Sulat Pol Ebè Yó Kem Tau Hemtahu Bè Rom 13:7 - Udél Dwata: Gna Kesfasad ne Lomi Kesfasad

⁷ Yóm kdê bnayad tekuy bè gubérnó, gotu bnayad tekuy lu. Ne hol nadat tekuy lu snéen yó kem tau mogot benwu.

Sulat Pol Ebè Yó Kem Tau Hemtahu Bè Rom 13:7 Referans Kwoze

Kun Snulat Luk 20:25

“Na,” mon Jisas, “ke Sisar se funen, tódô blay ye ke Sisar yóm kun. Ne blay ye bè Dwata se yóm kun.”

Matyu 17:25

Mon Pitér se, “Igò se.” Kewót Pitér bè yó, husek elem gónô le. Unihen husek, tódô kendel wen snólók Jisas béléen, monen, “Ó Simun, tedu kóm kehedem du nim ni? Bè ni te tonok, tau du se fen gel mayad bwis bè yóm tau hol geta, kem ngaen kô, duhen ke yó kem tau knamalen?”

Kem Udél Hlalak Tehe Selumun 24:21

Ó Man, hol knikoem Dwata ne yóm tau hol geta béléem ne béi segbót bè yó kem tau hguluk bélê le.

1 Timuti 5:17

Yóm tau tilob kesgalaken kem dumun tau bè simbahan, hol knóón béléen ke hol henyu ye keblay ye du ofolen. Hol nê yóm tau ke alì gotu nawahen tmolok du yóm Udél Dwata, ne ke hol henkimeden yóm gel ktoloken.

Matyu 22:21

Mon le se, “Sisar.” “Na,” mon Jisas, “ke Sisar se funen, tódô blay ye ke Sisar yóm kun, ne blay ye ke Dwata se yóm kun.”

Ifisus 6:5

Ne yu kem tau klifen, hol gel nimón ye yó kem tau mfun kuy lemwót bè yóm kadat ye kul. Hewót ye lem but blutut ye yóm kimón ye kul, hol lómón se ke Krays yóm nimón ye.

1 Pitér 3:7

Senged se kuy kem logi deng myehen, hol gel hendem ye yóm kuy tuha libun, abay se là gsenged le du yóm kuy kgis. Hol gel nadat ye lu, abay se senged kguta le du se kul yóm klowil laen dù sónen lómón se yóm kuy. Hol nmò ye nim ni, anì laen dù gónón gseng yóm kni ye bè Dwata.

1 Timuti 6:1

Yó kem tau klifen, yake hol nadat le yó kem tau mfun kul anì laen dù tau hemnê ke Dwata, ne là hennê le du snéen yóm ktolok te.

Ifisus 5:33

Okóm gbak ebè yó kem tau syehen snéen. Ket logi, yake hol kenbong nawahen yóm kun tuha libun, lómón se yó nem kbong nawahen yóm kun knô. Ne yu kem libun, hol nadat ye yóm kuy tuha logi.

Kun Snulat Luk 23:2

Yóm deng kkól le bè yó, tódô gotu tulón le yóm kdê tifù le du, yó mon le, “Nim tau ni, deng mom niten lu hetlas yó kem Ju, ne bnekelen yóm gel kbayad me bwis bè yóm tau hol geta bè Rom. Ne yó sotu gel monen nim tau ni, du kun yóm Misaya, sotu tau hol geta.”

Mark 12:17

“Na,” mon Jisas, “ke Sisar se funen, tódô blay ye ke Sisar yóm kun. Ne blay ye ke Dwata se yóm kun.” Ya tey ketnga le du yóm kbalà Jisas kul yó.

1 Samwél 12:18

Tahu se, mni bè Dwata Samwél ne tódô heték Dwata gu bè longit bè yóm kdaw yó ne tey kehkulónen du. Tódô kdê yó kem tau mdà bè yó ya tey sidek klikò le ke Dwata ne bè Samwél.

Hlolò 19:32

Hol nadat ye yó kem tuha bélê ye. Hol nimón ye o mlan bè yóm klikò ye dou. Ou se yóm hol gónó mogot.

Hlolò 19:3

Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

1 Timuti 5:13

Déke knalam le sembad lem blóng gónô, hlós le lemfu. Là olon yó du, okóm hlós baling libun lemnek ksumóngen, dê snoloen, hbólen yó kem là hyu bud hból du.

Kem Udél Hlalak Tehe Selumun 3:27

Béem sen-gafas yóm tóbóng ebè yóm tau bang gónó e bemlay du ke wen se nô béléem mò tóbóngem du.

Kun Snulat Luk 20:22

Ni tô snólók me béléem,” mon le. “Gsalà bè hlau tekuy kô yóm tendo gel kbayad tekuy bwis ebè Sisar, yóm tau hol geta bè Rom?”

Sulat Pol Ebè Yó Kem Tau Hemtahu Bè Rom 12:10

Kdê ye deng hemtahu, hol ye sbong nawa. Hol ye gel sadat.

Sulat Pol Ebè Yó Kem Tau Hemtahu Bè Rom 13:6

Bud yó snéen yóm gónó ye gel mayad bè gubérnó yó kem bwis. Yó kem tau mtuk du, kaem lemwót bè Dwata yóm nmò le yó.

1 Bok Kem Tau Hol Geta 3:17

Yó mon yóm sotu libun, “Ó Amo, setnù me lem gónô nim libun nii. Bè yóm igò me setnù, sut se yóm bnututu.