yóm klolò ye ke Krays, ke laen dù sidek tonen bélê ye, bud mulék myak yóm tau semdekà yó.

1 Timuti 5:4

Bede ke wen ngà le duhen ke bé le, yó se mò temdof kul, mò towok liteg yê le kul ne bé le. Ni se sotu hol hlolò Dwata yó kem tau deng hemtahu béléen. Ke ni se gel nmò le, tey bong hyu kegnóm Dwata du.

1 Timuti 2:3

Tey hyu se ke lómón ni yóm gel nmò te, ne tey hligal du Dwata snéen, yóm deng lemwà tekuy gu lem hatay.

Kulasi 3:24

Bê ye abay klifót, angat wen blayen kuy yóm gónó tekuy mogot mò ofol ye lemwót bè yó kem deng hentifesen bè yó kem kun tau. Yakà Krays du yóm hol kuy gónó mogot yóm gónó ye mò nmò.

Flipay 4:18

Duhen yó, ni sii mò lesibuhen yóm kdê deng blay ye do, botong wen lukasen béléu lemwót bè yóm blay ye do yó. Laen kô dù hendeenu ni kmoen ni lemwót bè yóm blay ye dou hlan ye bè Ipafruditus. Ni kem blay ye dou ni, hol lómón yóm gel dsù le alì minggel boohen gel blay le ebè Dwata, yóm dsù gel henmóyóen, ne yóm gónón gel hyu nawahen.

2 Kurin 6:4

Hol kóyô me ke dilô le bè kekdol me yóm ktau me tóbóng lówó Dwata. Yó gónó me tódô hol hembala du ke wen gónó me glayam, duhen ke wen yóm mgel sut bélê me, duhen ke wen gbunù me.

2 Kurin 4:2

Tey kenbê me kum yó kem nmò sidek gel bnos tau, ne yó kem dumu nmò gónó le gel hemyak knô. Là kô gel nmò me du se kum yóm gel smukat. Bè yóm gel ktolok me udél Dwata, là kô tódô lenbù me du, sal gel tulón me yóm ktahuhen. Ne tódô tngón Dwata se ktahuhen nim monu ni, ne dilô kem dumu tau snéen yóm klaen dù lafinen yóm gel nmò me.

1 Kurin 7:22

Ke deng tnaba yóm gónó tekuy mogot yóm tau klifen, là kóen bud klifen ne bè yóm ktonen du yóm gónón mogot. Senged snéen yóm tau là klifenen, ke deng tnaba Krays deng klifen béléen ne.

Sulat Pol Ebè Yó Kem Tau Hemtahu Bè Rom 16:18

Abay se là kô lolò le ke Krays yóm gónó tekuy mogot yó kem tau yó. Són kul knóyô lolò le. Lemwót bè yóm alì khulung le mudél, gel gsukat bélê le yó kem tau là deng tngón le du yóm ktahuhen.

Sulat Pol Ebè Yó Kem Tau Hemtahu Bè Rom 14:4

Là kóen hyu ke tódô tendok tekuy kun kmò yóm tau tóbóng lówó bè dumu tau. Tek són yóm hol kun gónó mogot gembek hemdeng du yóm kun kmò, ke hyu duhen ke là. Kaem angat wen gónóhen e kól he kun yóm tau tendokem yó, abay se yóm gónó tekuy mogot fen tmóbóng du.

Sulat Pol Ebè Yó Kem Tau Hemtahu Bè Rom 12:11

Hotu ye gel ye mò nmò, bê ye abay hduk. Hotu ye nawa ye mò du yóm hmoen kuy yóm gónó ye mogot.

Sulat Pol Ebè Yó Kem Tau Hemtahu Bè Rom 6:22

Okóm ni, deng ye gewà bè yóm óyô mò sidek, baling ye ghesek bè Dwata. Yó uléken, baling ye tedeng bè ktonen kuy, ne angat blayen kuy yóm klowil laen dù sónen.

Kul Nmò 10:35

Balù kihu tau, ke wen klikoen ke Dwata, ne ke hol nmoen yóm hyu bè Dwata, là kô knogol Dwata du se kun, nô kihu se kun gónó gu mbut.

Kun Snulat Jan 12:26

Yóm tau móyô mimón do,” mon Jisas, “là kô gbeken du ke là loloen do. Balù kihu gónóhu nô, yó se bud kun gónó nô. Angat tey kadat Mà du yóm tau ke nimónen o.”

Mark 13:34

Hol lómón yóm tau mógów ebè yóm sotu benwu mayuk. Gu laanen là deng lemwót, nan eles tulón yó kem tau mò nmò béléen yóm hmoen kul, yóm ket kul na sotu. Ne tulónen yóm tau fen mentey bè bak tikeb anì eles ningaten yóm kkólen.

Tekang Kbuten 4:7

Ke yóm hyu yóm dsuem, tedu duónu là hemmóyô du? Okóm lemwót bè yóm là kehyuhen, hol lómón ke wen salà mangat kóm bè bak autem anì nwiten uu. Tódô kenbéem dé anì là gmungi.”

2 Kurin 5:9

Okóm yó hol sen-galu me ke tendo hyu nawahen ebélê me, kihu ke tolo me nô bè ni talak tonok, duhen ke deng me kól ditu béléen.

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.