Sulat Pol Ebè Yó Kem Tau Hemtahu Bè Rom 14:14 - Udél Dwata: Gna Kesfasad ne Lomi Kesfasad

¹⁴ Lemwót bè yóm deng kegfihu bè Jisas hol gónóhu temngón du laen dù mtukul ken sidek bè Dwata. Són yó dé gónón sidek, són bè kehedem tau du.

Sulat Pol Ebè Yó Kem Tau Hemtahu Bè Rom 14:14 Referans Kwoze

Taytus 1:15

Yó kem tau deng mólós kehedem le, sal gel mólós se kehedem le du yóm kdéen ton le. Bede kul yó kem tau là mólós kehedem le, tau là mimón ke Dwata, là kóen mólós bélê le kul yóm kdéen ton le, abay se là buden tedeng ne kehedem le, ne laen dù bud bemekel nawa le.

Sulat Pol Ebè Yó Kem Tau Hemtahu Bè Rom 14:2

Yóm tau deng mtétél kehtahuhen, laen kô dù hniihen bè yóm gel kenen. Okóm wen se tau là dengen nelem kehtahuhen, són lemnaw utónen.

1 Kurin 8:7

Okóm nim ktahuhen ni, là kô kdéen du tau temngón du. Tey mgel bè kem dumu tau ke tô kó le yóm sana kul adat bè kehtahu le yóm dwata kéng. Ne ke gbót le mken yóm ken deng dsù le ebéléen, ofo kul hemdem du ke deng wen tahu funen. Lemwót bè yóm tolo kegewu kehedem le du, là mólós kegnóm le du ke ken le.

1 Timuti 4:4

Kdê yó kem deng tehe dlimun Dwata, hono hyu, ne bê te abay mom kenbê. Yake hol henmóyô te, mung du yóm gel keslamat te béléen.

1 Kurin 8:10

Mò kmoen se, lemwót bè yóm deng ketngón tekuy yóm ktahuhen, fen tekuy mken lem gónô yóm dwata kéng. Ke wen tau tolo megewu kehedemen du mton tekuy, déke gbót mken se kun yóm ken deng dsù le bè dwata kéng, igoen tolo megewu kehedemen du.

Kul Nmò 10:28

Ne mon Pitér mò kul, monen, “Deng hónô tngón ye se kuy, là hyuhen bè kum hlau kem Ju ke mauy me duhen ke slomong me bè yó kem tau là Ju le. Okóm deng hetngón Dwata dou là hyuhen ke tô kenhisiku yó kem dumu tau, ke tô monu là mólós le.

1 Kurin 10:25

Là kóen sidek ke ken ye yóm utón gel hbalù le lem fedyan. Okóm ke bemli ye, omin he ke dê snólók ye, anì là megewu kehedem ye du yóm utón gel benli ye.

Sulat Pol Ebè Yó Kem Tau Hemtahu Bè Rom 14:23

Okóm ke tolo megewu nawahen du yóm tô kenen, salaen bè Dwata ke kenen, abay se là loloen du yóm hentahuhen. Balù kihu nmò tekuy, ke là lolò tekuy du yóm deng hentahu tekuy, salà tekuy bè Dwata ke nmò tekuy.

Sulat Pol Ebè Yó Kem Tau Hemtahu Bè Rom 14:20

Bê tekuy abay hensidek kehtahu kem dumu tekuy mlan bè yóm gel ken tekuy. Laen kô dù ken nali Dwata bè kem tau, okóm yó gónón sidek ke fen btang bè salà kem dumu tekuy hemtahu lemwót bè kken tekuy.

Mark 7:2

Wen ton le bè yó kem dumu tau gel lemolò ke Jisas yóm tódô kken le, là na le molob tdok le, duhen yóm là klolò le du yóm sotu hlau deng nmò yó kem Farisi bè kolob le tdok gu laan le là deng mken.