Sulat Pol Ebè Yó Kem Tau Hemtahu Bè Rom 13:5 - Udél Dwata: Gna Kesfasad ne Lomi Kesfasad

⁵ Yó gónóm mon, hol nimón tekuy yó kem tau genlal. Là són yó du gónó tekuy mimón ke mone anì là gnóm tekuy du yóm tafak Dwata, okóm yó dé hol gónó tekuy himón abay se tódô tngón tekuy yó se yóm hyu.

Sulat Pol Ebè Yó Kem Tau Hemtahu Bè Rom 13:5 Referans Kwoze

1 Pitér 2:19

Abay se tey któbóng Dwata kuy ke hol henbala ye yóm sidek gel nmò le bélê ye hkawang. Yó gónó ye gembek hembala du, abay se là kóen mkó bè nawa ye yóm kun kóyô Dwata.

Kul Nmò 24:16

Yó gónóm mon, tódô hotuhu gelu dou mò du yóm tedeng anì laen dù blóngu ebè Dwata duhen ke ebè kem dumuhu tau.

1 Pitér 3:16

Okóm hol hen-ganag ye nawa ye malà kul mung du yóm kadat ye kul. Hol gel ten-gama ye anì laen dù sidek gmò ye. Baluen ke wen tau semdekà kuy bè yóm klolò ye ke Krays, ke laen dù sidek tonen bélê ye, bud mulék myak yóm tau semdekà yó.

Hibru 13:18

Hol gel utóm ye mi bè Dwata. Tódô tngón Dwata se ke deng wen blóng me ebéléen. Tey gel kesgalu me du anì laen dù tlek belenen yóm gel nmò me.

Sulat Pol Ebè Yó Kem Tau Hemtahu Bè Rom 13:6

Bud yó snéen yóm gónó ye gel mayad bè gubérnó yó kem bwis. Yó kem tau mtuk du, kaem lemwót bè Dwata yóm nmò le yó.