Sulat Pol Ebè Yó Kem Tau Hemtahu Bè Rom 14:10 - Udél Dwata: Gna Kesfasad ne Lomi Kesfasad

¹⁰ Ne duhen yó, yu kem tau olon mken lemnaw, hol bê ye abay tendok kem dumu ye. Ne yu kem tau là mélék ye, hol bê ye abay kenhisik kem dumu ye. Abay se kdê tekuy angat gotu mdà bè solu Dwata, angat knukumen tekuy.

Sulat Pol Ebè Yó Kem Tau Hemtahu Bè Rom 14:10 Referans Kwoze

2 Kurin 5:10

Yakà kdê tekuy du angat mdà bè solu Krays hulin kdaw anì knukumen tekuy. Tódô ket tau angat gmuta du balà yóm tehe deng kun nmò te tonok, ke hyu duhen ke sidek.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Kehedem Tau Tmolok 12:14

Gotu knukum Dwata kdê yó kem gel nmò tekuy, hyu duhen sidek. Balù yó he kem nmò gebnos, gotu knukumen.

Sulat Pol Ebè Yó Kem Tau Hemtahu Bè Rom 2:16

Duhen yó, ni se kmoen bè yóm kdaw angat kehkukum Dwata ke Jisas Krays yóm kdéen tau. Angat knukumen yó kem deng tehe nmò le, balù yó kem gebnos. Ni se hol nô lem yóm Tulón Hyu gel nwitu.

Kun Snulat Jan 5:22

Sotuhen, là kô Mà du yóm angat kmukum kem tau. Okóm deng sigangen ta yóm Ngaen ne yóm angat kkukumen kdéen tau,

Kul Nmò 10:42

Yó hol dóken kum,” mon Pitér, “fen hetngón me elem blóng yó kem tau yóm kun Tulón Hyu, ne yóm deng kélék Dwata du mò angat hkukumen kdéen tau ke sok bud semfulék edini. Angat gotu knukumen kdéen tau tolo mowil, dalang se kdéen tau deng matay.

Kul Nmò 4:11

Du se yóm gónón e gbak yóm tehe mon Dwata bè sulaten, yóm monen, ‘Wen botu deng senkbê yó kem tau hemdà gónô, ofo kul ke laen dù muhen. Anì monem tek sónen yó se yóm botu mò hembegel du yóm gónô hdà le.’

Kul Nmò 17:31

Yakà dengen mdengen kbuteng Dwata du yóm angat kkukumen yóm kdéen tau, hlanen bè yóm tau deng néléken, ne tey tedeng yóm angat kkukumen kul. Wen gónó Dwata hdilô du bè kdéen tau yóm tau deng néléken yó, duhen yóm deng kehlowilen du.”

Kun Snulat Luk 23:11

Yó nmò Hirod ne yó kem sendaluhen, mom senflowon le Jisas, lel le hemnê du. Hesek le du yóm nes gel lesek yóm tau hol geta, ne bud heted Hirod Jisas ebè Paylét.

Kehedem Tau Tmolok 11:9

Ó ngà logi lomi lemnok, holi hligal bè yóm igoem hanà tolo lomi tau. Hol hnigalem yóm klowilem ket kdaw. Nmoem yóm kóm kóyô, ne hotuhem gelem mò du yóm kdéen. Okóm hol béem abay klifót, angat snolò Dwata béléem kdê yó kem deng nmoem.

Matyu 7:1

“Bê ye tódô hendeng kul kmò kem dumu ye tau,” mon Jisas, “anì là hendeng Dwata du se yóm kuy kmò.

Kun Snulat Luk 18:9

Bud wen sotu hlingón tulón Jisas bè yó kem tau gel hemtedeng knô, ne gel kenhisik le kem dumu le. Yó monen,