Sulat Pol Ebè Yó Kem Tau Hemtahu Bè Rom 14:1 - Udél Dwata: Gna Kesfasad ne Lomi Kesfasad

¹ Wen sotu tulónu kuy bè kmò ye ebè yóm tau là dengen nelem kehtahuhen. Hol gel hmung ye bélê ye, okóm bê ye gel nit skuya bè yóm gónó ye stólóng bè kehtahu ye.

Sulat Pol Ebè Yó Kem Tau Hemtahu Bè Rom 14:1 Referans Kwoze

Sulat Pol Ebè Yó Kem Tau Hemtahu Bè Rom 15:1

Yóm kdê tekuy deng mbegel bè kehtahu hol tekuy gel hanay nawa bè yó kem tau tolo wen gónó le lunog. Bê tekuy olo hemdem yóm hyu bè knô tekuy.

1 Kurin 9:22

Ke nóe lem blóng yó kem tau tolo lufi kehtahu le, tódóe hmung bè yóm kul kmò anì wen lanu mit kul bè kehtahu le. Ket tau gel tnulónu, sal gel hnebelu yóm lanu gemwit kul ebè Krays.

Sulat Pol Ebè Yó Kem Tau Hemtahu Bè Rom 15:7

Duhen yó, hol gel henmóyô ye yó kem dumu ye hemtahu, lómón yóm deng kehmóyô Krays kuy. Ke yó se nmò ye, tey megdóyón Dwata.

Sulat Pol Ebè Yó Kem Tau Hemtahu Bè Rom 14:21

Hol bê tekuy abay nmò gónó le btang kem dumu tekuy mlan bè kutón tekuy, bè kinum tekuy, duhen ke wen nmò tekuy mit kul btang.

2 Jan 1:10

Duhen yó, ke wen tau sut bélê ye, okóm là nuliten du yóm kun tolok Krays, bê ye hotun bè gónô ye, ne bê ye abay hnódó.

Sulat Pol Ebè Yó Kem Tau Hemtahu Bè Rom 4:19

Bè yóm kdaw kfasad Dwata ke Abraham yó, móyónen gefet bè lematu ne halay Abraham, ne tódô tngónen là buden mngà. Lelen atil he Sara, yóm tuha libunen. Ewenem là kóen monol yóm kehtahuhen du yóm fasad Dwata du bè yóm angat kwen ngaen.

Kun Snulat Luk 17:2

Mom hyu béléen he yóm tau yó ke tódô bot le elem mohin gu laanen là deng wen tau hebtangen, tléwéng bè liholen yóm botu gónó gel gmaling, olo ke hebtangen elem salà yóm sotu ngà.

Matyu 14:31

Omin Jisas kendel kemfô du bè sigelen, monen, “Tey udì kehtahuhem nim uu. Moen du ke megewu nawam do?”

Matyu 12:20

Bè yóm któbóngen tau, là kô tennù tenfoken du yóm hulu deng metngù, ne là tennù hnatayen du yóm solok sónmoen mudof. Okóm henlelen yóm któbóngen kul efet hol gfan yóm kukum tedeng nogoten.

Isaya 42:3

Kehlingónu du yóm któbóngen kuy, hol lómón ke yu yóm ngà hulu móyón sfék, okóm là kô nan e tenfok du. Ne hol lómón ke yu yóm solok sónmoen mudof, okóm là kô nan hlef du. Du se hol mit du yóm kukum tedeng laen dù sónen bè kdéen tau.

Isaya 40:11

Tey hyu yóm angat kesegyoken kul, lómón yóm tau hyu kesegyoken yó kem ubihahen. Gel sentifunen yó kem ngà ubihahen ne gel sniwihen lu. Ne hen-ganagen malak yó kem yê le.

Job 4:3

Bè gnan kdaw, deng dê dulékem gel temgel nawa yó kem tau wen gónón lebà nawa le anì smalig le bè Dwata ne gel ntudem yó kem tau wen gónó le lunog.

Isikél 34:16

Angat bud nebelu lu yó kem deng lana, nwitu lu semfulék yó kem deng tabag. Bnausu ke wen tfok bélê le ne hekgisu yó kem lunog. Okóm yó kem deng mabù ne kemgis bélê le, gotu genlau lu. Ou se yóm semgyok ubiha tedeng kkukumen.

Isikél 34:4

Là kô dog ten-gel ye kul yó kem lunog. Là se kô bnulung ye kul yó kem wen desen. Là kô dog bnaus ye kul yó kem tfok bélê le. Là se kô hnebel ye kul yó kem deng tabag dalang se yó kem deng tlas. Deng mom yó nmò ye, tendo danda dók ye lu ne lel ye hemsidek kul.

Flipay 2:29

Yó ne, sok kól dyó, hol ye hligal bè yóm khódó ye du, abay se du yóm sotu dumu tekuy setwoli bè yóm gónó tekuy mogot. Ne ke wen dumu tau mkél du kmoen, hyu ke hol nadat ye.

Kun Snulat Jan 13:20

Tódô tulónu kuy ktahuhen,” monen, “yó se tau hmódó yóm tau hógówu, hol lómón ke ou se yóm hnódóhen yó. Ne yó se tau hmódó dou, deng hnódóhen snéen yóm hógów do.”

Matyu 18:10

“Hyu ke béen abay wen hen-gnok ye bè ni kem ngà nii. Tódô tulónu kuy, eles wen yó kem hógów Dwata tendo gel nô bè Mà bè longit fen gel semgyok kul.

Mark 7:19

Abay se balù kihu sungit yóm tau, là kóen hlós elem hendemen, sal hlós elem blututen, ne ominen yó bud gel lemwà gu lem lówóhen.” (Bè nim udél Jisas ni gónó tekuy temngón du laen kô dù ken sidek bélê tekuy.)

Kul Nmò 28:2

Tey khódó le kum yó kem tau menwu bè yó. Kendel le hbong bélê me ofi mò gónó me mnalang, bà mon tey tnaw, lel kulón.

Sulat Pol Ebè Yó Kem Tau Hemtahu Bè Rom 11:15

Lemwót bè yóm kekbê Dwata kul, yó gónó le mit sefyu ebè Dwata yó kem tau là Ju le. Ke lómón yó, milud he yóm kehyuhen bélê ye sok le deng gotu bud semfulék ebè Dwata yó kem kun tau Ju. Hol lómó kegnóm tekuy du, lómón yóm tau deng mowil gu lem hatay.

Sulat Pol Ebè Yó Kem Tau Hemtahu Bè Rom 14:2

Yóm tau deng mtétél kehtahuhen, laen kô dù hniihen bè yóm gel kenen. Okóm wen se tau là dengen nelem kehtahuhen, són lemnaw utónen.

Sulat Pol Ebè Yó Kem Tau Hemtahu Bè Rom 14:3

Yóm tau laen dù bud hniihen bè kkenen, béen mom henwog sen yóm tau tolo wen hniihen. Senged bè yóm tau són lemnaw utónen, béen tô tendok yóm tau laen dù bud hniihen. Yakà deng henmóyô Dwata du yóm tau yó.

1 Tisalunika 5:14

Bud sotu hesgalu me kuy, kem dumu me setwoli. Hol eles bnólów ye lu yó kem tau mduk. Hol ten-gel ye nawa yó kem tau gel hlóng likò. Tnóbóng ye yó kem tau là dengen ngelem kehtahu le, ne hol hanay ye nawa ye ebè kdê le.

Hibru 5:14

Okóm ke deng nimónen Dwata yóm tau, lómón ke deng gbeken mken yóm ken mgel. Abay se deng tendo gel dnalangen se kun milô du yóm hyu ne yóm sidek.