Sulat Pol Ebè Yó Kem Tau Hemtahu Bè Rom 14:16 - Udél Dwata: Gna Kesfasad ne Lomi Kesfasad

¹⁶ Baluen ke là sideken béléem, okóm ke sidek bè yóm sotu dumuhem hemtahu, hol béem abay nmò, abay se kô baling sidek kbak le ebéléem.

Sulat Pol Ebè Yó Kem Tau Hemtahu Bè Rom 14:16 Referans Kwoze

Sulat Pol Ebè Yó Kem Tau Hemtahu Bè Rom 12:17

Bê ye bnalà sidek yó kem gel mò sidek bélê ye. Hentilob ye kmò ye anì laen dù gónó le gemsanil kuy kem dumu ye.

1 Tisalunika 5:22

ne hol ye hlayuk du kuy yóm kdéen nmò sidek.

Rut 3:14

Tahu se, tódô hlós hlilil bè yó Rut klohok ti Buas. Okóm tódô hlafus btik gu laanen là deng minal mwas anì laen dù tau mton du, abay se là móyô Buas ke wen tau temngón du yóm knóen bè yó.

Taytus 2:5

Bud dnalang le bélê le se yóm khulung mafas nawa, ne yóm klaen dù belenen yóm gel nmò le, ne yóm khulung hgifat gu lem gónó le, ne yóm khulung le heglaan bè kem tuha logi le. Ke ni se gel nmò yó kem libun, laen kô bang gónó le gemsanil du yóm tulón lemwót bè Dwata yó kem dumu tau hmilol kul.