Sulat Pol Ebè Yó Kem Tau Hemtahu Bè Rom 14:11 - Udél Dwata: Gna Kesfasad ne Lomi Kesfasad

¹¹ Deng wen tehe udél Jisas deng snulat le, monen, “Ou se yóm Dwata là kóen na a matay ne ni se hol udélu. Angat le gotu mtud bukol bè soluhu yóm kdéen tau, ne kdê le se angat mon du, ‘Uu se yóm tahu Dwata.’”

Sulat Pol Ebè Yó Kem Tau Hemtahu Bè Rom 14:11 Referans Kwoze

Kem Lingón 72:11

Tódô kdéen tau hol geta bè klamangen benwu, angat le gotu mtud bukol bè soluhen. Tódô kdéen tau bè klamangen benwu, angat gotu mimón du.

Sulat Pol Ebè Yó Kem Tau Hemtahu Bè Rom 10:9

Ke gel tulón ye bè dumu tau yóm Jisas hol gónó ye mogot, ne ke hentahu ye yóm deng kehlowil Dwata du gu lem hatay, yó se gónó ye gewà gu lem hatay.

Isaya 49:18

Ngem, nénégem dé yóm gu hmilolem, deng nbut le gotu stifun yó kem tauhem, gotu le bud mulék ebéléem. Ou se yóm Dwata là matayen, hol tahu yóm tulónu kóm ni. Tey kehyu nawahem bè yó kem tauhem bud mulék ebéléem, hol lómón yóm kehyu nawa yóm libun myehen bè yóm kimuhen mebtes.

1 Jan 4:15

Ke wen tau mon du hol Ngà Dwata yóm Jisas Krays, deng le ssotu Dwata ne yóm tau yó, ne hlós nô béléen Dwata.

Sulat Pol Ebè Yó Kem Tau Hemtahu Bè Rom 15:9

Ne sotu gónón hógów ke Krays anì wen lan le dmóyón ke Dwata yó kem tau là Ju le lemwót bè yóm kkoduhen kul. Yó se yóm deng tehe snulat bè bok Lingón, monen, “Angat tey kdóyónu kóm lem blóng yó kem tau là Ju le. Angat hlanu bè kesngalu yóm kdóyónu kóm.”

Matyu 10:32

Bud mon Jisas, “Yóm tau ke gel tulónen yóm kloloen do lem blóng kem dumun tau, angat bud tulónu se kun bè solu Mà bè longit.

Lista 14:21

Okóm ni eles tulónu kóm ne là kóen na a bud mulék elem baku nim monu ni. Tahu se yóm klaen dù sónen yóm klowilu ne bud tahu se yóm tendo kegfanen bè klamangen benwu yóm tey kegetahu.

Deng Hegfan 5:14

Mudél se yó kem fat mtulus mdà bè yó, mon le, “Tey tahu se.” Ne lemwót se kul yó kem lewu folò fat tau tuha, gotu le bud hegdungul, ya tey kdóyón le ke Dwata ne yóm Ngà Ubiha.

2 Jan 1:7

Deng tey dê ne yóm tmolok sekban deng sekla bè klamangen benwu. Yó kesekban le, gel henkéng le yóm tehe kehbalingen tau Jisas Krays. Yóm tau tmolok yó, olon tmundug kuy, du se yóm hohon Jisas.

Sifanaya 2:9

Yó gónóm mon, lemwót bè yóm là katayu, yó gónón dohò yóm udél deng monu, Angat genlau yó kem tau Muab ne yó kem tau Amun, lómón yóm tehe tódô sulék keglau yó kem tau bè yóm benwu Sodom ne Gmura. Yó angat kmou yóm kul tonok ni kem tau genlau ni, angat tódô tfeng tahen bnes semnual ne angat baling hono sol gónó le ma kahì, tonok laen dù bud muhen kól bè laen dù tul sónen. Yó kem dou tau dù tebel, angat wen megef yó kem kimu le ne gotu nwa le yó kem tonok le.”

Lista 14:28

Ni tulónem kul yóm balau du yóm ksel le do yó, monem mò kul, ‘Ni hol udél Dwata ebélê ye ne là kóen mulék elem baken nim monen ni. Tódô nmoen bélê ye yóm deng gungolen lemwót gu bélê ye. Yóm sana Dwata hol gónó mogot mon du nim ni.

Jirimaya 22:24

Yó udél Dwata eta Jihuyakin yóm ngà Jihuyakim yóm tau hol geta bè Juda, monen, “Ni se udél yóm Dwata là matayen. Baluen he ke uu yóm tising blówón nô bè tdok kwananu, botong kóhu uu.Blayu uu elem hólól yó kem tau malu hmatay kóm, yó kem tau alì knikoem. Blayu uu elem hólól Nibukadnisar yóm tau hol geta bè Babilun ne ebè yó kem sendaluen alì mfasang.